سفرتى لسلوفاكيا وبولندا والنمسا عام 2008

[اوملييتا]

وينج فنن جنج طولتي عسى ماشر ناطرين باجي التقرير

 

[omjasim]

عسى المانع خير النمسا
النمسا
النمسا

 

[Featured Lady]

اولا : هلا بكل من نطرنى
وراح اكمل:ada:​

 

[Featured Lady]

فيينا - النمسا
======
طبعا واحنا فى سلوفاكيا وبالاخص فى بشتني
قلنا خلونا نحجز فندق فى فيينا
فشرطت ان يكون الفندق فى السنتر وليس بعيد عنه
وهذى نصيحة لكل من يزور فيينا عشان تستمتع فيها
والسبب انى كنت زايرة فيينا وسكنت فى فندق بعيد عن السنتر ونروح له بالاندركراوند او تاكسي واذا رجعنا الفندق حسينا بملل
والسنتر يكون مبلط وكله قهاوى وكافيهات مفتوحة الى 12 بالليل وتقدرين تتمشين فيهم ولاتحسين بملل
والاهم من هذا ان السنتر او الساحة فيها محلات وتقدرين تتسوقين وكلها مطاعم ونهايتها كنيسة كبيرة ويمها حناطير تقدرين تاجرينهم
وعلى جنب من الكنيسة فى شي
كلنا نحبه ​

تدرون شنووو ؟​

هو شارع الماركات العالمية​

وهذى الساحة هى ساحة " ستيفنز "
بس الصاعقة ان كل الفنادق اللى بالسنتر غالية جدا
وانا ابى فندق " اوروبا " موقعه ممتاز وحاطه عيني عليه فى المرة الاولى
بس المصيبة ان سعره 100 دينار بالليلة واحنا نبي 4 غرف ولمدة 5 ليال يعنى 2000 دينار .... غالى وايد​

المهم الله يحبنى وانا قاعدة على النت شفت موقع فيه خصم 70% على الفنادق جازفت وحجزت
طلعت على الغرفة الوحدة 28 دينار لا والاهم ان الغرف التنفيذية وليس العادية يعنى الغرف اللى يكون فيها بوفيه ريوق وبوفيه خفايف مجانا طول الوقت والميني بار بالغرفة مجانا وغيرونه كل يوم (( طبعا ناخذ من الميني بار البسكوت والعصاير والبيبسي والبطاط ))
بس بعد الحجز احنا مومصدقين فندق اوروبا بالسنتر وب 28 دينار ​

فكرنا اشلون نعرف مصداقية هالموقع؟؟؟
وقبل لانشيل شلايلنا ونروح فيينا ونتوهق لازم نتأكد ​

تدرون شلون ؟؟؟؟
الحين اقولكم​

 

[اوملييتا]

يالله شلون انا متابعة

 

[Featured Lady]

اكمل القصة
=====
عشان نتأكد لازم نتعنى اللى فيينا ونروح الفندق ونساله عن الحجز
وطبعا رحنا فيينا وهى مثل ماقلنا موبعيدة عن سلوفاكيا ونزلنا فى السنتر ورحنا للفندق ودخلت وسالت عن الحجز فلقيت حجزنا وسالت عن الغرف ردت على الموظفة انكم حاجزين الغرف التنفيذية فطلبت انى اشوفها وطبعا كانوا ودودين وورتني الغرف وتحسفت انى حاجزة 4 غرف لان الغرف وايد كبيرة يعنى انت وعيالج فى غرفة وحدة تكون كافيه لكم
ولما تاكدت من الحجز رديت بشتنى

راح اخليكم اليوم وباجر احط صور فيينا وراح اقول لكم توصيات كثيرة للى تبي تزور فيينا بالذات
بس انطرونى
===================​

 

[اوملييتا]

انشاء الله ناطرينج و نبي اسم الموقع اللي حجزتي مننه اذا ممكن
و يعطيج الف عافية فنونوة عالتقرير الحلو

 

[سلطـ زمانها ــانة]

ناطرينج

مشاءالله سهالات هالسفره

لاطولين بليز

 

[omjasim]

