ســفرتي الــى دبــــي 2009

[هنـــد]

شكرا على الصور
قواج الله

العفو حبيبتي

تسلمين

انا عجبتني سالفت لازم يكون معاج محرم
امانه ما مليتوا من الريايل
نبي بنات فرفشه

لا أختي الوالد معانا

اي والله الحمدالله انا وخواتي استانسنا مع بعض

ماشاء الله خوش تقرير

تسلمين حبيبتي

 

[هنـــد]

ونااسه جني رحت دبي ورديت هههههههههه

كملي ياقلبيي متاابعه @@

حياج الله حبيبتي

الحين بكمل

خووش سفرة ..

كملي .. متابعتج ..

.. ^^

تسلمين حبيبتي

ان شاء الله

بانتظارك هنوووووووووووووده

اوكي حبيبتي

وحياج الله

 

[هنـــد]

تكمله الجزء الثاني ...

قرية الألبوم السياحيه

طلعنا من ابن بطوطه على الساعه 8 وربع ورحنا على طول لقرية الالبوم السياحيه عشان انلحق على الرحله البحريه تمشي الساعه 8 ونص فا ملحقنا على الرحله الأولى

اعطيكم نبذه عنها :

مكانه : قريبه من مجمع الوافي مول

تمشي السفينه على فترتين : الفتره الأولى الساعه 8 ونص

الفتره الثانيه الساعه 10 ونص

مدة الرحله : ساعتين

سعرها : الفتره الأولى : 200 درهم

الفتره الثانيه :175 درهم

طبعا للشخص الواحد شامل وجبة العشاء

اذا بتحزين لازم تروحين قبلها بنص ساعه

الرحله بوجه عام : رحله ممعته جدا جدا استانسنا فيها حيل والسفينه البوم لونها بني تتكون من طابقين الطابق التحت مسكر وتعشون فيها واذا خلصتو تصعدون فوق وتحلون واهو مفتوح عالهوا الطلق

الأكل : عباره عن عصاير ومقبلات كانو زينين ومشويات الله يديم النعمه ريحتها خايسه ماكلينا شي من المشويات بعدها حلو وقهوه

اخليكم مع الصور

قرية الالبوم السياحيه



مكان الدخول






هذا المدخل







من هالمكان حجز الوالد التذاكر و جدامنا ساعتين للرحله





دوره المياه ( وانتو بكرامه )




جدامنا ساعتين فرحنا انا وأختي نستكشف المكان


القعده الخارجيه





الممر يودي عالسفينه



وهاذي سفينه صغيره

 

[هنـــد]

تكمله ...



اكتشفنا داخل القريه الالبوم السياحيه قاعات تقام فيها الاعراس والحفلات



صار لنا موقف محرج انا واختي واهيا قاعده تتمشى ولا نسمع صوت اغاني طالعه من هالقاعه قالت اختي خلينا نشوف بطلت الباب ودشت ولا طلعت حفلة تخرج مسوينها بهالقاعه واي فشله ولا تطلع اختي بسرعه وحدها مستحيه بس طلعت ولا تلحقها ام البنت وتقولنا انا وأختي تعالو دشو واصرت علينا ودشينا واحنا مستحيين حدنا :tomato2: قعدنا ربع ساعه وطلعنا وكانت حفلتهم تهبل مشاءالله





نكمل رحلة الاستكشاف



وكان في جلسة استقبال ثانيه بس ماتصلح للصيف كلش عباره عن بيت شعر















​

 

[هنـــد]

تكمله ...

الحين بنركب السفيه









وصلنا لها :ggdw:



حياكم الله



الحمام ( عزكم الله )



القعده بالدور الأرضي



سلة فواكه



منظر داخل السفينه



رسيبشن السفينه



صعدنا فوق عشان نصور قبل لا يوصلون الناس

وهاذي صور من القعده فوق عالهواء الطلق





​

 

[هنـــد]

تكمله ...

نزلنا تحت بنتعشى





صوره لقرية البوم السياحيه



قدمو لنا العصائر وكل واحد شنو يبي وكانو الانواع ( مانغو - برتقال - ستروبيري )



شوربه



مقبلات







المشووويات ياربي استغفرلله ليما الحين ريحتهم اذكرهااا اذكر يومها عائله ورانا مادري شسالفتهم يأكلون بشراهه بعد عددهم يمكن 11 شخص مادري مايشمون مايتذوقون ؟؟؟؟؟؟؟ او انهم بيحللون قيمة التذكره


لا اتغشمر الناس اذواق يمكن اللي مايعجبنا يعجبهم بس والله بدون مبالغه محد من الاهل حط بحلجه لقمه وحده


لوعت جبدوكم ادري بس لازم اذكر تجربتي بكل مصداقيه عشان ماتطيحون بنفس الغلط ...


