سفرتي لأرض الطبيعة ( نيوزلاندا )

[ظبية الامارات]

السلام عليكم ورحمة الله وبركاتهو :68_asmilies-com: شحالكم بنااااات ..

اليوم بعرض لكم مجموعة صور عن نــيوزلاندا ارض الطبيعة الخلابة والساحرة وارض المغامرات .. رغم سفري لوايد من الدول إلا ان نيوزلاند حبيتها وايد وايد يمكن لأنها بلد الانقى جو ف العالم او يمكن انها بلد الراحة والريلاكس .. شعبها رائع رائع وخدووم بشكل واللغة الانجليزية هي الاساسية بالاضافة إلى لغة السكان الاصلييين اللي يسمونهم المواري .. بعرض لكم تفاصيل السفرة كلها ف اجزاء ويارب اتعيشون الجو مثل ماانا عشته ..

بس بقولكم بنات ترى البلد مب بلد تسوق وشوبنق حسيتها اكثر لتغيير جو مع ريلاكس وراحة ..ويالله عاد عن المخاسير لاحقين عالاسواق ... نيوزلاند مشهورة بالكيوي ولما يقولون لج كيوي مايقصوون فيها الفاكهه
يقصدون فيها طائر الكيوي اللي يعيش فيها وهذي صورته ..

[/url][/IMG]




اول شي نزلنا اوكلاند وبتنا فيها ليلتين وكنا حاجزين في فندق اسمه skycity ماكان لين هناك بس موقعه حلو واستراتيجي ولاصق فيه التاور المشهور في اوكلاند اللي اسمه بعد skycity موجود فيه مطعم بوفيه اذا بتروحونه لازم تحجزون قبلها .. وهذي صور لاوكلاند وصورة البرج سكاي سيتي

[/url][/IMG]

[/url][/IMG]


وهنيه حجزنا لشبه جزيرة اسمها ديفن بود ورحناها عن طريق البحر وهاي صورتها .. الجزيرة حلوة ووايد استانسنا فيها وبعدين رجعنا اوكلاند

[/url][/IMG]

يتبــــــــع ​

​

 

[ظبية الامارات]

احنا كنا مأجرين سيارة ونافقيشن بس الصراحة مااستخدمناه لأن الشوارع سهلة واللافتات في كل مكان ووصلوها لنا لين الفندق .. كنا بنسير مدينة روتوروا تقريبا 3 ساعات من اوكلاند لي روتوروا وبنقعد فيها 4 ليالي والله يابنات من روعة الجو مااتحسين بالساعات إلا وصلنا ..وطول الدرب تشوفون هالمناظر والمراعي اللي ترعى واللون الاخضر المكتسح ..

[/url][/IMG]

[/url][/IMG]

[/url][/IMG]

[/url][/IMG]



كنا حاجزين في فندق اسمه the views وكان اسم على مسمى هو عبارة عن بيت فيه حرمة عيوز وبنتها اللي يخدمون والخدمه كلها خدمة فنادق وشغل عدل ومكانه فوق اليبل شوفو الصور واحكمو عليه

صورته البيت اللي سكنا فيه فوق اليبل .

[/url][/IMG]

هذي اليلسه اللي كنا نيلس فيها انا وريلي وتطل عالبحيرة والمراعي .

[/url][/IMG]

شوفو الخرفان وهي ترعى ..

[/url][/IMG]

[/url][/IMG]


شورايكم في الفندق والله بنات حسيت اني هايدي وريلي بيتر :dddds::dddds: وايد كنت عايشه اجواء رووعة وان شاء الله بنزل لكم صور اكثر عن المناطق اللي رحناها في روتورو وا



يتبــــــــع ​

 

[ظبية الامارات]

والحين بروايكم الاماكن السياحية اللي رحناها وروتوروا فيها وايد اماكن حلوة وسياحية والسيتي سنتر مالها يجنن صغير وحلو .. انا موحافظة اسامي بعض الاماكن لأن بصراحة اغلبها مسميات ترجع للغة المواري وهم السكان الاصليين للنيوزلاند وشوي صعبه ف النطق وفي منها اسامي بالانجليزي ..

هذا المتحف وااايد حلو ان عن نفسي احب زيارة المتاحف واستمتع فيها وايد واحب اشوف واتعرف على حضارات الشعوب الاخرى موكبير وايد بس وايد ممتع

[/url][/IMG]

المهم رحنا هالمكان وفيه يعرضون لج حضارة الشعب الاصلي لسكان نيوزلاند وهم المواري حلو المكان واستمتعنا وكلنا ذره كانو طابخينها بالطريقة البدائية المواري تقريبا هم نفس الهنود الحمر من طريقة لبسهم وتصرفاتهم .. هاي الصور

[/url][/IMG]

[/url][/IMG]

[/url][/IMG]

وهالمكان اسمه شيب شو عرض للحيوانات والخرفان والكلاب والبقر حلو اليهال بيكيفوون عليه اكثر من الكبار وبعد مايخلص العرض تركبون قطارات مفتوحه اتوريكم المزرعة كلها اسمها فارم شو وتنزلون منها بعدها اتأكلون الحيوانات وتشوفون الخرفان والبقر والعزلان بس انا كنت ميته من الخوف ريلي كيف واستانس وقعد يأكل الحيوانات بس كان الجو روعة والحيوانات ترى مهدووده بس ماتتحرش في حد .. حتى حيواناتهم مؤدبة :dddds:

[/url][/IMG]

[/url][/IMG]

[/url][/IMG]​

يتـــبع​

 

[CuTiE PiE]

مشكوره حبيبتى ظبيه الامارات على الصور الحلوه انا ولد اختى يدرس بنيوزلاندا ويقول الطبيعه عندهم شى خيال وماشاء الله تبارك الله الطبيعه واضحه من صورك..............

