سفرتنا المباشره لامريكا .. (كروز - ميامي & اورلاندو)

[nawnaw]

اهلا اوركيدا
الصورحدها عجيبه ..وايد حلوموضوعج
وعن مطاعم ابكوت انا تغديت مره في المكسيكي ..وكان ابدا موب حلو ..سيء جدا. ومره اكلنا في الايطالي وكان نفس الشي موحلو ..مع انا المطعمين يبيلهم حجز قبلها بفتره بس ما ادري علي شنو..
انا ببعلق لي شي بره الموضوع ... تدرين انا شنو احب اكثر شي بالمريديان اللي سكنتو فيه .......
ال شامبو والبودي لوشن والبودي شور اللي يحطوم بالحمام ..لووووووووووووووووول
انا عرفت من سفرتي قبل العام لما سكنت في المريديان ... وبعدين وايد حبيتا
هالسنه رحت اشتري منه منbath and body work لكن للاسف كانout of stock لان الناس وايد هابين فيه واهوorange genger وما حصلت الا البودي شور اما اللوشن اللي مييته عليه ماحصلت الا gift set بالحجم الصغير .. بس خذيتا

 

[الفراشه الرقيقه]

اوركيد بصراحه عيشتيني برحلتج لحظه بلجظه
وكأني كنت وياكم
تسلم ايدج على هالتقرير اكثر من رائع

 

[A. style]

عليج بألف عافية وانشالله كل سفرة احلى من الثانية
وعندي جم سؤال لاني ناوية اروح على شهر 11 راح ازعجج بجم سؤال اذا ممكن ؟؟


:e3:

 

[منورة الكويتية]

روعه اوركيدا
وياج على طول الخط

 

[عيون كحـال]

صج صج من احلى السفرات اللي شفتها


الله يهينكم

 

[اوركيدا]

يعطيــــــــــــــــــــــــــــــــــــج العافية اوركيداااااااااااااااا


وصج ديزني "قمة" انا وريلي حديقتنااا المفضلة ال epcot وايد وايد احبها ومن اجمل الحدايق عندي ..

يالله متابعينج وناكرين البارت الثاني :ggdw:​

الله يعافيج راونا حبيبتي ..
واحشتني ..
استغرب من ناس وايد يقولون لاتروحونها مافيها شي .. اتوقع انها قبل ماكان فيها شي ومن جذي حكومو عليها ..
مشكوره على مرورج حبيبتي

وااااااااو رووووووووعه يعطييييييج العااافيه

شوقتييييني وذكرتيييني باللي مضى ان شاءالله قريبا انا رايحتلها


ويلااااااا ناطريييييين باااجي الصور

الله يعافيج نونا ..
الله يعودج حق الذي مضى ان شاءلله ..
وبننتظر تقريرج

اهلا اوركيدا
الصورحدها عجيبه ..وايد حلوموضوعج
وعن مطاعم ابكوت انا تغديت مره في المكسيكي ..وكان ابدا موب حلو ..سيء جدا. ومره اكلنا في الايطالي وكان نفس الشي موحلو ..مع انا المطعمين يبيلهم حجز قبلها بفتره بس ما ادري علي شنو..
انا ببعلق لي شي بره الموضوع ... تدرين انا شنو احب اكثر شي بالمريديان اللي سكنتو فيه .......
ال شامبو والبودي لوشن والبودي شور اللي يحطوم بالحمام ..لووووووووووووووووول
انا عرفت من سفرتي قبل العام لما سكنت في المريديان ... وبعدين وايد حبيتا
هالسنه رحت اشتري منه منbath and body work لكن للاسف كانout of stock لان الناس وايد هابين فيه واهوorange genger وما حصلت الا البودي شور اما اللوشن اللي مييته عليه ماحصلت الا gift set بالحجم الصغير .. بس خذيتا

هلا والله ناو ناو ..
عيونج العجيبه مشكووره ..
انا سمعت عن المكسيكي انه مب حلو .. وتعشيت مره في فرنسا عجب اهلي بس ماعجبني ..
وفي ناس وايد يمدحون المغرب .. وناس كلش مايمدحون المطعم اللي فيها .. بس هالمطعم اللي فالنرويج كان عجيب
احنا سكنا بالماريوت .. وماجربت اشياءهم .. انا من اطب اروح باث اند بدي وركس .. ومن الخرعه من اهناك ابتدي استعملهم ههههههه ..
انا عندي الشامبو اللي على اورنج .. انا السنه حبيت وايد الرازجي .. والعام التين او الخيار مع البطيخ ..
كلشيهم حلو
مشكووووووووره على مرورج حبيبتي

اوركيد بصراحه عيشتيني برحلتج لحظه بلجظه
وكأني كنت وياكم
تسلم ايدج على هالتقرير اكثر من رائع

بعد عمري مشكوره كلامج فرحني
الله يسلمج

عليج بألف عافية وانشالله كل سفرة احلى من الثانية
وعندي جم سؤال لاني ناوية اروح على شهر 11 راح ازعجج بجم سؤال اذا ممكن ؟؟


:e3:

الله يعافيج ام فهد عزيزتي ..
امري انا حاضره

روعه اوركيدا
وياج على طول الخط

حياج الله مرورج منور موضوعي

صج صج من احلى السفرات اللي شفتها


الله يهينكم

الله يسلمج مشكوره حبيبتي ..
ان شاءلله تروحين للاحلى يارب ..

