سفرة خفيفة

[هيون و بس]

السلام عليكم بنات ...
شلونكم عساكم طيبييين

انا ودي ازرق لي بسفرة خفيفة و لطيفة حق ديرة قريبة بس الميزانية على قدي :0bee2e8d89:

امي حبيبتي صار لها فترة نفسيتها تعبانة و دي اروح معاها نغير جو تكفون بنات ساعدوني باماكن حلوة بس 3 ايام ميزانيتي 400 دينار من غير التذاكر

و نسيت لا اقولكم شوفو مكان غير العمرة لان المحرم غير متوفر :0bee2e8d89:


و يالله ورني همتكم معاي _03BA:

 

[هيون و بس]

شدعوة بنات؟؟

 

[ان شكينا بكينا]

حبيبتي تقدرين تروحين دبي وتتمشوون وتغيرون جووو

وترا 400 توديكم 3 ايام بس اتوقع ماتكفييكم اذا بتشترون هدايا وجذي

وشوفي دبي وطيران الاماراتيه مسوي عرض الحين التذكره روحه ورده ب59 دينار او روحي عالجزيره اذا ودج تحافظيين وميزانيتج ماتسمح لج

والله يوفقج ان شاء الله وتستانس امج

 

[سحيله_الحلوه]

شوفو السفريات مسوين اوفرز !!
دبي والبحرين 3 ايام تذكره واقامه بـ150 للشخص
وشرم الشيخ مو اكثر من 200

 

[أم عبداللطيف]

الله يوفقج ان شاء الله

شوفي روحي دبي على طيران الجزيرة ولا تشترون اهم شئ تروحين تغيرين جو انتي وي الوالدة

 

[brettey]

والله يا سميتي عندج دبي حلوه بس 3 ايام او البحرين او مصر او لبنان بس سياحه واكل ومواصلات لا تشترون شي روحوا استانسوا
وعندج طيران الجزيره مسوي عروض والله يرزقكم يارب السفره الي في بالكم
الله يفرح قلب امج ويوسع صدرها ويوفقج لانج تحرصين على رضا امج الله يخليها لج يارب

 

[q8sweet]

احلى شي واقرب شي دبي اذا تقدرين تعصرين نفسج شوي روحي تركيا

 

[fat]

انصحج بقطر يقولون فيها مجمع يديد وايد حلو

 

[هيون و بس]

مشكورين بنات كلكم و اللة ما قصرتوا...
انا ميزانيتي 400 ينار من غير التذاكر لانه ابوي الله يحفظه راح يفعها لوووول
انا مما وي بسفريات اذا في مواقع ثقة اقر احجز منها ياليت تلوني عليها و ما تقصرون و الله يا بنات ودي بشي تغيير غير دبي و البحرين لانه ملينا منهم صراحة لبنان خوش فكرة و ياليت اللي قالت تركيا تفيدني بمناطق و اماكن حجوزات فيها مع اني سمعت انها غالية

 

[هيون و بس]

بنات يالله وين التفاعل ؟؟؟؟؟؟

 

[فطووومة]

تركيا حلوة وتهبل وترد الروح وحلوة للوالدة خاصة بعد تعبها والله يخليها لكم

اذا على الجزيرة تطلع لج 55 دينار

والفندق تقريبا 25 دينار في اليوم يعني 75 80 بالسفرة

والاماكن وايد وتقدرين تروحين حق بورصة على طول من المطار حلوة الطبيعة روعة وهادية حق الوالدة


او روحي لبنان يقولون حلووووة

وجزاج الله خير وموفقين

 

[فطووومة]

واذا تبين عندي رقم مكتب ثقة احنا نتعامل معاه من سنين

 

[لويس فتون]

ما الك الا لبنان

طبيعة - ثلج - الهوا البارد - مطاعمهم ترد الروح - الناس خلوقين

طيعينى و توكلى على اللة

تركيا بتوهقين ماراح تعرفين لغتهم و يمكن ما يفهمون العربى

و ياللة يسهل اموركم

 

[meen_ana]

روحي لبنان طبيعه وجو فوق الجبل

او مصر بعد حلوة

 

[ام فروس الاشقر]

روحي مصر لبنان وايد غاليه 400 مشاوير التكاسي مصر وايد حلوه

 

[هيون و بس]

مشكووورين بناات ما قصرتووو الحين انا بين لبنان و دبي بس ساعدوني بفنادق حلوة و نظيفة قاعدة افكر في اتلانتس دبي سمعت مسوين عروض في احد سمع عنهم؟ و اذا في فنادق او اماكن في بالكم تكفون علمووني

 

[bambena]

روحي اسطنبول لو 5 ايام

تذكره رخيصه على الجزيره وتهبل الديره

 

[هيون و بس]

حبيبتي بامبينا و الله مفكرة بتركيا بس اللي اذا تقدرين تساعديني وين احسن فندق و الاماكن الحلوة اللي هناك