ســـــــــــــــــــــــــــــاعدوووووووووووووووني

[أفـــراح]

السلاااااااااااااااااااااام عليكم ورحمة الله وبركاته
اخواتي الاعـــــــــــــــزاء انا عضوة جديده بالمنتدى الرائع
وهذا اول موضوع لي وابي ردودكم وخااااااصة المتزوجات
الله يخليكم ابيكم تساعدوني انا عروس وليمن الحين ماسويت شي
وعرسي بعد سته اشهر امانة ابيكم تفيدوني انا اكبر خواتي وامي كبيرة بالسن
وماعندي احد يعلمني والله اني محتاجه لاحد يعلمني افيديوني الله يخليكم بالتجهيز بكل شيء
والله اني لحد الحين ماجهزت ولا شيء علموني شنو اسوي الله يخليكم
وسامحوني على الازعــــــــــــــــاج

 

[الجــادل]

رد : ســـــــــــــــــــــــــــــاعدوووووووووووووووني

حياج الله اطرحي اسالتج وماراح نقصر

والف مبروك

 

[تبطي عظم!]

وآآآآآآي

احسج انا لووووووووووول

انا عرسي بعد ست شهور على شهر واحد 2011 ان شاء الله

ماسويت شي احس تو الناس وانا نفسج اكبر خواتي..

بس لي ببدي فيه حاليا اهتم بنفسي بشعري وبشرتي وجسمي

بستخدم خلطات باخذلي فره على قسم العنايه بالشعر والبشره والي يعجبني بطبقه ان شاء الله

وقبل العرس بـ 4 شهور بشترك بنادي رياضي علشان يصير عندي لياقه واصير لهلوبه بشغل البيت وما اتكيسل ههههههههههههه << جويده

وعلى فكره عرسي وعرسج بيكون بالشتا يعني لا تعبين نفسج وتشترين شيء حتى اذا نزلو شتوي وعليه تخفيضات لا تاخذين لان ياعمري يكون

قديم ولا تكثرين ملابس لان الشتا عندنا مو طويل

والله والبرد عاد بس اشتري من الحين لبس البيت لان لبس البيت مو شتوي انا عند اهلي شتا

وصيف لبس البيت نفسه مايتغير لاني داخل ماحس بالبرد من الدفايات...

واذا سويت شيء وفادني ببلغج وانتي بعد مو تنسيني بلغيني والله يوفقج ويوفقني ياربـ ويوفق كل العرايس

ويرزق العزابيات

 

[Something wooow]

حبيبتي الحين بسرعة
رووووووحي مسكي ورقة وقلم

وكتبي احتياجاتج كلها في ورقة

وكتبي كل شغله اشكثر بتشترين منها العدد يعني
مثلا

البدلة
بدل كشخة
دراريع رزه

تكرمين جواتي

عطور

ميكب
كريمات

تسريحة الشعر

قمصان نوم

ملابس للبيت(جينزات شورتات وبلوزات كت وحفر يعني أشياء تلبسينها بس حق زوجك وانتو في البيت ...يعني فناتق مو بجامات )

وهكذا وان شاء الله البنات مايقصرون معاج

 

[مدام زيزو]

رد : ســـــــــــــــــــــــــــــاعدوووووووووووووووني

شنو تبين حبيبتي سألي واحنا حاضرين
بتسوين عرس؟
بتسين حنه؟
بتسوين استقبال؟
شنو ستايلج بالتجهيز تحبين دراريع تحبين بدل؟
تحبين اطقم والا تحبين ماركات
انتي قولي واحنا بالشوفه

 

[الأميرة جوري]

لرفععع

 

[نيو سيدنى]

حبيبتى سوى بحث بالمنتدى فى وايد مواضيع حق التجهيز
موفقة حياتى

 

[الله يحفظ امي]

رد : ســـــــــــــــــــــــــــــاعدوووووووووووووووني

الف الف مبروووووووووووووووووووووووووك

روحي حق التجمعات ماشاء الله البنات كفوا ووفوا الله يوفقهم

والله يوفقكج ويبارك لكما و يبارك عليكما ويجمع بينكما بالخير ...

 

[قمر2009]

الف مبروووك حبوبه دشي على قسم مركز العنايه بالبشره والشعر في شغلات وااايد راح تفيدج

 

[قَلبڪْ صًخرْ]

حبيبتي اول شي .. ألف مبروك
ثاني شي الله يخلي لج الوالدة .. وطلبي دعواتها ..
شوفي في البداية بلشي بالعناية .. عندج الخلطة الصابونية
لمزيونة وشقرا .. بتشترينها منها ماتقصر او تسوينها بايدج ..
http://www.q8yat.net/showthread.php?t=75055
واستخدمي خلطة زيوت ( الوز .. وجلسرين .. وجنين القمح .. ليمون )
واذا عندج مشاكل ببشرتج علاجيها .. ولاتنسين اسنانج وشعرج ..
والريجيم .. اذا انتي امتبتبه ..
والمغربي لاتنسينة مره بالاسبوع سواء في بيتج او بصالون ..
واذا تبين اشتراك بصالون عندج ( الشرقية .. هيربل سبا )

وتجهيزج .. ابدي بقمصان النوم والبجايم والملابس الداخلية
ونفانيف قصيرة للشقة الكيوت .. واكسسوارات للشقه والبيت عند ريلج
اما اكسسوارات اللي بتلبسينهم عند الحريم خليهم بعد رمضان .. تكون البضايع يديدة
هو والدراريع والملافع حرام تلبسين شي ملبوس مع العبي
واشتري جم جنطة .. ولاتنسين الشور الجل والكريمات والعطور والمكياج
ترى مايخرب .. واشتري جناط او صناديق لجهازج .. وجم ساعه حلووة وماركة ..
واشتري جنطة للميك اب ... وبعد شنوو .. ان ذكرت ماراح اقصر ..
واي سؤال الخاص موجود .. وانا بالشوفة ..

وشوفي عرايس شهر 12 استفيدي منهم حبيبات ومايقصرووون