سفرتي بعد شهر

[frutty]

ملجتي بعد شهر

هاااي بناات ملجتي بعد شهر :0bee2e8d89: و حدي محتارة شسوي للسفره

انا شريتالمراية و الشمعدانات و الاطباق و الحين الباجي اعرف شحط فيهم و شلوووووووووووون

يعني مثلا النبات والحرمل شلون ينحطون ؟ يتغلفون و لا لأ؟ و غيره و غيره :krkrkr:
يا ريت تساعدوني يا حبيباتي :wqedqw:

 

[ام الزين كله]

حبيبتي وضحي اكثر انتي مسافرة دراسة برة ولا مع ريلج و سياحة عشان نعرف و نساعدج

 

[frutty]

هي هي ...... لا أاسفة شكلي ما وضحت عدل

انا اقصد سفرة الملجة

 

[يابختي]

اول شي مبروك والله يتمم عليج..
ما ادري احنا نحط بعد بيض وجبن ابيض وخبر وسكر وورد وفاكهة..بس نزين كل شي..وحنة وشمع..وناس يحطون حوض سمج..وبس..اذا دكرت رديت عليج بعد

 

[إستبرق الكويت]

الله يتمم لج على خير يارب



بالنسبة لسفرة الملجة , تحطين فيها

ملح - نبات - هيل - مسمار - شبه وحرمل - عيش ني - بيض ني

وقت العقد تفتحين القرآن على سورة الفتح ( إنا فتحنا لك فتحاً مبينا ) وطبعاً تكونين ماسكة القرآن فيحطون بين اصابعج هيل ومسمار بالتبادل يعني ( مره هيل مره مسمار ) وتحت لسانج نباته ونيره ذهب وعند كل مبيض بيضه .

ومنظرة يحطونها جدامج وقت العقد , والقند الي يفركونه بالصينية فوق راسج

وحنه - وخبز وجبن بالخضره - شموع

طبعاً هذا الأساسي

حطلوا عليها إضافات , كاكاو , حوض فيه سمجتين , الي يطلع السفرة لون الخام والمواعين والشمعدانات , تنسيق وترتيب بس , ولا تكثرين فيها كل ماكانت ناعمه , كل ما طلعت أكثر وبينت أحلى

ولا تحطين أي شي مغلف بالسولوفان , يخرب شكل السفره

الله يتمم عليج ويفرحج وإن شاءالله دور السنة نشوفج أم إلهي آمين

 

[A7la 7la]

سوري بنات بدش عرض ... بس شنو يعني سفرة ملجه ؟؟و لازم تسوونها و لا؟.. وشلون؟ ... ومتى .؟؟؟؟


بصراحه اول مره اسمع .. جان زين تفيدوني؟؟؟؟

 

[يابختي]

مملوحة..هاذي عادة عندنا نحط سفرة ومنظرة وشموع وقران مثل ما اشرحوا البنات بالملجة...لما يحضر الملاج يسأل البنت موافقة ولا لأ..هالشغلات يسونها..وايد حلوة..ماادري شرحت عدل ولا لا

 

[حناينq8]

!!!

اسفه حبيبتي انا دخلت الموضوع حسبالي بتسافرين


بس ليمه الحين ما فهمت يعني شنو سفره وحق شنو تحطونها ؟؟؟؟؟؟ وشنو فيها ؟؟؟؟؟؟؟؟؟؟


تحياتي​

 

[بنات حواء2]

حبيبتي مثل ما تفضلت استبرق الكويت
و بنسبه للبنات إلي يستفسرون عن السفره اشلون الكل يعرفها

 

[A7la 7la]

مملوحة..هاذي عادة عندنا نحط سفرة ومنظرة وشموع وقران مثل ما اشرحوا البنات بالملجة...لما يحضر الملاج يسأل البنت موافقة ولا لأ..هالشغلات يسونها..وايد حلوة..ماادري شرحت عدل ولا لا

مشكوره عالشرح ياقلبي ... فهمت.. بس مافهمت منو اللي يسويها ..؟؟.. انتي تقولين: عندنا ...!!
مافهمت:eh_s(1)::eh_s(1):

 

[يابختي]

اهيا عادة ماخذينه من ايران..اتوقع كانت منتشرة بين عيم الكويت بعدين انتشرت بين الناس بصورة اكبر..حتى في بنات بالمنتدى يزهبون السفرة..اذا ماني غلطه في بنت نكها جرح الليالي...

 

[دخــــــــــــــــون]

اللي يسوونها يكونون شيعة .... صديقاتي يسوونها

 

[A7la 7la]

والنعم فيكم حبيبتي .. توني فهمت السفره ..مشكــوووووووووورهــ......

 

[frutty]

مشكورين يا قلبي انتوا عسل:tek:
استبرق لكويت ...حبيتج لووول .حده شرحج مفصل بعد جبدي:ggdw:
بس يا ريت تقوليلي شلون يحطون بيضة عند كل مبيض?

 

[ام _خلودي]

لووووووووووووووووووووول
عزيزتى اذا تبين سفرة كشخة ومتعوب عليههاا باجر ايبلج رقم وحده اتسوى فناتك

 

[إستبرق الكويت]

مشكورين يا قلبي انتوا عسل:tek:
استبرق لكويت ...حبيتج لووول .حده شرحج مفصل بعد جبدي:ggdw:
بس يا ريت تقوليلي شلون يحطون بيضة عند كل مبيض?

حبتج العافية بعد روحي

وقت الي تكونين قاعده ومتجهزة للعقد , يحطون بيضة عند - المبيض - جوانب الرحم يعني وثاني يوم يفوحون البيض وتاكلينه إنتي وريلج

وعلى فكرة في ورد مجفف تحصلينه عند الحواي ينقعونه بماي ورد ووقت العقد تحطين ريلج فيه , وتسبحين فيه ثاني يوم العقد الصبح

والله يوفقج إلهي آمين

 

[انصار]

صارت قديمه فكره حوض سمج شوفيلج شي ثاني
وفي بيض الصعو يصبغونه الوان انا اذكر بملجه اختي من زمااااااااااااااااااان طبعا كان مسويته ذهبي

في فناتك وايد بس احنا اهلنا دايما اييبون وحده تسوي كل الشغل اذا تبين رقمها قوليلي
وساليها اذا للحين تسوي وله لا لانه خبري فيها قبل سنتين واهيا تكسر الالوان يعني مو كله اخضر

 

[dmoo3_el7ob]

الغالية ادا تبين انا صديقتي في الكويت شغلها يخبل ومب مكرر

ادا تحبين بطرشلج رقمها بس راسليني على الخاص