ســ..ـــؤال لمعلمات رياض الاطفال.. واتمنى الاجابه بكل مصداقيه ...؟؟

[رحمه]

مابي اطول عليكم بس حابه اعرف شغله من مدرسات رياض الاطفال


في الحقيقه انا طالبه وحاليا ادرس بس تخصصي رياض الاطفال وسمعت الهوايل من ناس يذمون وظيفة معلمة رياض اطفال

يقولون راح تصيرين مهرج وترقصين والله تعقدت منهم ... مع انى اموووت على الاطفال واحب اتعامل معاهم بس محتاره



واتمنى لو تفيدوني عن مهنتكم هل هي شاقه او متعبه وسوري لو طولت عليكم ...

 

[أوركيد]

مشاركة: ســ..ـــؤال لمعلمات رياض الاطفال.. واتمنى الاجابه بكل مصداقيه ...؟؟

حبيبتي رحمة ...

معلمة الرياض مهنة حلوة وممتعة ومجال الابداع فيها كبير ..

واحلى مافيها التعامل مع اليهال وفطرتهم الحلوة ...

لكن نجاحج او فشلج فيها مقترن بحبج واخلاصج لها ...حالها حال اي وظيفة ثانية ...

سالفة التمثيل والتنطط ...صحيحة ..وتكون صعبة عليج اول شي ...بعدين تاخذين عليها

وتتعودين ..وتستانسين بعد

 

[زلابيا]

مشاركة: ســ..ـــؤال لمعلمات رياض الاطفال.. واتمنى الاجابه بكل مصداقيه ...؟؟

هاااااااااااي
انا كمت مثلج اسمع سوالف تخرع وكله اقول شلون بمشي بهالمجال!! واول ما داومت ومسكت صف وأثثته وماعرف شي ميييييييييح كنت ارجع البيت ابجي وكله اقول بنتقل وبغير..!
بس والله الحين تاقلمت عالوضع وصار عندي عادي .. وناسه مع اليهال
وتره كل مكان في عيوب وفي مميزات

اتمنى لج التوفيق