سفرة شهر 12 مع بيبي تنفع؟

[Lady Zayoona]

مفكرين نسافر شهر 12 بس عندي بيبي عمرها بيكون 6 شهور حزتها
و مفكرين امريكا

شرايكم ؟
انا عمري ماسفرت مع بيبي و هذي اول بيبي لنا
ريلي يقول خليها عشان نستانس و انا قلبي عليها ماعرف اخليها خصوصا السفره يمكن 3 اسابيع و اخاف تزعج امي او خالتي تدرون 6 شهور ياهل

منو عندها فكره او نصيحه

 

[بطه فيها نطه]

توكلي على الله واخذيها ... يكفي انها اول بيبي ... واول سفره معاها

وانا عن تجربه خاصه فيني ... بنتي اللي عمرها 6 سنين تاذيني اكثر من بنتي اللي كان

عمرها 7 شهور باخر سفره ... عطيها الحليبه وتنام ان شاء الله ...

انا عطيتها دوا نصحني فيه صيدلي ... يدوخها بالطياره وبنفس الوقت

يخفف الظغط اللي على اذنها .... وبالسلامه ان شاء الله

 

[Lady Zayoona]

مشكورة ياعمري شجعتيني
عاد الحين لازم اقنع ريلي هاهاهاها الاخ ماله خلق يهال بالسفر

 

[bnt_7waa]

اخذي وياج نصيحه واخذي عربانته وياج

صدقيني لو ماخذيتي بتاحتين وايد اهناك روحو استانسو كلكم

وسهالات ان شاءالله

 

[Lady Zayoona]

زين شهر 12 مو برد وايد عليها و يتغير عليها الجو؟

 

[بطه فيها نطه]

اكيد برد ... بس لبسيها زين وحطي لها بالعربانه كفر يبر يغطيها

وحاولي تكون طلعاتكم بالنهار ... علشان الشمس ..

وبالليل تكونون باماكن مغطيه مثل المولات وغيرها ....

 

[bint_looda]

انتي اذا تحاتين الطياره أخري اخر لها رضعه ليمن تركبون الطياره عشان اول ماتقلعون الا اهي يوعانه فترضع عدل ويخليها ماتحس بالضغط على اذونها وعقبها صدقيني بتنام والله يوفقكم وتتهنون انشالله
اذا ماعودتيه الحين انج تاخذين اليهال وتوخرين خوف انكم ماراح تستانسون عقبها بيتعود لازن يقتنع انكم الحين اسره :tek:

 

[Lady Zayoona]

ماقصرتوا مشكورين يا حلوين اي ادري لانه اهوا عباله بنتي بتصير نفس ما اهيه الحين ام 3 شهور و نومتها متعبتنا ..بس بعدين انشالله شهر 12 بتصير 6 شهور و وايد اتسنع نومتها ...صح هالكلام ؟؟؟ لان الحين تنام حدها 4 ساعات و تقوم هاهاها الله يحفظها ميننتنا

 

[أم خالد]

سمعي نصيحتي
انا يبت 4 يهال وكنت احرم نفسي من السفرات والرحلات لأن ما أحب أخلي عيالي واسافر بس لمن كبروا وانا كبرت تحسفت لأن الفرص والعمر ما يتعوض
إذا عندج من يدير باله عليها خليها ولا تحاتين بحطون بالهم عليها وماراح يقصرون ويمكن يدارونها أحسن منج
الطريج لأمريكا طويل وراح تتعب المسكينه وتتملل أنا مجربة وبتحاتينها أكثر وبتتعبون معاها خصوصا لا سمح الله إذا تغير عليها الجو واستمرضت
خصوصا ان زوجج ما يبي اليهال بالسفر لا تضيقين خلقة خليه على راحته الريال يحب التغييروما عليه خليه يتعود يسافر معاج لو بدون اليهال أحسن من السفر مع الربع
وبعدين البيبي راح تقيدكم بالطلعات والرحلات والسهرات وشيلي عربانه وجنطة وقش وحليب وحفاظات ولبس ليش عاد
روحي استانسي إنتي وزوجج (شهر عسل) خفاف توكم صغار ومعاريس استمتعوا بعمركم وبالبلدة الي بتروحون لها
ولي كبرت انشاء الله عوضوها كلها شهر وترجعون لها بالسلامة انشاء الله