ما شاء الله عالتساهيل وعطينا اسم الفندق واذا له فرع ثانى ببلد اوربى وشكرا

 

[عاشقة نفسها]

امبييييييييييييييه لالالالالالالالالالالالالالالالالالالالالا

بروح بشتنييييييييييييييييي وااااااااااااااااااااااااااااااااي انا هذا نووووووووووووعي

النمسا طبعا لا يعلى عليها بس حلو نجرب بولندا

مشاءالله مشاءالله الله يهنيكم ويعطيكم الصحه والعافيه

تهقون فيه قروبات تودي سلوفاكيا ؟؟؟

 

[هجوور]

امبييييييييييييييه لالالالالالالالالالالالالالالالالالالالالا

بروح بشتنييييييييييييييييي وااااااااااااااااااااااااااااااااي انا هذا نووووووووووووعي

النمسا طبعا لا يعلى عليها بس حلو نجرب بولندا

مشاءالله مشاءالله الله يهنيكم ويعطيكم الصحه والعافيه

تهقون فيه قروبات تودي سلوفاكيا ؟؟؟

معااااااااااااااااااااااااااااااااااااااااااج ابي الجووووواااااااااااااااااااااااااب:yaaaaaarb:

 

[bright future]

قوة اختي بصراااااااحة موضوع يهبل

بس تكفيييييييين امانه بغيت رقم صاحب فيلاتكم هناك والمصحات والقايد والسيارات سلمج الله وان شاء الله تروحين سفرة احلى منها هالسنة

 

[نور قلبه]

اللله يعطيج الللللف عاافيه الصرااح تقريرج حيل مميز وانا رايحه بشتني من زمان و ما كنت افكر ارجع لها بس من تقريرج هذا خليتيني مره ثانيه افكر فيها لاحظت وايد اشياء تغيرت فيها خصوصا المطاعم كانت حيل محدوده
و شوقتيني على المنطقه مالت الثلج الي في بولندا شكلهاا حيييل حلوه

 

[سلطـ زمانها ــانة]

أول شي عيدج مبارك مقدما

ثاني شي ناطرين التقرير طولتي علينا

 

[bnt_7waa]

خوووش تقرير المعلومات فيه حلوه

متابعه

 

[Featured Lady]

واى واى شكرا على
التثبيت اولا
وعيدكم مبارك ثانيا
واسفه على التاخير ثالثا
ونطروني الليلة اكمل السفرة لكم
لانى حاولت وانا بالشاليه اكمل لكم وما قدرت لان الايكو ارساله بطيء جدا هناك​

 

[Featured Lady]

بالنسبة للى اسالت عن القروبات
انا صادفت فى فيينا قروب رايح فيينا وبناتها (( زلمسي وسالزبورخ )) وقالت لى وحدة انهم ودوهم يوم واحد للعاصمة سلوفاكيا وتمشوا فى مجمعاتها وودوهم الى الاوت ليت اللى على الحدود
بس بالنسبة للقروبات فى بشتني انا ماشفت هناك لانها ماتسوا قروب كل الموجودين يساعدونج ليلا ونهارا والمترجمين والمترجمات متواجدين جدام عينج ويعدون بالمقاهى مع الكويتيين كل صبح وكل عصر الى الليل
لكن سفريات الصوان تودى للمصحات للعلاج
ياخذج من المطار الى المصح الى المطار مرة ثانية
اما بالنسبة لللارقام المترجمين واصحاب السيارات والفيلا واللى يؤجرون الفلل واللى ياخذونكم للمطار
لازم ابى رد من ادارة المنتدى اذا ممكن احط الارقام على العام (( عشان الكل يستفيد )) او لا؟؟؟
فرجائى للادارة انا ناطرة الرد ​

 

[omjasim]

راسلينا عالخاص احسن عن بشتنى والفيلات احسن من النطرة احنا شذنبنا نطرناك وايد فنن ؟؟؟ صح

 

[عاشقة نفسها]

لالالالالالالالالا يوقف لالالالالالالالالا يوقف

 

[هجوور]

يلاااااااااااا معااااااااااااااااااااااااااااااج لا لا لا لا لا لا لا لا لا لا لا لال الالالالالا يوقف