سفرتنا المباشره لامريكا .. (كروز - ميامي & اورلاندو)

[نــور الكويت]

خوش سفره

 

[اوركيدا]

راونا حبيبتي .. اييي وانا اوركيدا .. مي اللي متزوجه وعندها 2
الاجزاء انزلهم بالمسافرون العرب بأسمها .. واللي يعرفونه انه هالثنين عيالها عشان جذي اتكلم بهالصيغه :eh_s(6):

استايل حبيبتي مشكوووره ..

لمووو مشكوره على مرورج حبيبتي واللحين انزله ان شاءلله ..

غلا .. الله يسلمج حبيبتي مشكوووره فرحني كلامج الحلو .. الله يعافيج

نور الكويت مشكوره على طلتج

 

[اوركيدا]

اخذنا التاكسي من ميناء ميامي الى مكتب Alamo
القريب من مطار ميامي الدول .. كنا مسبقا مستأجرين سياره كبيره
عشان تكفي شناطنا .. كان معانا 13 حقيبه كلهم احجامهم كبيره ..

السياره الكبيره ماكانت مريحه بالمره .. وتندمنا انه ماستأجرنا سيارتين بدال هالسياره ..
الطريق كان حلو .. خضره .. وهاي وي واحد .. حتى ماحتجنا لتشغيل الـGPS
لمرورنا السابق بهالطريق ..
الخطيين اللي ياخذون الى ميامي
TURNPIKE
و
95 طبعا ..
فظلنا الترن بايك بسبب قلة الازدحام عليه ..
وقفنا في محطه بعد ساعتين من السياقه ..

المحطه كانت حلوه ونظيفه نسبيا بالنسبه لامريكا
لكن نظيفه جداً بالنسبه للمحطات في دول الخليج ..
فيها سوفونيرز وخرايط لاهم مناطق فلوريدا .. بقاله ستاربكس محل نظارات وبرجر كينق ..
بعد مانتهينا من الوجبه انطلقنا مجدداً ..
اول مادخلنا اورلاندو .. الطبيعه اختلفت البنايات اختلفت وحتى الجو اختلف..
كانت تمطر بغزاره ..

شعور جميل العوده للجميله اورلاندو ..
It felt like home
على قولتهم ..

اول ماوصلنا وبتديت اشوف البنايات المئـلوفه كروس رودز الانترناشينال درايف
حسيت انه النشاط تجدد واني اول مااوصل الفندق ابي ارجع اتجول في طرقاتها ..

وقفنا ووجهنا الـGPS لفندقنا
الـMarriot Grande Vista
وصلنا .. مدخل الفندق وماشاءلله كان كبيــــر

وفيه هالبجعات نقدر نأجرهم ونتمشى فيهم فالبحيره ..
للتنقل فالفندق .. ممكن نطلب سيارة قولف توصل لي عمارتنا تاخذنا اي مكان نبيه

يتبع

 

[اوركيدا]

فالفندق كان فيه بقاله
ومحل كرسبي كريم ..
وبيتزا هوت ومطاعم كثيره ..
عندهم بعد مصور محترف تقدر تطلبه ويصوركم في زوايا الفندق الجميله ..

في زوايا تقدرون تستخدمونها للباربكيو .. في كل عماره جنب حمام السباحه وييك شخص يساعدك

ومحاط بغابه ..
دخلنا وتوجهنا الى اللوبي .. الاجرائات كانت سريعه جداً
عطونا خريطه تبين لنا موقع عمارتنا ..
اول صعوبه واجهتنا انه مافي احد يدخل الشناط
فقعدنا نحملهم بنفسنا ..
للشقه ..

اللحين بعرفكم بالشقه ..
احنا كنا حاجزين 2 connected villas
الاولى .. الاصغر فيها King size bed

ماكنا نستخدم هالباب فستفدنا من المساحه كمكان للشنط

وسوفا بد ..
وطاوله وكبت كبير او تلفزيون ..

مطبخ تجهيزي صغيـر
كوايه
حمام .. وغساله ..
بلكونه

مالقيت صوره تبين السريرين اوضح من هذي ..
نسيت اصور مادري ليش!

