سفرتنا المباشره لامريكا .. (كروز - ميامي & اورلاندو)

[اوركيدا]

بسم الله الرحمن الرحيم ..
ببتدي اليوم تقريري .. لرحلتي الحاليه .. لفلوريدا
اولا: خط الرحله ..
22/يوليو/2008 الانطلاق من البحرين عن طريق الخطوط الجويه البريطانيه British Airways :0bee2e8d89:
يوم الثلاثاء الساعه 2 بعد منتصف الليل ..
الوصول الى ميامي بعد 3 ساعات ترانزيت في مطار هيثرو الدولي ..
تيرمينال 5
السكن في ميامي: فندق لويس في السوث بيج
Lowes Hotel In Miami South Beach
الصعود على متن Royal Carribean Cruise يوم السبت تاريخ 26/يوليو/2008
العوده يوم السبت تاريخ 2/اغسطس/2008
الانطلاق مباشره إلى اورلاندو عن طريق السياره
السكن في اورلاندو: منتج الماريوت جراند فيستا ..
Marriot Grande Vista
مغادرة اورلاندو الاربعاء 27/اغسطس/2008
قضاء ليله في ميامي ثم الانطلاق لقضاء 5 ليالي بالولايات المتحده (لندن)
السكن في فندق الكيمبرلاند
camberland hotel
ثم العوده الى البحرين.

سيشمل الموضوع تقارير
للمطاعم
رحلة الكروز
الفنادق المذكوره
Walt Disney World
Universal Studios & Island of adventure
وجميع المناطق اللي بنزورها باذن الله
التقرير مباشر ..

عزمنا على السفر من الصيف اللي طاف تقريبا ..
او بتدينا بالحجوزات في شهر ابريل ..
اول ما سألنا عن التذاكر .. بحرين لندن(ترانزيت) ميامي كانت سعر التذكره 735 ..
كنا في مرحلة التشوار بخصوص خط الرحله فتأخرنا عن التذاكر اسبوعين تقريباً .. وتفاجأنا انه السعر ارتفع الى 881 للشخص ..
وظل في ارتفاع مستمر
لذا انصحكم بالحجز وقطع التذاكر في اقرب فرصه ممكنه اذا كنتو متأكدين من السفره ..

الفيزا كانت عند اسرتي كامله بس انا فيزتي احتاجت تجديد او عملت فيزا لولدي لصغير ..
اتصلت لهم قبل لاروح او سألتهم اذا لازم اييبه .. لانه عمره ماتجاوز الـ8 شهور قالولي لازم تيبينه حتى لو عمره يوم .. او اخذته او ماعملوله اي شي لا بصمه ولا صوره بس خلوني اييبه في هالشمس مسكين :cxxxp:


حجزنا كل الفنادق عن طريق الانترنت اما رحلة لكروز فحجزناها عن طريق السفريات.
نبتدي ..

مطار البحرين الدولي ..

طبعا حرصنا انه مانشيل معانا اي من الممنوعات (مقص ملقط او اي اداة حاده)
(عطورات وكريمات يزيد حجمها عن 50 مل - احنا ماحملنا معانا ولاشي بالمره)
الحقائب لها حجم محدد للطائره .. يعني لازم ماتكون كبيــره .. اصغر حجم ممكن

اجدد شي فالمطار ..

ماكدونالدز .. اول مره اشوفه .. من مطار البحرين شريت مخدة اللي تلف على الرقبه (وايد استفدت منها) تريح وايد .. وشريت بطاريات وايد ارخص من امريكا.!

عند باب الطياره .. كان في تفتيش ثاني .. قبل الصعود الى الطائره ..
وبعدها الساعه 2 إلا ربع طارت الطياره ..

دخلت مسبقاً على موقع الـBritish Airways وحجزت كراسي الطائره الصفه الاولى (اوسع للرجل + معاي طفل) .. وطلبت وجبه لولدي اللي عمره 3 سنوات (وجبة اطفال) وطلبت وجبات حلال للرحله من لندن - ميامي)


يتبع

 

[اوركيدا]

الطريج من البحرين الى لندن كان مريح نوعا ما .. والسبب الرئيسي التوقيت ..

لانه كان وقت نومنا ..
تعليقي على الطيران البريطاني .. الميزه الوحيده اللي فيه دقة المواعيد ونظافة الطائره ..
لكن المعامله .. المضيفين من ال10 يطلع 2 بس زينين والباقي Rude
فالرحله الاولى ماصارت لنا مواقف لكن بالرحله من لندن الى ميامي
كانت المضيفه اللي مسؤوله عن قسمنا فالطائره وايد جافه وتعاملنا كأنا مانفهم شي ..
صج كرهنا الطياره بكبرها!

المهم وصلنا لندن الفجر ..

نزلنا واخذنا الباص لترمينال 5 اجدد تيرمنال عندهم بس انا كلش ماحبيته ..

اول ماندخل عندهم تفتيش ..

