تكمله ...
هالجزء جدا ممتع
طبعا صارت الساعه 8 نبي نروح للوايلد وادي لان وقتهم من الساعه 9 لي الساعه 1 بالليل
وكانو في اثنين من خواتي مايبون يروحون معانا اهما اللي راحو مع ابوي للمتحف وسوق نايف وقعدت طول ما احنا نأكل اقنعهم يروحون معانا لاني سمعت عنها حيل حلوه ووناسه صج
بعدها اقتنعووو :ggdw:
وقعدنا ندور لهم محل بسوق الجميرا يبيع ملابس بحر ( اخذنا وايد ملابس بحر معانا من الكويت بس اهما الله يهديهم كانو مايبون وخليناهم بالفندق )
المهم الحمدالله حصلنا محل يبيع ملابس بحر وشرو خواتي الاثنين اهما صج حلوين بس غاليين
طلعنا من سوق الجميرا وباجي ربع ساعه وتصير الساعه 9
وركبنا التاكسي
وصلنا للوايلد وادي
طبعا لما وصلنا انصدمنا كان حده زحمه ماتوقعت جذي عبالي ماكو احد وطبعا كان اغلب الحاضرين من دول الخليج
لما وصلنا كان زحمه وفي طابوريين كل واحد منفصل عالثاني لما سألت واحد لسكان فندق الجميرا بتش وبرج العرب يدشون مجانا واذا بصير معاهم راح يكون تذكرتي للشخص الواحد 195 درهم وكان الطابور مو زحمه كثر الثاني
الثاني التذكره 165 درهم
سألت خواتي قالو خلينا انصير معاهم عشان اندش بسرعه وصج وقفت جذي 5 دقايق وصار دوري والصدمه كانت التذكره للشخص الواحد 165 درهم لووووول
المهم دشينا واخذو الكاميرا وراحو خواتي غرفة تبديل الملابس ورحت انا اخذ لنا لوكر واخذت لوكرين عشان نحط فيه ملابسنا
بعدها رحنا نتمشى ودشينا كلنا لعبه مثل الشلال وكان الشلال مو طبيعي لما ينزل عليج وطبعا كنا راكبين طفاحات واول ماطفنا الشلال قطينا الطفاحات وطحنا لها سباحه ولا وحده من خواتي خوافه مو راضي تنزل من الطفاحه وانا اجي صوبها وادزها واهيا تمسك الطفاحه حيل وتصارخ لا لا لا :dddds:
بعدها اثنين ضاعو مادري وين راحو لووووووووول
تمينا احنا الثلاثه مع بعض وركبنا لعبه اتكون الطفاحه كبيره تكفي 4 اشخاص بس احنا ركبنا 3 بروحنا امبييييه مو طبيعه قعدت تفتر فينا الزحلاقيه ربع ساعه اي نسيت لا اقول لكم تقريبا نوقف ننطر كل لعبه 10 دقايق لان كان حده زحمه
بعدها نبي نروح لعبه ثانيه ولا تقول وحده من خواتي نسيت شحاطتي نطروني لا تروحون قلنا اوكي والحديقه كبيره وقعدنا ننطرها وقلنا نروح للعبه واهيا تجينا اهناك وننطر وننطر ماكو ماوصلت وروح ادورها ومالقيتها رديت للعبه وطبعا ضاعت اهيا بعد :dddds:
تمينا انا واختي ووقفين باللعبه ننطر ومثل ماقلت لكم يطول الدور فا تعرفنا على 3 بنات قطريات يهبلون عسل وسوالف معاهم لما وصل دورنا في نوعين من الطفاحات (طفاحه يركب فيها شخصين وطفاحه يركب فيها شخص واحد ) طبعا اختي ركبت مع وحده قطريه وانا ركبت معاي اختها وتمت وحده بروحها ولعبنا واستانسنا
بعدها رحنا انا واختي والقطريات نكمل لعب واحنا داخل لعبة الامواج صج امواج مو طبيعيه مو امواج الاكوابارك
المهم طلعت انا والقطريه من لعبة الامواج وندور اختي واهيا ادور اختها وبنت خالتها وهم ضاعو :ada:
تميت بروحي ومعاي قطريه ولعبت هاللعبه
طبعا بنات في فيديو شكثر عن وايلد وادي WILD WADI في اليوتيوب بس انا اخترت لكم اللي مافيه صور بنات
انتو دشو اليوتيوب وكتبو بالعربي او الانجليزي ويطلع لكم
فا اخترت لكم بعض من الفيديو الموجود باليوتيوب ( طبعا مو من تصويري لان ممنوع وقت النساء التصوير )
المهم ركبت هاللعبه ودش الماي بأذوني وخشمي وكل مكان فيني :dddds:
http://www.youtube.com/watch?v=0uEZd6xL_Ew
بعدها ضاعت القطريه لووووووووووووووووول وتميت بروحي
والله يحبني وانا افتر ادور اي احد اعرفه ولا الاقي خواتي الاثنين اللي ضاعو اول شي
وطبعا الاقي معاهم شلة بنات :eh_s(1):
منو هذيلا ولا طلعو 3 اماراتيات وقطريه و3 سعوديات متعرفين عليهم خواتي
يعني صرنا مجلس الخليج التعاوني واول ماشافوني قالو هاذي فلانه طبعا اختي عطتهم نبذه عني لوووووووووول
وبعدها استانس مع بعض وماخلينا لعبه ماركبناها
وهاللعبه ركبناها مع بعض بس نوصل للمكان هذا كنا نموت من الضحك و ونتهاوش منو ينزل اول شي للزحلاقيه طبعا مدة اللعبة ربع ساعه وانتي تفترين بالطفاحه من زحلاقيه لي الثانيه واللي يسبحونج فلبينيات يشتغلون اهناك المهم تهاوشنا منو ينزل اول الجاليه الكويتيه او الاماراتيه او القطريه او السعوديه طبعا على طول دزيت اختي لوووووووووول وصار تصفيق وهيييييييييا فازت الجاليه الكويتيه :ggdw::ggdw:
بتقولون ليش يصارخون اذا دشو هالزحلاقيه لان اخر زحلاقيه ظلمه وكانت قبلي الاماراتيه وقعدت تصارخ حدها خايفه :dddds:
http://www.youtube.com/watch?v=JPSMGfn33Xo
يتبع ...