هذا الصحن المشويات الصغير لي ولاختي



وهذا الصحن مشويات كبير لأهلي



صحن اختي حطت حرتها بالمقبلات




وحاطين عيش ومادري شنو معاه (الله يديم النعمه )



طبعا ماكلينا شي من المشويات بس اشوي من العيش مع خيار بالروب وخلصنا المقبلات لوووول

اللي يحصله يركب السفينه بدون عشاء احسن ( واعتقد مايصير لازم مع عشاء )

مناظر من السفينه واهيا تمشى بالخور





فندق فيستفال دبي انتركونتننتال

​

 

[هنـــد]

تكمله ..

بعد الأكل صعدنا فوق وأختي قعدت تصور









فندق فلورا بارك على بحر الخور







الجسر العائم اهو جسر فوق بحر الخور الساعه 10 مساء يسكر هالجسر وينفصل الشارع الى نصفين بسبب مرور السفن حركه حلوه وعجيبه


طبعا هالمعلومه قالها لي قبطان السفينه ياحليله ماقصر ينفع مرشد سياحي

الفكره وايد اعجبتني ( متى راح يطبقونها بالكويت بعد 25 سنه )











فندق كوبثرون



مناظر من القعده فوق



​

 

[بحر هادي]

ماشاءالله مرره حلو التقرير..

ياارب ازور دبي..

 

[هنـــد]

تكمله ...









اهني وزعو علينا حلو وقهوه والقعده فوق مو طبيعيه



قبطان السفينه ( مشاءالله عليه طول الرحله مبتسم )





فوق البحر كان في جسر





اهني واحنا رادين ( وعلم الامارات عالسفينه )







فيديو من تصويري بس في صوت يهال كانو معانا بالرحله اشوي مزعج الله يخليهم لأهلهم

http://www.youtube.com/watch?v=MZ9Zp-6r-a8

فيديو ثاني واحنا راجعين

http://www.youtube.com/watch?v=JcXO3oKxrWI

الحمدالله استمتعنا جدا بالرحله وردينا الساعه 12 ونص واهيا تصلح رحله رومنسيه اللي بتسافر مع زوجها

واحنا طالعين قالت اختي بصور المطعم الموجود بقرية الالبوم السياحيه وكان عباره عن بوفيه مفتوح







وبجذي انتهينا من اليوم الرابع

انتظروني في اليوم الخامس ...

وحياكم الله​

 

[هنـــد]

ماشاءالله مرره حلو التقرير..

ياارب ازور دبي..

تسلمين حبيبتي

ان شاء الله تزورينها عن قريب

 

[بشموخي أتحداكم]

واااااااااااااااااااااااااااااااااااااااااو فظيعه الرحله ننطر الجزء 5


تسلم الايادي على التقرير الحلو

 

[هنـــد]

واااااااااااااااااااااااااااااااااااااااااو فظيعه الرحله ننطر الجزء 5


تسلم الايادي على التقرير الحلو

تسلمين حبيبتي

وحياج الله

 

[.. مـــلاكـ ..]

ماشاءالله عليج بالعافية ... يا حلات دبي والله

 

[CHEESE CAKE1]

هند
جزاج الله خير عالتقرير
استفدت منه وايد وخططت حق رحلتنا العائلية بعيد الأضحى الياي ان شاءالله

 

[Pink GirL]

يعطيج العافية خوش تقرير

متابعه

 

[& مــشــايــخ &]

خوووووش تقرير يمال االعافيه

 

[هنـــد]

ماشاءالله عليج بالعافية ... يا حلات دبي والله

الله يعافيج حبيبتي

وحياج الله

هند
جزاج الله خير عالتقرير
استفدت منه وايد وخططت حق رحلتنا العائلية بعيد الأضحى الياي ان شاءالله

تسلمين حبيبتي

تروحين وتردين بالسلامه

يعطيج العافية خوش تقرير

متابعه

تسلمين حبيبتي

الله يعافيج

خوووووش تقرير يمال االعافيه

حياج الله حبيبتي

 

[شهرالزاد]

حبيبتي تسلميييييين عالتقرير المفصل
ومشاءالله روعه واللي اروع منه يمعتج انتي وخواتج
والله يخلي لكم ابوكم ويديمه فوق روسكم ويطول بعمره آآآآميييييييييييييين
((((لاتنسن تردين لي عالحاصبلييييييز)))

 

[إمارتية عسل]

تقرير وايد روعه مسوي للبلاد داعيه حلوه

وتعرفين توقيكم لزياره كانو حلو يوم افتتحو المترو يعني قدرتو تجربونه

 

[هنـــد]

حبيبتي تسلميييييين عالتقرير المفصل
ومشاءالله روعه واللي اروع منه يمعتج انتي وخواتج
والله يخلي لكم ابوكم ويديمه فوق روسكم ويطول بعمره آآآآميييييييييييييين
((((لاتنسن تردين لي عالحاصبلييييييز)))

الله يسلمج حبيبتي

وتسلمين عالدعوه الطيبه اللهم امين

رديت عليج حبيبتي

تقرير وايد روعه مسوي للبلاد داعيه حلوه

وتعرفين توقيكم لزياره كانو حلو يوم افتتحو المترو يعني قدرتو تجربونه

تسلمين حبيبتي

وفديت دبي :hjy5jewf:

لا والله وقتها ماكان مبطل

ان شاء الله نجربه عن قريب