الشقه الثانيه الاكبر كانت
صاله

يتبع

 

[اوركيدا]

وغرفتين نوم الاولى ماستر بجاكوزي وحمام

والثانيه
2 queen beds

او الحمام برى ..

مطبخ مجهز بالكامل وغساله ونشافه

وبلكونه كبيره

الاثاث يديد والفيو كان حلو
لكن خدمتهم مش ولا بد وبشرحلكم ان شاءلله اكثر اخر يوم ..

هذي الفيو من صوب باب الشقه والغابه اللي تحدثت عنها مسبقاً

الفندق جداً كبير ..
في زيارتنا ماشفنا غير حماميين من اصل اكثر من 5 حمامات سباحه
حماماتهم وايد حلوه .. لكني للأسف ماصارت عندي فرصه اصور غير واحد اللي كان اقرب لغرفنا ..

يتبع

 

[اوركيدا]

من سنتين تقريباً .. زرت صديقه لي كانت ساكنه فهالفندق .. وذقت عصيـــر رووووعه ..
Strawberry Pinaccolada
لذيــــــــذ .. فأول ماوصلت كنت واااااااااايد خاطري فيه فرحت على طول وشريت لي ..

بعدها اجرنا سيارتيين فان ..
سياره لأبوي وامي ..
واللي يبي يطلع وياهم ..
وسياره لنا لطلعاتنا
كانو بالضبط نفس الشي ونفس اللون ووااااااااااايد مريحين ..

لكن طبعا البترول كان غـــــــالي!

تقريري في اورلاندو مابيكون على شكل يوميات لطوول المده .. ومعظم طلعاتنا متكرره ..
فبشرح لكم اهم الاماكن اللي رحنا لها ..
طبعاً .. حدايق ديزني ويونيفرسال
DownTown و City Walk
سيرك دو سوليه
المجمعات Florida mall
The mall at mallenia

الاوت لت
Prime One , Premiuem outlet

اخر شي .. Wall mart, Target Marcheals

وTampa

وسامحوني عالقصور ..

 

[غلا غلاتى]

عليج بالعافية أوركيدا0000أنا ناطرتج توصلين أرلاندو وذكريني فيما مضى 0000وعصير حدة يشوق مطرح ما يسري يمري000لا يوقف

 

[rawona]

ناطرينج اوركيدااااااااااااا..

وصج مثل ماقلتي انا اورلاندو بالنسبة لي like being at home ميتشغن اللي عشت فيها اكبر مده بامريكا واللي درست فيها واللي تعتبر ديرة بنتي اللي انولدت فيها ما احسها home مثل اورلاندو لووول الحب من الله وخاطري حيل بكاليفورنيا بس لان اعيالي ما يصلحلهم الا اورلاندو علشان للحين اصغار ومو مال تنقل وايد ..

كملي متابعينج :eh_s(4):​

 

[malekatsabaa]

اوكيدااا
مبارك عليكم باجي الشهر...
رحله ولا اروع..بالعافيه عليكم ...

فندقكم عجيب ..بس قوليلي عاد ..وايد يفرق عن الشيراتون؟؟؟..

عموما انا متابعتج..وسلميلي على مي..

 

[منورة الكويتية]

روعه روعه اوركيدا
بس عاد فصلي اكثررر هالمره مانبي يخلص التقرير بسرعه
وايد حبيته
وحببتيني بامريكا بعد
بسألج الاوت لت بال ايه وايد ؟ وشنو فيهم ؟ بس ملابس ولاا في بعد جناط وهالسوالف.؟ والفرق بينهم وبين اسعار البوتيكات شكثر
يعطيج الف عافية

 

[غَـنْـجَـى و دَلـوعْ]

الله يونسكم بالعافيـــه .. تقريرج روعـه و بانتظار التكملة ..

 

[اوركيدا]

عليج بالعافية أوركيدا0000أنا ناطرتج توصلين أرلاندو وذكريني فيما مضى 0000وعصير حدة يشوق مطرح ما يسري يمري000لا يوقف

الله يعافيج حبيبتي ..
كاني وصلت اورلاندو وبدخل اليوم ان شاءلله

ناطرينج اوركيدااااااااااااا..