 

[اوركيدا]

كل عام وانتوا بخير مقدما ..
وعيدكم مبارك والله يعوده علينا وعليكم ان شاءلله ..
بنختم اليوم جزء ديزني ..
بتعريفكم على اهم الالعاب ..
خصوصا للي بيزورون الحدايق لمده قصيـــــره عشان ماتطوفهم اهم الالعاب
بدايتاً ..

Magic Kingdom ..

مطاعمها جميله جداً ..
وذكرت اسمائهم فالجزء الاول ..
بالنسبه للـRides .. اهمها ..
Space Mountine

عادتاً مدة الانتظار لهاللعبه تكون طويله .. فأنصحكم اول ماتدخلون الحديقه تاخذون ال،Fast Pass
وترجعون ..
هاللعبه عباره عن مركبه فضائيه .. تطير فيكم بســـــــرررررررررررررعه فالفضاء ..
مكان الانتظار مكيف ..
واللعبه جداً ممتعه ..
كل راكب يركب ورى الثاني .. وليس جنب بعض ..
وكل 3 في مركبه وحده ..
تحس انك تنقلب لكنك ماتنقلب ..
تصلح حتى للأطفال 8 سنوات او فوق او يمكن حتى اقل شوي على حسب طولهم

في هالجزء من الحديقه كذا لعبه متعلقه بالفضاء بالنسبه لي هذي امتعهم ..
اذا معاكم اطفال 10 سنين او فوق .. بيحبون لعبة الريسنق ..
لعبة سيارات .. لكنها بطيئ تنفع للأطفال فقط

مقابل هالمنطقه في Food Court

بعدها تيي مدينة الاطفال .. للي من عمر سنه ونص الى 7 سنوات ..
من اهم العابها ..

Its a Small World هاللعبه تنفع للعائله كلها ..
مراكب تدور في نهر وفي مجسمات صغيره من كل العالم

وبعدها لعبة Mickeys Magical Show
هاللعبه ممـــــــــــــــــــتعه جداً .. بنظام الـ3D
اغلب الاوقات انتظارها مايكون طويل لانه القاعه كبيره تشيل عدد كبير من الناس ..
في القاعه .. يحصل الكل على نظاره ويشوف العرض الممتع ..
هاللعبه تنفع ايضا للعائله كلها ..

بعدها لعبة الـHunted Mention
بيت مسكون .. تتجول فيه مشي شوي وبعدين تقفز للمركبات المتحركه ..
هاللعبه عاديه لكن فيها فن .. تشوف الطوف تتكلم ووجوه التماثيل تتحرك ..
واشيا غريبه وايد .. ماتخوف اللعبه بكثر الاجواء .. وبتشوفون العديد من الاطفال داخلها ..
مدة الانتظار تمشي سريعا لانهم يدخلون اعداد كبيره من الناس كل مره ..
جنبها لعبة الSplash Mountine

جندول .. يتجول فيك اول شي في قصه .. ومع احداث القصه المركبه تنزل نزلات كبيــــــــــره
هاللعبه جدا ممتعه .. لها طول معين عشان يدخلون الاطفال ..
تتبل الملابس شوي .. واحيانا ماتتبل على حسب موقعك فالمركب ..
لاتطوفكم واااااااااااااااايد حلوه ..

والاهم في ماجيك كينقدم .. عرضين ..
العرض الصباحي ..

 

[اوركيدا]

بالنسبه لي اهم حدثيــين في Walt Disney World
وهذي بعض الصور ..
للعرض المسائي ..

يتبع

 

[اوركيدا]

وبعد البيريد .. الألعاب الناريه ..

الصور هذي جزء .. من A REALLY MAGICAL SHOW

المهم ننتقل للحديقه اللي بعدها ..
mgm studio's سابقاً ..
Disney's Hollywood studio's

هالحديقه بنظري يكفيها نص يوم ..

نظامها كأنها ستوديو تصوير كبير ..

اكثر ألعابها .. عروض عن التصوير .. وShows واشيا عن المشاهير ..
مطاعمها غريبــه جداً .. ومبانيها وفيها زوايا كثيره مبدعه ..

للأطفال فيها Mickey Playhouse عرض جداً جميل ..
وفيها Little Mermaid Show للعائله كلها ..
وThe Beauty & The beast show
و STAR WARS لمحبي هالسلسله ..
و لعبة من سيربح المليون والكثيـــــــــر الكثير ..
اهم ألعابها ..
الروك اند رول ..