 

[ظبية الامارات]

CuTiE PiE : مشكوره فديتج عالرد الصور غير عن الشوف صدقيني جنة الله على الارض حبيتها بشكل مااتخيلينه مع اني عايشه حاليا ف استراليا بس مااتي شي عند نيوزلاند ..

 

[ضحية زمن]

روووووووووووووووووعة
يسلمووووووووووو

 

[ظبية الامارات]

:68_asmilies-com: الحين راح تشوفون صور الطبيعة تحت الارض وهي عبارة عن براكين وطين والدخان اللي يطلع من تحت الارض في مكااان مفتووح وسبحان الله اتشووفون فهالمكان ابداع الخالق وقدرته وطبعا كل شي من صنع الخالق مافي اي اضافات صناعية ...

[/url][/IMG]

[/url][/IMG]

[/url][/IMG]

[/url][/IMG]

[/url][/IMG]

شوفي الطين كيف يغلي من تحت الارض .. سبحااان الله على فكرة نيوزلاند طلعت مشهوره بالطين والعسل ونوع من العسل اسمه مونوكا هوني وهو يستخدم للعلاج ولعلاج الاصابات او قرصات الحشرات وهو ان اتحطين اشوي منه عالجرح ..

[/url][/IMG]


وهذا المكان في هالصور اسمه قايزر .. ويبعد عن مكان الصور اللي فوق تقريبا اقل من ربع ساعة .وهذا هوالعرض ... وصار معلم سياحي لأن له قصه في انفجار البير ..

[/url][/IMG]

صورته بعد الانفجار ..

[/url][/IMG]​

 

[bnt_7waa]

سبحان الله خوش طبيعه


لي رجعه

ومشكوره عل الصور

 

[ظبية الامارات]

بعد ماخلصنا من مدينة روتوروا اتجهنا للمطار وركبنا طيارة لمدينة كوينس تاون هي منطقة جبلية عكس روتوروا .. حلوة وصغيرة واستانسنا فيها وايد ولايفوتكم المكان السياحي اللي اسمه اب سولوت ووتر فرونت هناك ف المكان بتحصلون كل شي تقريبا الاسواق المفتوحه بس بطريقه حلوة والمطاعم بأنواعها وغير التمشي واللي يحب المغامرات موجوووده بكثرة وفي السفينه البخارية اللي تعمل بالفحم وفيها كوفي صغير وفي كوفي او مقهى الثلج رهيب دخلناه واسمه ( ماينس فايف ) وفيه يقدمون لكم فيه مشرووب بارد ف قلاصات من ثلج ..

[/url][/IMG]

[/url][/IMG]

[/url][/IMG]

[/url][/IMG]

[/url][/IMG]

[/url][/IMG]


صور للباخرة من داخل ..

[/url][/IMG]

[/url][/IMG]

عازف البيانو ..

[/url][/IMG]

يــــتبع ​

 

[ظبية الامارات]

صور لمقهى الثلج ( ماينس فايف ) لورحتو هناك اسألو عنه

وهذي صور مزرعة الكرز ياويلي على لذته وطبعا انتو اللي تقطفوونه..

[/url][/IMG]

[/url][/IMG]

[/url][/IMG]

[/url][/IMG]​

وبعد ماخلصنا من كوينس تاون وعقدنا فيها 4 ليالي طرنا لمدينة كرايس جارج مدينة حلوة وصغيرة ويلسنا فيها ليلة وحده بس وزرنا فيها بعض المتاحف ورحنا عالسيتي سنتر مالهم ..

وتم بحمد الله من نيوزلاند اللي صج صج اتحفتنا بالطبيعة الخلاابة وغيرت نفسيتنا ومعروف عنها ان جوهاانقى جو في العالم .. ولاتفوتكم بالنسبة لأنسب وقت لزيارتها هو شهر من 12 إلى 4 لأن الجو يكون حلو ورائع وماتنفع تزورونها في الصيف لأن يكون عندهم شتا والبرد يكون قارص ومابتستمتعون ..​

 

[ظبية الامارات]

مشكورات بنات عالردوود

 

[ظبية الامارات]

بنات وين الردوود شو ماعيبتكم نيوزلاندا وإلا الصور مب شي ,,,​

 

[نــور1]

حسااااااااااافة قلتي برد في الصيف ضاق خلقي كنت متحمسة ازورهاااااااااااااااااا

الله يتمم عليكم وناستكم هااايدي (ظبية الامارات ) ماشاء الله خوش صور وخوش رحلة

 

[TWEETY]

الله يهنيكم.....تهبل المنطقة خياليييييية....:ggdw:
مشكورة عالصور..:tek:

 

[سعوودية]

مشالله الله يهينكم يارب


تهبل والصور حلوة مووت


والطبيعه خيال يارب اروحهاا

 

[ظبية الامارات]

مشكورات حبيباتي عطرتوو صفحتي بردودكم الحلوة ..

 

[Hello_kitty]

مشكوره يعطيج العافيه خوش صور

وان شالله بحط نيوزلاندا من ضمن الدول اللي بزورها قريبا ان شالله

 

[طوق البنفسج]

روووعه كان ودي ازورها بس الحين تشجعت وااايد

و الاهم انه مافيها عرب كلش

 

[katko0ota]

مشكوره حبوبه على الصور الروعه

الصراحه انا كنت ناويه اروح هالصيف بس هونت بس بروح استراليا

 

[أمانيQ8]

رووووووووووووووووووووووووووووووعه فديت روحج ..تسلم ايدج