وصج مثل ماقلتي انا اورلاندو بالنسبة لي like being at home ميتشغن اللي عشت فيها اكبر مده بامريكا واللي درست فيها واللي تعتبر ديرة بنتي اللي انولدت فيها ما احسها home مثل اورلاندو لووول الحب من الله وخاطري حيل بكاليفورنيا بس لان اعيالي ما يصلحلهم الا اورلاندو علشان للحين اصغار ومو مال تنقل وايد ..

كملي متابعينج :eh_s(4):​

هلااااااااااااااا والله راونا ..
فيها شي مريح هالمدينه مادري شنو اهوا .. الظاهر الحر :krkrkr: اهوا اللي يحسسنا كأنه at home ..
بتروحين كاليفورنيا لكنج بترجعين اورلاندو .. حتى لو عيالج كبار وايد ناس قالولي جذي ..

اوكيدااا
مبارك عليكم باجي الشهر...
رحله ولا اروع..بالعافيه عليكم ...

فندقكم عجيب ..بس قوليلي عاد ..وايد يفرق عن الشيراتون؟؟؟..

عموما انا متابعتج..وسلميلي على مي..

علينا او عليج بعد عمري ملكككككككهه ..
الله يعافيج .. وانتوا بعد ..
الشيراتون اقرب صاير للمناطق اللي نتردد عليها دائماً .. لكن الاثاث في هالفندق والمرافق احسن .. هذي بس الفرق ..
يوصل سلامج حبيبتي .. ومشكوره

روعه روعه اوركيدا
بس عاد فصلي اكثررر هالمره مانبي يخلص التقرير بسرعه
وايد حبيته
وحببتيني بامريكا بعد
بسألج الاوت لت بال ايه وايد ؟ وشنو فيهم ؟ بس ملابس ولاا في بعد جناط وهالسوالف.؟ والفرق بينهم وبين اسعار البوتيكات شكثر
يعطيج الف عافية

الاروع حضورج حبيبتي ..
ان شاءلله ولا يهمج .. بفصل اكثر .. وبالنسبه للأوت لت .. مجمع نفس اي مجمع .. بس دايما يكون مو مسقف .. المحلات بس مسقفه .. عندي بالصور ان شاءلله بنزل لكم .. فيه المحلات كلها من forever 21 الى Dior & Fendi & Burberry و Disney store و victoria secrets والكثيــر الكثير ..
وفيه فود كورت اسعارهم من 30% اقل الى 90% انتي وحظج وقدم البضاعه ..

الله يونسكم بالعافيـــه .. تقريرج روعـه و بانتظار التكملة ..

الله يسلمج حبيبتي .. مشكووووووووووره

 

[اوركيدا]

بسم الله الرحمن الرحيم ..

ببتدي بإذن الله

Walt Disney World
Orlando – Florida
تعتبر ديزني اورلاندوا اكبر حدائق ديزني بالعالم
تتكون من ستة أقسام
Magic Kingdom
MGM Studio’s
Animal Kingdom
Epcot Center
Typhoon Lagoon
Blizzard Beach

من هو
Walt Disney?

هو والتر الياس ديزني ولد سنة 1901 في ولاية تكساس الامريكيه

وقد اسس شركة والت ديزني سنة 1923 ومقرها في كاليفورنيا ، ويعتبر من اشهر منتجي الرسوم المتحركة

وقد قام ديزني ومساعديه بأختراع اشهر الشخصيات الكارتونيه
Mickey Mouse

وقد حصل على اول جائزه سنة 1932 للابتكاره شخصية ميكي ماوس

وقد انتج سنة 1938 اول افلامه
Snow White and the Seven Dwarfs

وحصل من خلاله على جائزة اوسكار وبلغ اجمالي ارباح الفلم 8 مليون دولار

في 17|7|1955 افتتحت اول حديقة العاب لديزني في اناهايم كاليفورنيا

سنة 1965 قرر الاخوان والت و روي ديزني بأنشاء وفي
Walt Disney World
في فلوريدا

ولكن والت توفي سنة 1966 ولم يسمح له القدر برؤية حلمه

وتم تكملة المشروع والافتتاح في اكتوبر 1971

هذاهو المشروع الضخم اللي يزوره ملايين الزوار كل عام والمتجدد دائما
والحين راح اعرض لكم بعض الصور لزيارتي الى
Walt Disney World