رولر كوستر سريع .. لايصلح للاطفال .. يمشي بسرعه كبيــــــــــــــــــــــره ..
ويتقلب .. لكنها بالفعل لعبه راااااااااااااائعه ..
انصح باستخدام الفاست باس لهالعبه ..
هاللعبه لها قصه كأنها فلم ..
بعد الانتظار فالطابور .. يدخلون الناس في غرفه ..
في هالغرفه شاشه كبيره .. يزعم جزازه ورى هالشاشه فرقه مشهوره من فرقهم ..
وعلى اساس انه احنا يايين حق هالفرقه .. لأنا من معجبينهم .. وعلى اساس انه مديرة اعمالهم تدخل عليهم وتقول لهم انهم تأخرو عالحفله .. ويتجهزون بسرعه للذهاب وبعدين واحد من الفرقه يذكرهم انه معجبيينا واقفين ينتظرونا مايصير نخليهم ونمشي .. ويقولون حق مديرة اعمالهم احنا مابنروح بدون معجبينا ..
فتقول لهم انتوا روحو اللحين وانا بطلب لهم ليموزين طويله جداً وسريعه جداً عشان تنقلهم وراكم للحفله ..
ونبتدي بعدها نركب الليموزين اللي يطير في شوارع لوس انجليس عشان ياخذنا للحفله ..
المركبه سريعه جداً وممتعه جداً جداً

يتبع

 

[اوركيدا]

والثانيه .. الشهيره ..
Tower of Terror

ولها قصه يحكونها للراكب اول مايركب ..
انه هالمبنى كان فندق سابقاً ..
ونزلت فيه عائله .. أول مادخلو المصعد اللي بينقلهم لهالفندق .. صار شوط وماتو كلهم فالمصعد ..
وبعدها سكنت ارواحهم هالفندق .. وتبتدي مناظر الرعب من الانتظار وسبق وحطيت صوره فالجزء الاول من ديزني ..

وعرض .. Extreme stunt show

وفي عرض من تصوير انديانا جونز بس للأمانه ماشفته ..
انتظروا باقي الحدائق باجر ان شاءالله

 

[malekatsabaa]

اوركيدا ...وناااسه...
آآآآآخ ودي ارجع!!ا

تصدقين عادSpace Mountine بنتي عمرها 6 سنوات ركبتها..وكيفت عليها...
و صارت تسأل قبل ما تركب اي لعبه اذا تخوف تبيها واذا ما تخوف مو ضروري ..حتى Tower of terror اركبت ولما طلعت قالت يما مره ثانيه:016:!!!بس صرخنا صراخ..مو طبيعي..لوووول

كملي ناطرينج....:ggdw::ggdw::ggdw:

 

[rawona]

والله يا اوركيدا كل ما انوي واعزم اروح دولة غير امريكا .. امر على مثل هالمواضيع الحلوه واشتااااااااااااق لامريكااااااااااااا ..

يالله ناطرين الباجي :ggdw:​

 

[Queen-q8]

ما شاء الله اوركيدا وايد تقريرج هني والعرب المسافرون عجيب ومفيد حدة انا ناطرة تطلع الفيزا ((( ادعيلي ))) وتتأكد السفرة بإذن الله ومالي غناة عنج

خوش تقرير لايوقف متابعتج بس اخلص من الفيزا راح احتاجج وايد

 

[sa7ab]

ماشاءالله خووووش تقرير


يعطيج الف عافيه شوقتيني على امريكا

ولهت عليها

 

[malekatsabaa]

عيدكم مبارك..

وعساكم من عايدينه...


:nbvppw::nbvppw:
وينج اوركيدا؟؟

تجهيز العيد كله يبتيه من امريكا :jbdwjbd: يعني مو لاهيه بالسوق...لووول:dddds:

ناطرينج..:bye22:

 

[q.u.e.e.n]

ابييييييييييييييييي اروح مثل سفرتج يارب يارب ترزقني مثل هلسفره وناااااارينج حبوبه لا اطولين علينا وعليج بألف عافيه على هالسفره

 

[q.u.e.e.n]

لا يــــــــــــــــــــــوقف لا يــــــــــــــــــــوقف_03ba:

 

[d-k_group]

وين الوعد يا اوركيدا
انتي مواعدتنا تكتبين عن المطاعم و
shopping mall

نبي نعرف المناطق القريبه من اولاندو
اللي يقدر الواحد يروح ويرجع لها نفس اليوم

 

[ام _خلودي]

واااى عليج بالعاافيه اروكيد
احنااا كنا معزمين روح اكروز
بس تكنسلت ماضبطت وياااناا
كلش وانشاء الله السنه الياااى

 

[rawona]

اوركيــــــــــــــــــــــــــــدا ..


where are you??????????????​