سفرة الصيف 2010

[chanell]

بنات اللي عنده خبره ياريت تفيدني بسافر مع عيالي في الصيف بس وين ما ادري اروح (امريكا :عالم دزني)ولا اروح ماليزيا

ومتى ابدي احجز؟ واي مكاتب سفريات تنصحوني احجز عندهم؟ ما ابي الحجز يصير حده حده

وشكرا مقدما حق كل وحده فادتني وربي يعطيها اللي في بالها

 

[أم علي الرفاعي]

شوفي اختي

انا كل حجوزاتي عن طريق النت

بس اللهم التذاكر حجزتهم من مكتب سفريات
نسيت اسمه بمجمع بيروت حولي بالدور الأرضي

اتوقع ماليزيا انسب حق اليهال

دشي على موقع فندق.كوم
وحجزي الفنادق اللي تبينها

ياحلو الطريقة تهبل
وعندهم بعد عروض


وبالنسبة للأماكن السياحية
بأي ديرة >> الله يخلي النت

بس كتبي اسم البلد
ويطلعلج كل اللي قلبج يشتهيه


وان شالله سفرة موفقة
^_^

 

[دلع الكون]

يعتمد على الميزانيه الي عندج ... اذا الميزانيه ممتازه روحي أمريكا على الطيران امريكان ايرلاينز لأن تنزل في مطار واشنطن أحسن من مطار نيويورك من ناحية اجراءات السفر اذا وصلتي ... طبعا الطيران خط واحد بدون توقف يعني الله يعينكم على 14 ساعه طيران .

اذا الميزانيه حدها حدها لا والله روحي ماليزيا حلوه وطبيعه ... روحي منتجع جنتك فوق الغيم حلووو ومدينة العاب كبيره ... ودوله مسلمه ونظيفه جدا ... رتبي حق الرحله من شهر 4 عشان تنزل أسعار الصيف وتعرفين الحسبه جم راح تصير ... طبعا اذا تبين تروحين ماليزيا أرشح لج طيران الأمارات .. وبالتوفيق مقدما

 

[chanell]

ربي يوفقكم ويعطيكم العافية ام علي الرفاعي ودلع الكون

انا قاعدة ادور من الحين مو مقصرة بس الواحد يسأل ويكتسب خبرة اكثر من الناس اللي مجربه وماقصرتو

 

[0ام الحلا0]

صحيح الخبره والميزانية تسوى درب وناسه اليهاااااااااال احلى شة امدح القطريه حلوه بس اذا فيه منى روحى دايرك على الكويتيه والفنادق تقريبا كلهاااااااااااا روعه ونظيفه وماليزيا احلى من امريكا اتوقع وامان مابعده اماااااااااااان مشأالله ؟
واونس لليهال

 

[semaasem]

انا رحت الاثنين وبصراحة ومن قلب أنصحج بأمريكا ومافي مجال مقارنة أصلا

هذا رايي الشخصي وانتي فكري وسوي سيرج واخذي فكرة واستخيري وتوكلي على الله

 

[Queen_Angel]

بالنسبة حق ماليزيا حدهاااااااااا وناسة حق اليهال بحر وسباحة ولعب بنانا وجتسكي وبراشوت ونيسه,, وجتنق براااد وفيها العاب,,, بس احسن شي الجزررررررر واخذي فندق على البحر سيدا ..

 

[المدينه]

ماليزيا حلوه وايد وونيسه اما امريكا ماقدر افيدج لاني مارحتلها

 

[المدينه]

ماليزيا حلوه وايد وونيسه اما امريكا ماقدر افيدج لاني مارحتلها

 

[chanell]

مشكورين على مشاركاتكم وبصراحة شجعتوني على ماليزيا بس اشرايكم اروح مع ريلي وعيالي ولا
مع قروب احسن؟

 

[هدوء العالم]

لا والله أختي أنصج ما تروحين مع قروب

لأن ماليزيا سهلة وأنا ماقد رحتلها صرت أعرفها وبصراحة نفس تفكيري أنا بين نارين ودي بأمريكا ولا أستراليا وأبوي يقول ماليزيا