يتبع

 

[اوركيدا]

صور من Little mermaid show - Disney's hollywood studios

وهذي منطقة الانتظار .. في Tower of terror وقصدهم بالضباب فالصوره ارواح واشباح :110:

العباره الى Magic Kingdom

يتبع

 

[اوركيدا]

أهم النقاط في زيارتك لحدائق والت ديزني خصوصاً فالصيف:
1- حاول اختيار الوقت المناسب مثلاً .. اذا رحتو الحديقه الساعه 9 صباحاً مابتقدرون تقعدون لي الساعه 12 فالليل وتشوفون العرض الليلي الرائع فأنسب وقت للذهاب بين الـ12-4 وفي هالحاله بتشوفون اهم الاشيا فالحديقه وليس كلها!
2- اذا كان الجو مشمس جداً حاولو تتحاشون الحدايق وتغيرون البرنامج إما لشاطئ ديتونا او الى المجمعات المكيفه .. اذا كان المطر خفيف هذا انسب وقت للحديقه .. او اليوم بعد يوم من المطر الغزير يكون الجو جداً لطيف.
3- في بداية دخولكم للحديقه على طول اخذو الخريطه متواجده عند البوابات بتسهل تحركاتكم بشكل كبير وطريقتهم سهله او معتمده اكثر شي على الصور وفيها شرح لكل لعبه واعمار اللي يقدرون يلعبونها او خطورتها.
4- مطاعم الحدايق على الرغم من انها غاليه نوعا ما لكنها رائعه وجميله جداً و New Experience بيستمتعون فيها ابنائكم كثركم .. في بعضهم خاصيه يسمونها Dinning with Characters يعني اكل الطعام مع الشخصيات ولي تقرير خاص بحدايق ابكوت بيتظمن زياره لاحد المطاعم من هالنوع لكن الاهم اهني .. انكم تحجزون حجز مسبق عن طريق التلفون قبل بأكثر من يومين .. لصعوبة الحصول على طاوله في نفس اليوم ..
انا جربت مطعم The Crystel Palaceفي Magic Kindgom .. وايد راقي او حلو .. وطريقته بوفيه والشخصيات اللي فيه Winnie the pooh واصدقائه .. يدورون على الطاولات اللي قاعدين ناكل فيها ويصورون .. ويكونون متواجدين طوال الوقت تقريباً .. وللأسف مااذكر سعر هالمطعم. وانصحكم بمطعم Cinderella's Royal Table لكن لازم تحجزون اقل شي قبل بأسبوع .. لانه دائما محجوز بالكامل لمده طويله وهذي اللي خلانا للأسف ماقدرنا نشوفه :110:

وجربت مطعم اسمهMama Melrose's Ristorante Italiano في Disneys Hollywood studios مافيه خاصية الاكل مع الشخصيات .. وكئيب نوعا ما لكن اكله لذيذ. وبشرح لكم عن مطعم Epcot بالصور في وقته .

5- للحدايق اخذو حق صغاركم اكثر من بدله .. في العاب ممكن تبللهم فتكونون مستعدين.

6- استفيدو من خاصية الفاست باس لأنها توفر وايد وقت وتخليكم تشوفون اكثر عدد من الالعاب ولاتيئسون من الانتظار فالطوابير فمعظم الالعاب تستحق هالوقت اللي بتنتظرون فيه.

عديد من التقارير تناولت الحدايق بشكل كبير لكني حسيت الحديقه الوحيده اللي ماخذت حقها Epcot الرائعه

ونصيحه للي زار الحديقه قبل مايحكم عليها .. الحديقه تطورت بشكل كبير وصار فيها العديد من الالعاب ومستحيل يكفي يوم واحد عشان تشوف أهم الاشيا فالحديقه بس ..
حبيت اشرح لكم عن حديقة Epcot فقط باسترسال .. واتمنى تقريري يعجبكم ..