لازم نطلع كل اغراضنا او نحطها في علب ..
واحنا عشان معانا اطفال .. خلونا نأكلهم من كل الحليب او الاكل اللي معانا .. طبعا الاكل الخاص بالاطفال .. وكان معانا دوى .. يريح البيبي لانه يسنن ويتألم .. قالو اذا ماعندكم وصفه طبيه مايصير تاخذونه .. ورموه ..
.. الدواء كان وايد زين و موموجود في بريطانيا ولا امريكا .. لكن حسبي الله عليهم .. رموه الله يعينا بالرجعه

المهم هالترمينال
كبير او بايخ او فيه المحلات العاديه .. على قولتهم اكبر Harrods بس مادري ماعجبني غير Wagamama

اول شي رحنا Boots شرينا دوى اسمه Nytol
او هذي صورته ..

فيه منه نوعين .. نوع خفيف او هالنوع اللي بالصوره ..
عجيــــــــــــــــــــــــــــــــــــــــــــــــب نومنا 6 ساعات متواصله في الرحله من لندن الى ميامي .. وناويه اخذ منه اكثر لما ارجع لندن ..

المهم اكلنا في Wagamama
او هذي صورة طلبي رقم 42 ..

وايد لذيذ

 

[اوركيدا]

بعدها انطلقنا للطياره .. الطريج لبوابتنا كان طويل خذ اكثر من ثلث ساعه ! ..
اندر قروند او اسكليترات او حاله..
المهم وصلنا وركبنا وهذي مخدتي سالفة الذكر ..

وحنا فالطياره شفنا Rainbow قوس قزح سبحان الله ..

قبل لاتهبط الطياره تقريبا بساعه .. يوزعون استمارات الدخول الى امريكا

أملوهم من الطياره .. برى زحمه او معظم الاوراق مو متوافره ..
فالمطار الاجرائات كانت عاديه والمعامله نفس الشي .. جدا عاديه ..
واللي يختم جوازاتنا كان يتغشمر ويضحك معانا ..
مررو شناطنا بعدها في الاكسري العادي .. ولا احتجنا لتسجيل دخول ولاشي ..
خلصنا او طلعنا اخذنا تاكسي للفندق مباشره ..

وصلنا الفندق الظهر تقريبا

اخذنا فان تاكسي والحمدلله شالنا احنا او شناطنا ال9..
9 بتوقيت البحرين كانت الساعه ..
وصلنا تعـــــــــــابه واحنا واقفين نخلص اجراءات الغرف .. شفنا طاوله عليها عصير او يمها قلاصات او كل واحد يخدم نفسه ..
Pink and Yellow Lemonade

بااااااااااارد ومنعش .. عطانا Energy
المهم بعدين صعدنا الغرفه ..
اول غرفه اسمها Grand
سعرها 400 دولار الليله

.. مميزاتها الطله
انها تطل مباشر على البحر وحمام السباحه .. وهذي طلتها ..

ومن ورى هالمنظر البحر مباشر

 

[اوركيدا]

والثانيه اسمها Luxury ..
او سعرها 350 دولار

المنظر من البلكونه عاليسار المدينه
عاليمين البحر وحمام السباحه ..
هذي لقطات صورتها فالليل ..

او هالمنظر صورته وقت الشروق

الغرف وسيعه والفندق اكثر من رائع اقيمه 10/10
بس الواحد يقعد فيه بدون مايطلع شـــــــــرح والستاف كلهم سمحيين وخدومين .. وقريب من كل شي ..
البحر جدامه ووراه سوق او مطاعم
والـ Ocean Drive ينراح له مشي ..
وابعد مجمع يبعد نص ساعه ..

اول يوم نمنا .. كنا معزمين نطلع لكن التعب غلبنا ..
قعدنا 3 الفجر اليوم الثاني .. يعني تقريبا 10 بتوقيت البحرين ..
وقعدنا نرتب شناطنا وبعدها شفنا الشروق من البلكونه .. روعه الجو
حتى لصغار ماقدرنا نطلعهم شوي بارد الجو عليهم ..
المهم .. نزلنا اول مافتحو البوفيه .. تريقنا تحت او طلعنا نتمشى فالشارع المجاور للفندق ..
والظهر رحنا مجمع الافنتورا ..
Aventura Mall

كبيــــــــــر .. احنا فهالزياره ماشفناا إلا داعوس واحد .. وايد عووود ويبيله اكثر من يوم
تغدينا في The cheese Cake Factory

 

[اوركيدا]

المشروبات

وبنزل لكم بالتفصيل الغدى ..

اختي خذت بس سلطه

وامي او ابوي كانو شباعه فكلوا مقبلات او هذي اطباقهم ..

وهذي اطباقنا احنا الباقي ..

 

[اوركيدا]

وبعدين هجمنا على التشيز كيك
هذذي اسمها توكسيدو

او هذي الاوريجينال

او اخيرا الالذ سنيكرز جيز كيك

واخر شي البيل .

بعض المناظر من المجمع ..