 

[حاااايره]

من صجج تاخذينها؟

انا توني راده من السفر 3 اسالبيع بعد وخليت و لدي بو 4 شهور ونص والله صج حاتيته شوي ولا ذكرته بجيت بس وناااااااااااااااااسه ترا ان خذيتيها بتنقلب روحتج نكد وعوار راس وتعبت بتتأذين وتأذين البيبي معاج تغير جو ويصخن و و و حرام خليه عند امج ثقه تداريه احسن منج
نصيحه لا تحسفبن باجر

 

[Lady Zayoona]

المشكله امي ماتعرف حق بنتي يعني عمرها ما جابلتها حتى بالنفاس اهيا تحبها وايد بس ماتحب تعتني فيها و ماتحب تخرب نومتها بالليل و اذا بخليها راح اخليها عندها بس عند خدامتها العيوز .. بس حتى حزت النومه ترا معناته بتظل عند الخدامه لان امي ماتحب ينام عندها بيبي ابدا و بيني و بينكم تقولي اخذي بنتج احسن مانعرف لها

و ماودي ااجل السفرة لان راح تحز بقلب ريلي خصوصا انه يبي يسافر و يونسني مسكين

يعني ام 6 شهووور ماتنفع؟؟؟ الحين اهيا 3 شهوور و اذيه بس اذا 6 ؟ مو تكون كبرت ؟

 

[bronzya_cool]

من صجج عمري ماسمت وحده من اهلي استانست بسفره ومعاها ياهل خليها ولاتخافين عليها راح تكون عند امج واستانسي عيشي شهر عسل انتي مسافره بترتاحين وتغيرين جو وين لج خلق ترضعينها تسوين حليب وتغيرين لها ولاتنسين خصوصا انه شهر 12 راح يكون بالشتا لا سمح الله مرضت الله لا يقوله انشالله بس حطي احتمال لانه جو بارد ان اقول خليها عند امج ماراح تضايقينهم انشالله وروحي استانسي انتي وريلج عيشو شهر عسل يديد

 

[أم خالد]

خلاص مدام أمج ماراح تدير بالها عليها اخذيها وادعي وانا بدعي لج ااخذيها لا تخافين البيبي اذا ما يمشي ما يأذي كله بالعربانة واشتري لبس معاج واخذي كنبل صغير حق العربانه وأدول ودوا للنشلة من الطبيب واحتياط مضاد حيوي
شوفي احتمال تضطرين تغسلين لبسها اخذي 2 طشت من الحجم الصغير وحطيهم بوسط الجنطة وصابون للملابس واحد واخذي العلاق بوجلاليب من السوق الشعبي علشان تعلقين عليهم الغسيل بالحمام
وحليبها وكريم الحفاظات من مذركير الرمادي اسمه سودوكريم والحفاظات وكلينكس الحفاظات والشامبو والصابون اشتريهم من هناك علشان الوزن
حطي للطيارة جنطة فيها علبة صغيرة حليب وصابون سائل بعلبة صغيرة مع الفرشة لغسيل المميات واخذي مطارة صغيرة للماي قبل ما تنزلين من الطيارة خل يحطون فيها لج ماي حار وبالحمام في طاولة تبديل حفاظات وانشاء الله ماكو الا العافية انا سافرت الهند عقب ماطلعت من الأربعين وخذيت بنتي عمرها 40يوم واختها كان عمرها سنتين ما ضرهم شي الحمدلله
الله الحافظ

 

[b6o6a]

لاااااااالاااااااااا

والله اذيه

اهوا بالطياره عادي بس بالطلعاااات مووو شي تتلعوز حرام

انا كانو اهلي معاي هذا الي ساعدني


بس ماتاخذين راحتج

بس امج ما تعرفلها توكلي على الله

والله يسهلها عليج

 

[Om Haya]