وبنروح على الإماراتية لنضرب عصفورين بحجر ماليزيا وفي الردة نقعد بدبي كذا يوم

فالإختيار الكبير ماليزيا بس كل شوي أقرأ شئ يحبطني من ماليزيا وبعدين أرد لها بقوة وعلشان جزيرة لنكاوي

وعن القروبات مثل ماقلت ماليزيا سهلة وتكونون مع سائق خاص باليومي ويوديكم ويرجعكم للفندق

وأنصحج بمنتدى العرب المسافرون فيها بوابة لماليزيا وشوفي تقارير لأبن بلدنا ومشرف البوابة بدر بوناصر عنده خوش تقارير

ورحلة موفقة

 

[زوجه متقاعد]

فعلا ماليزيا مره حلووووووه

وفعلا الأخ بدربوناصر بيض الله وجهه في منتدى العرب المسافرون

ونفس الشيئ الأخ النهر الجاري...وتراهم أهل فزعه...

وشوفي بعد (منتدى دليل ماليزيا )

يعطيج بعد معلومات هامه ورحلات حق ماليزيا

وعندهم وحده ماأدري واحد عضو إسمه (صوت السهارى) معلوماته ماشاء الله زينه

وهو ممكن تفيدج بأشياء وايد حلوه وبرامج منوعه..

 

[حلوى كويتيه]

ماليزيا وهونج كونج لوالدزنني:eh_s(15)::eh_s(15)::eh_s(15)::eh_s(15)::eh_s(15):

 

[حلوى كويتيه]

انا العام كنت ابي اروح امريكا بس حطيت مقرنات وايد بينهم لقيت ماليزي الافضل لاني كنت رايحه امريكا لوالدزني بس ملل ليم تخلصين الالعاب يعني ماكو جبل وماكو جزر ومو امان مثل ماليزيا

والسنه هذه فكرة باوربا لكن غيرة راي لان سعر فندق 3نجوم او2نجمتين بسعر 5نجوم بماليزيا ان شاء الله السنه هذي ماليزيا وهونج كونج يلا خل نترس ماليزيا كويتيين خلو كل مايكح ماليزي يطلعلا كويتي ها ها ها ها

 

[mohammedwife]

لو تبغين تروحي ماليزيا شوفي ها الموقع بيرتبوا لك كل شي من تذاكر الطيران الداخلي و حجز الفنادق و المواصلات البرية الداخلية

www.m-arabi.com

 

[mohammedwife]

لو تبغين تروحي ماليزيا شوفي ها الموقع بيرتبوا لك كل شي من تذاكر الطيران الداخلي و حجز الفنادق و المواصلات البرية الداخلية

www.m-arabi.com

و الموقع تحت اداره و طاقم عربي(شركة وين شيلد و المحيط للسياحة و السفر ماليزيا) متواجد في كوالالمبور

 

[أم سيف وسلطان]

ماليزيا ارخص وامان واسهل في الاجراءات هذا الفرق الي اشوفه

 

[om MaRyooM]

على حسب الميزانية ياقلبي .. وبعدين ماااكو مقارنة انتي قاعدة تتكلمين عن (دزني لاااااااااااااند)

وبعدين ماليزيا بالصيف خيييييييييييييييسة وترس ترس عرب .. الصراحة تلوع الجبد مادري

وبالنسبة للحجز حجزو من شهر 4 او الحين احسن عشان تظمنون التذاكر والطيران اللي تبونه

 

[Miss Damas]

شوفي حبيبتي روحي ماليزيا اول شي سن واي لاجون مدينه الالعاب المائيه تبعد من مطار كوالمبور 30دقيقه و بعدين روحي العاصمه كوالمبور حديقه الالعاب و الزهور و المولات و بعدين روحي مرتفعات جنتج جبال و طبيعه جميله و حلو ماليزيا للاطفال وايييييييييييييييد و احسن مكتب سفريات شركه عالم الصالحيه اسعارهم حلوه وبرامجهم بعد رقمهم 22411170/1/2