هالمجمع وايد حلو .. انصح اللي يروحون حق ميامي انهم يروحون له ..
رجعنا ونمنا الساعه 9 بتوقيتهم ..

الكاميرات المستخدمه فالتقرير ..
Canon A650
Canon ISO D400

 

[الشيهانة]

واو رووعه التقرير ..... تهنيتو وعليكم بالف عافيه ومتابعين البقيه@@

 

[[Q8TYA]]

كملي متابعيييييييييييييييييين

وعليكم بالف عافيه السفره

 

[اوركيدا]

الله يعافيكم .. توقعت التعليقات اكثر .. بس بواصل ماقصرتوا الشيهانه وكويتيه

 

[زلابيا]

ماشاءالله تقريرج روعه

كملي احنا متابعين معاج ..

وعليكم بالعافيه

 

[كويتيه رزتها ملكيه]

واااااااااااااااااااو روووووووووووعه

التقرير وايد حلو وشاامل



والاحلى اااكل هالمطعم والجيز الكيك صج من شكله لذيييييذ


عليكم بالعافيه

 

[اوركيدا]

زلابيا .. كويتيه رزتها ملكيه .. مشكورين عالتشجيع ..
انا قاعده انزل التقرير بمنتدى المسافرون العرب او اهني او انصدمت من عدد الردود بالنسبه حق اهناك :0bee2e8d89: ..
وانتوا بعد عمري ماقصرتو .. وان شاءلله تستفيدون منه ..


اليوم اللي بعده قعدنا من النوم قبل لاتطلع الشمس او نزلنا حمام السباحه ..



منظر الشروق من اهناك كان روووووعه .. او سبحنا اليهال ..




بعدها رحنا غرفتنا نتجهز عشان ننزل مره ثانيه للفطور ..



قعدت الفطور وايد حلوه ..

 

[اوركيدا]

او بعد الفطور طلعنا على طول او رحنا مجمع ديدلاند ..



يبعد نص ساعه تقريباً .. قريب من المطار ..
فيه محلات وايد .. يعني
Typical American Mall





Macy's, Nordstrom, Victoria Secret, Bath & Body works, Saks Fifth Avenue ... etc
المجمع خذ منه يوم كامل تقريباً ..فالليل تمشينا على الـOcean Drive



ورجعنا الفندق ..

اليوم اللي بعده رحنا Bal Harbour mall

هالمجمع كله ماركات
بدايته Saks Fifth Avenue
ونهايته
neimoun marcos
والماركات كلها!!
Cartier, Bvlgari, Louis Vuitton, Chanel, Marc jacobs, Christian Dior ... etc
EVERYTHING

او فوق فيه مطعم ايطالي وايد حلو .. وفي كوفي شوب تحت بعد ..
بعد الغدا رحنا
Target

عكس المجمع اللي كنا فيه ..
كلشي رخيــــص في تارجت .. نفس السوبرماركت لكبيره اللي فيها كلشي
من الالف الى الياء ..
ممتاز للصوايغ والهدايا .. لكوالتي احسن من وال مارت
بعد ماخلصنا رجعنا الفندق وستمتعنا بخدماته وفالليل تعشينا في لينكن رود

 

[اوركيدا]

اليوم اللي بعده رحنا Bayside Market Place

نظام هالمجمع حلو وغريب .. نصه محلات امريكيه

Gap, Clarks, Disney Store, Bath& Body works and few more.
او السقف مفتوح او موقعه عالبحر ..

والنص الثاني
بضائع من صناعه محله سيفونيرز او هالسوالف ..
معظم الاشياء Hand Made

المجمع كله عالبحر ..
او فيه مطاعم مثل
Chilis & Hard rock

وفيه فرق .. وألعاب للاطفال ..

كان هاليوم اخر يوم لنا في ميامي .. شرينا كل شي نحتاجه حق لكروز باجر بإذن الله ..
وصكينا شناطنا فالليل عشان باجر مايكون ورانا غير نلبس او نطلع .

 

[غربــــة اِحساس]

الله يعطيج العافية والله خوش تقرير

مبين صج وناسة : )

 

[*الزينه*]

عليكم بألــــــــــــف عافيه
بس ليش ما صورتي الكروز؟؟

 

[$غــ(ز)ــل$]

ماااشاااءالله سفرتكم بااين عليها حلوه
الله يهنييكم
ونااطرين التكمله
بس ترا الصور في الصفحه 2 كبار ومخربين التقرير

 

[[Q8TYA]]

كمليييييييي متابعيييييييييييين

مشالله سفرتكم شكلها وااايد حلوه

بس يريت بالتقرير اللي مال لكروز تصغرين الصور لانه بالبارت الثاني وااااااايد كبار

 

[[Q8TYA]]

كمليييييييي متابعيييييييييييين

مشالله سفرتكم شكلها وااايد حلوه

بس يريت بالتقرير اللي مال لكروز تصغرين الصور لانه بالبارت الثاني وااااااايد كبار

 

[زلابيا]

ماشاءالله تصويرج حلو

متابعه @@