سفرتي لماليزيا

[عروقي سعودية]

مرحبا بنات


اشفيكم محد يرد علي


ابي اسال اشرايكم بفندق استانا او رويال بينج؟

ضروري وبسرعه

 

[Hello_kitty]

اذا تقصدين رويال بارك في بيننغ عجيب وحلو احلى شي موقعه بوسط السوق الليلي انصحج فيه

والأحلى والأروع منه فندق هارد روك في بيننغ توهم فاتحينه شهر تسعه والله العظيم خيال احلى فندق استانسنا فيه

يديد ويلق من النظافه وموقعه يهبل عند السوق الليلي خذينا سويت بطل على البحر

واذا خذيتي سويت ما تتريقين مع كل نزلاء الفندق لا تتريقين بدورvip دور بوفيه ريوق كامل ومافيه الا جم طاوله

واحيانا ماكو احد الا احنا وحمامات السباحه مالتهم تهبل تهبل تهبل

وجدام الفندق انشطه الحريه جت سيكي بنانا برشوت حصان كل شي

جد لا بطووووووووفج

 

[عروقي سعودية]

ياقلبي انا اقصد الي في كولامبور؟؟؟

 

[Hello_kitty]

حبيبتي اذا تقصدين كوالمبوووووووور لا تفكرين غير بجراند ميلنيوم بدوووون مناااااازع

كافي بس موقعه بوسط شارع العرب يمج يمكن 6 مجمعات كل شي يمج حتى ما تحتاجين تاكسي

 

[raq6a]

هلا حبوبه

انا كنت ساكنة فيه 3 مرات ( رويال بنتج ) حلو ونظيف مكانه حيل قريب وكلشي يمه وما ارتاح الا فيه لأن انا ما اقعد بالفندق الا حق النوم ​

 

[حـلا و ذوق]

الاستانا سكنت فيه بس ليله وحدة

سعره رخيص وهو 5 نجوم بس اثاث الغرف قديم واللوبي فخم

بس ماعجبتني معاملتهم ابدددد .. ولا المسؤل بعدد

والموقع ماحوله شي يعني لازم تمشين حق شارع العرب ولو ان المسافة مو بعيدة بس ما انصح به بعد ,,

رويال بنتج ماعرفه !!

ارشح لج الملينيووووم 10 على 10


هذا اللي سكنته وكل شي يمج .. وعرفة حلوة .. ونظيف


لو تبين فندق يكون مقارب لسعر الاستانا عندج فندق ميليا اختي سكنت فيه مرة وخذت الغرفة اللي بالانترنت مو العادية .. على الاقل هذا قباله مجمع التايم سكوير حلو وو .. ويساره مجمع ثاني ومسافة المشي منه لين شارع العرب مثل مسافة المشي من الاستانا لشارع العرب ..

ورحلة موفقة اختي

 

[كدكد]

الفندق حلو ونظيف وموجود في اول شارع السوق وكل شئ حواليج

رحله ممتعه ... بجد ماليزيا تجنن

 

[مدهشه]

حبيبتي اذا تقصدين كوالمبوووووووور لا تفكرين غير بجراند ميلنيوم بدوووون مناااااازع

كافي بس موقعه بوسط شارع العرب يمج يمكن 6 مجمعات كل شي يمج حتى ما تحتاجين تاكسي

الله يهنيج على الاخيار وعليج بالعافيه:tek:

 

[بنت أبوه]

أنا نفسج متوهقه بس عن ناس ثقه رويال بينتانج بشرع العرب صح اربع نجوم بس والله على كلام رفيجتى روعه وتروح للمجمعات ماشى دشى على موقع اسمه دليل ماليزيا سياحي وشوفى اسعار الغرف فيه وصورهم انا اعن نفسى بحجز بسالج على اي طيران حجزه سفريات نصحنا بالقطريه شريكم بنات وتسلمون يا احلا منتدى

 

["*آآآنؤؤؤقهـ*"]

استانااا حلووو انا ساكنه فييه يمي يمي بوفيهم يجنن

وانصحج في فندق امبيانااااااااااااااااااا يمج بيت التموين الكويتي

 

[fat]

ياليت تقولين لي بجم غرفة الفندق جراند ميلنيوم

 

[*وردة نرجيسية*]

اب اب جم سعر غرفة الفندق جراند ميلنيوم