سقطت وانا خريجه شسوي

[jnan]

السلام عليكم

بنات انا خريجه صيفي :eh_s(2):

وسقطت بمادة الحين شسوي :eh_s(16):

 

[jnan]

ما خليت شي ما كسرته حدي مقهورة خرب وناستي

 

[honey lust]

شتسوين بعد هذا اللي الله كاتبه الحمدالله على كل حال

عيديها كورس اول و حاولي تاخذينها بوقت متاخر عشان تشبعين نوم

 

[jnan]

المصيبه نفس الدكتور منزل المقرر بوقت مو شي

 

[honey lust]

الساعه جم؟

 

[ام عفاف الكويت]

الله يهديهم يدرون خريجه ؟
ليش جذي

 

[يالبيه 17]

حسبي الله ونعم الوكيل فيهم

ماعليه حبيبتي الله كاتبه الله يوفقج ويعوضج يارب

 

[طوووطه]

حبيبتي والدكتور ماكلمتيه قلتي انا خريجه علي هالماده صج مافيه خير هالدكتور
واي يقهروني اللي جذي خل يمشون عاد خلاص خريجه
ماعليه حبيبتي داومي الكورس الجاي واعتبريها اجر ان شاء الله

 

[صآعده تحت}..]

خيره ان شاء الله

ماتدرين الخيره فيما اختاره الله

 

[بنت عطا]

الله يعوضج يااارب

 

[لذة شقاوه]

حبيبتي روحي كلمي الدكتور يمكن يساعدج انا اخوي مره الدكتور منزله حيل وراح كلم الدكتور ورفعه حيل مشاءلله
او انج تاخذينها بالكورس الاول بس لازم مع مواد ما يصير ماده بروحها وخيره ان شاءلله والله يوفقج يارب وصج هالدكتور نحيييس

 

[Miss.Piano]

لاحول ولا قوة الا بالله !!

هالدكااترة مذلللللة

الله يلعن كل ظالم >> لوول حدي منقهرة



اهو حل من الأثنين


1- روحي كلمي الدكتور قوليله ترى انا خريجة ... و سمعيه جم كلمة يفكر فيهم
من هالجمل مثلا : الله يوفقك دكتور .. لا توقف مصيري > كلام مسلسلات خليجية خخخخ

2- و اذا ما رضى "لا سمح الله" تضطرين تعيدين المادة بالكورس الاول و لا حول لج ولا قوة !! شتسوين بعد ؟!


الله يعينج حبوبة والله حاسة فيج ! عسى الله يعينج

 

[أم حمد =)]

الله يعينج ياقلبي خيره

 

[الزين 85]

حسبي الله على كل ظالم مايقدر ظروف الطلبه

 

[الأميرة جوري]

واي ليش جذيه وانتى خريجه الله يسامحه فعلا شيء يقهر ...حاولي تكلمينه او بعد شسوين لازم تاخذينها

 

[أحلى البشر]

امبي قهر ليش جذي انتي مادرستي عدل ؟
زين كلميه انشالله ينجحج اوف منه