سفريات المستقبل-باريس وحنيف

[عمة فهودي]

مرحبا شلونكم ؟؟

بنات انا ابي مساعدتكم اذا ما عليكم امر

انا بسافر مع سفريات المستقبل

شرايكم في السفريات هذي اول مره بصراحه اروح معاهم

واذا في وحده مسافره معاهم من قبل يا ليت تقولون لي

انا بسافر تاريخ 26-7

رحله باريس وجنيف

وعلى الخطوط القطريه

وانا سمعت ان الخطوط القطريه وايد زينه
وشرايكم بفندق كونكورد لافايت في باريس وفندق اتوال في جنيف


اللي مسافره بالرحله هذي يا ليت تقولي واللي مسافره من قبل تقولي شرايها في باريس وجنيف

وبكون شاكرتلكم من كل قلبي وخصوصا هذي اول مشاركه لي

تحياتي لكم خواتي العزيزات​

​

 

[remoo_007]

هلا وغلا انا رحت باريس وكنت ساكنه لي ميرديان اتوال واهوا مجابل بل الضبط كونكورد لافييت انا رحت حق سوقه لان اهوا مو بس فندق بل الطوابق الي تحت فيه سوق ومحلات مو اي شي ماركات والصراحه اهوا مكانه عن الشانز شوي بعيد يعني تمشين 6 او 7 دقايق توصلين قوس النصر وبعدها 9 او 10 دقايق هم مشي الا انت بوسط اللشانز يعني مشي بووو 15 دقيقه بس الي معانا بل القروب ماعجبهم حجز السفريات لي ميرديان اتوال لان تكرمين حمامتهم عجيييبه!!! فا حولووو على كونكورد لافيت وارتاحووو

 

[remoo_007]

طبعا باريس لويه لويه يعني ماراح تملين ابدا وكلا عرب جنج بدوله عربيه ههههههه

 

[عمة فهودي]

يا هلا فيج اختي ..يا بعد جبدي والله...تسلمين ومشكوره فدييتج...ما قصرتي ريحتيني عسى ربي يريحج

 

[LeeN]

السلام عليكم بغبت اسأل اللى حاجزين على هذه الرحله اكتمل عدد القروب ولالأ ومنو القايد وشنو الرحلات حق جنيف

 

[عمة فهودي]

هلا ليين وعليكم السلام
الرحله والله ما ادري اذا اكتمل العدد الي فيها او لاء.. بس ترا انا توني مسجله فيها ولما سالناه اكتمل العدد قال لا بعد فيه
بس القروب ماراح يتكنسل لان اهما لو 20 شخص بسافرون يعني الرحله مسافره مسافره واذا تبين تروحين حياج الله وحاولي تستعجلين بالحجز
اما القايد للاسف والله ما ادري منو

وبعطيج الحين الرحلات حق جنيف على حسب ما قالولي

اول يوم : يوم حر لاكستكشاف المدينه
ثاني يوم: رحله الى جبل الثلج
ثالث يوم: يوم ح وتسوق
رابع يوم: رحله الى مونترو-لوزان
خامس وسادس يوم بيكون يوم حر للتسوق

وتحياتي لج

 

[LeeN]

يعطيج العافيه عمة فهودى وجزاج الله خيرا

 

[عمة فهودي]

الله يعافيج يارب ويزانا ويزاج يارب

 

[عمة فهودي]

اختي لين حبيت اقولج ان اسم القايد حق الرحله

( وليد راشد)

بس والله ما ادري اذا زين او لاء

بس اللي حجزنا منه يمدحه ويقول انه اهوا اساسا مسافر وعقب باجر يرجع

اتمنى اني افدتج

تحياتي

 

[LeeN]

ماقصرتي عمة فهودى على الأفادهومشكوره

 

[عمة فهودي]

العفو اختي العزيزه افا عليج ما سويت شي

تستاهلين فديتج

 

[al5aldee]

قووووووووووه عمة فهوووووودي انا انشاله بسافر باريس وجنيف مع قروبات المستقبل انا وريلي تاريخ 26/7