الطرق عديده للوصول الى الحديقه .. الباركنق قريب وممكن استخدام القطار الخاص بالحدائق ..

بدايتاً .. التسوق في Disney Store's بحديقة Epcot ممتع جداً .. وفيه بضايع متنوعه ممكن ماتشوفونها فأي Store اخر .. ومعظم الـStores كبيــره جداً .. وهذي في بداية الحديقه .. فالبدايه تشوف كرة Epcot الشهيره

هالصوره ليست من تصويري

يتبع

 

[اوركيدا]

واهيا في نفس الوقت .. لعبه فيها مركبات تنقلك عبر الزمن .. تشوف فيها تطور الشعوب إلى المستقبل ..

من أهم الالعاب في حديقة Epcot الفاست تراك على يسار المدخل ... وسورين على اليمين ..
وللأطفال عرض نيمو .. وفالنص عادتاً يطوف الكثير Epcot Character Spot
مكان مكيف .. تقدر تصور فيه مع الشخصيات وهذي صورنا ..

وفيه العديد من الـRides اللي تقدر تستمتع فيها قبل الانطلاق لعالم ابكوت ..
اللي بدايتاً تقدر تشوفه من البحيره .. بعد النافوره الراقصه ..

دول عديده أذكر منها بريطانيا فرنسا ايطاليا الصين واليابان النروج ألمانيا كندا المكسيك المغرب وحتى امريكا

احنا اول مادخلنا الحديقه انطلقنا سريعاً الى النرويج ..
كان اغلب معالمهم الفايكنقز ..

هالصوره ليست من تصويري

كنا حاجزين للغدا في مطعم Akershus ..
قبل الدخول للمطعم كان طابور الانتظار طويل نوعاً ما .. قلنالهم انه احنا حاجزين .. قالو لنا ماينتظرون فالطابور غير اللي حاجزين واللي ماعندهم حجز ماينتظرون لانه مافي امل يلقون طاوله ..
المهم الطابور اخذ تقريباً ربع ساعه .. اول مادخلنا المطعم استقبلتنا وحده قالت لنا اذا تبون تصورون مع Belle من Beauty and The best والصور نحصل عليها فوراً .. ومجانا مع الوجبه ..
صورنا ورحنا طاولتنا .. فالطاوله شرحولنا المين كورس .. وكلٍ اختار طلبه وبعد ماخترنا الطلبات .. قدمولنا سلة الخبز ..

وكان بوفيه المقبلات مفتوح ..

يتبع

 

[اوركيدا]

وللأسف عند البطون تعمى العيون قعدت اكل ونسيت اصور غير هال3 صحون وطافني الديزرت وباقي الاكل
هذي وجبة الاطفال

واحنا ناكل يبتدون الاميرات اييونا عالطاولات حق التصوير ..

 

[اوركيدا]

بعد الاكل انطلقنا للمكسيك .. لأنها الاقرب وصورنا مع Donald Duck

وكملنا مشوارنا فالدول ..
المجسمات رائعه وتعوب عليها وتعيشك الاجواء .. وفي كل دوله في محل يبيع اهم منتجات هالدوله ..
مثل اكلهم حلوياتهم وسوفنيرز عليها ختم Disney وفي كل دوله مطعمها الخاص ..

وللمغرب حظور جميل في ابكوت ..

وانتظروني مع تكملة هذا الجزء من ديزني

 

[rawona]

يعطيــــــــــــــــــــــــــــــــــــج العافية اوركيداااااااااااااااا


وصج ديزني "قمة" انا وريلي حديقتنااا المفضلة ال epcot وايد وايد احبها ومن اجمل الحدايق عندي ..

يالله متابعينج وناكرين البارت الثاني :ggdw:​

 

[^noonaa^]

وااااااااو رووووووووعه يعطييييييج العااافيه

شوقتييييني وذكرتيييني باللي مضى ان شاءالله قريبا انا رايحتلها


ويلااااااا ناطريييييين باااجي الصور