انا بصراحع ما أيد السفر معاج ياهل
اذا عندج احد تأمنين على بنتج عنده خليها
انا عند امي ما احاتيههم ابد ابد احس امي احسن مني

لان السفر مع الياهل اذيه بصراحه البيبي يبي حليب ويبي اكل خاص وكل شوي بتبدلين له بامبرز
روحي انتي وريلج اخف لكم حتى طلعاتكم تصير خفيف واهي الحين بيبي يعني ماتفم للسفر واذا كبرت ان شاء الله اخذيها معاج تستانس عالاقل حتى تعبج يهون اذا شفتيها مستانسه

 

[Om Haya]

وااااااي رديت عشان اقول لج نصييييييييحه اخت لاختها والله
لا تاخذييييييييينها صدقيني اهي صغيره ماتفهم وراح تأذيج عالفاضي
روحوا بروحكم استانسوا

اخذيها قاعده الياهل مو مال سفر لين يكبر ويبدى ياكل مثل اكلنا ويدش عزكم الله الحمام عااااادي
صج صيحه ولويه واذا شاف شي بالسوق يبيه يبجي ومرات يعاند مايبي العربانه ومرات يحن يبي يرد الفندق
لوووووووووووووووووووووووووووووووووووووول
انا شفت انواع واشكال
بس ماقول غير الله يحفظهم ان شاء الله
والتعب وياهم يهون اذا شفت الوناسه بعيونهم

 

[@حنين 2008@]

أنتي نفس حاااالتي سافرت مع ريلي وتركت بنتي عند أمي وأختي مااااااااااشالله ماقصروا أحسن مني بس المشكله فييييني طول السفرة أتذكرها وابجي نكدت علي زوجي عدل عدل والمحاتات سكتي حتى نووووووووووم كلش مافيه زين اذا نمت ساعتين .. شسوي متعلقه فيها واااااااايد بي ألحين بسافر إنشالله بالعيد وبيكون عمرها سنة فديييييييييييتها والله تاخذ القلب عاد باخذها معاااي إنشالله
نصيحتي غيروا اتجاهكم أمريكا طريجها طويييل خليها بس تكمل سنه أما ألحين قزريها بسفرة غريبه عشان البيبي

 

[batoulizm]

شوفي حبوبه
الياهل شي اكيد بتأذيج وماراح تاخذين راحتج
وكل ام ماتستانس من غير عيالها
بس اذا ريلج ماعنده استعداد يساعدج فيها ودام اهو قاعد يقول لا تاخذينها
نصيييييييييييييييييييحه لا تودينها
اول شي راح تتعيبن بروحج واهو راح يطفر ويمكن بعد مايسافر معاج مره ثانيه يروح مع ربعه بشوفها اريح واونس


خلاص خليها عند امج ولا امه ماراح يقصرون وبعدها صغيره ماراح تدري شالسالفه

 

[ام مضاوي]

لااااااااااااااا تا خذينها


ام 6شهور سهالات بالطياره ولو انه الطريج طويل وفوقه ترامزيت

بس لاتنسين انه ممكن متى ماطق ابمزاجكم طلعتو من الفندق
او تسهرون بره ولو تطلعون من الصبح لي الليل مافي مشكله
بس مع بنتج بتتقيدوووووووووووووونحرام بيبي اطلعينها وتعكرين عليها نومتها وبتتعب
وفوق هذا لاتنسين بتلبسينها وبتغيرين حفاظتها وانتي بكرامه كل 3 ساعات وغير موعد رضعتها

لاتطوفين هالفرصه لان بنتج صغيره لي الحين ماراح تفقدج وايد
انا تركت بنتي عمرها سنه و3 شهور بسسس 6 ايام رديت لقيتها صفررررره ومتغيره مع انه كل شي موفريلها اهلها واهلي ويطلعونها ويلعبونها
يعني ليما تكبر شوي وبتتعلق فيج وتفقدج اخذيها بس الحين لا لا لا

والسفره الي وراها ان شاءالله بتكون كبرت اخذيها

 

[ام مضاوي]

شكثر بدلياتي طوفي

اهم شي ترامزيت خخخخخ
يعني ترانزيت