سكان مبارك الكبير تعالوا علموني

[حيوته]

صبحكم الله بالخير ومساكم بالهنا

خواتي حبيباتي انا توني ساكنة مبارك الكبير أبي أتعرف على المنطقة أكثر يعني قالولي عندهم 4 جمعيات كبار والمستوصف مادري وينه والخياط (نساء) الي بالجمعيه زين ولا لا ؟ والصالون مال الجمعيه اشلونه ويعني دلوني على بعض الشغلات ويعطيكم الف الف الف عافيه

 

[tolay]

جمعيه رقم 4 توها فاتحها يعني محد يعرف عنها اي شي

عندج جمعيه رقم 3 اقرب شي حق مبارك الكبير

خياطهم وايد زين وانا متعوده عليه ... وعندج صالون الاطفال ون تو تن زييين

والجمعيه حلوووه وفوق فيها النصر وسناء ومكتبه ومحلات مكياج

بس صالون الحريم مال جمعية رقم 3 موشي وايد غالي واغلى من اي صالون عادي وماأرتاح حق اللي يشتغلون فيه احس نفسيتهم موشي

روحي صالون جمعية رقم 2 بالقصور ... احسن

 

[ألماس q8]

نفس كلام اللي فوقي بالظبط

اصلا جمعية رقم 4 توهم ما فتحوها ألحين بس حاطين منتجات رمضان

وبخصوص الجمعيات 1 و2 و3 كلهم حلوين وكبااار كل شي فيهم

انتي اخذي جوله في المناطق اللي حول مبارك الكبير

وبخصوص الخياطين في بجمعيه 3 واااجد شاطر وفي بمبارك الكبير بين البيوت هندي شاااطر ويخلص شغلج بسرعه بقطعه 4

وووبس اي سؤال ثاني انا حاضره

 

[وجدان الكويت]

انا مو ساكنة مبارك الكبير

بس اختي هناك وبنت اختي تاخذني لخياط عندكم اذا كنت بسوي بدلات وقمصان قصتة رووووعة وشغلة اينن

اهو بفرع جمعية بنت اختي تسميه فرع الرملاوي ويمة بالضبط روضة بس مادري شسمهاا

 

[reem.q8]

انا بيت خالتي اهناك وانا اغلب الاوقات عندهم
وايد اروح صالون جمعيه رقم 2 روحيله وايد حلو شغلهم
والجمعيات كلهم زينين بس احسسن شي جمعيه رقم 2 روحي لهااا لان مافيها شباب الصراحه
اما جمعيه رقم 3 وايد شباب فيها =/

 

[زهرااا]

في الغانم داخل جمعيتهم مادري اي وحده

 

[bnt_7waa]

فتحو الجمعيه اليديده يوم الثلاثه الي طاااف

الي تكون عند بنك التمويل طريج الغوووص اذا ماخاب ظني

 

[حيوته]

الله يعطيكم الف عافيه حبيباتي

أختي تولاي رايتج بيضه ما قصرتي بيض الله ويهج ويارب يرزقج بالي تبينه ، بس شنو قصدج جمعية رقم 3 و 4 يعني بقطعه 3 وبقطعة 4 ؟؟

الماس يعطيج الف عافيه حبيبتي هم انتي ماقصرتي الله يعطيج كل الي بخاطرج يارب بس ياريت تقوليلي اي شارع الخياط الي بقطعه 4 ؟؟

وجدان حبيبتي مو بس تزورين اختج حياج عندي بعد :dddds: يعطيج العافيه حبيبتي والله يرزقج بولد الحلال يارب اذا كنتي مو متزوجه وبالذرية الصالحة وكل الي تبينه ..

ريم حياج ويا وجدان عندي يمكن اكون يم بيت خالتج :eh_s(6): الله يعطيج العافيه على الرد ومشكورة على التنبيه ما قصرتي رحم الله والدينج ورزقج ربي بالي تبينه يارب ..

هلا زهرا مشكورة على الرد الله يعطيج العافيه ويبلغج الي تبينه يارب ..

بنت حوا مشكورة على المعلومة ما قصرتي يطيج العافيه يارب ..

 

[tolay]

منطقه القرين فيها اربع جمعيات


والقرين تنقسم الى اربع اقسام


اول اسم العدان : اسمها جمعية رقم 1

الثانيه منطقه القصور : جمعيه رقم 2

الثالثه القرين نفسها : جمعيه رقم 3

الرابعه مبارك الكبير : جمعية رقم 4


مشكله القرين تضيع حق اليدد بس ان شاءالله ادلينها بسرعه


وانتي سألي ماتضيعين

 

[حيوته]

الله يعطج العافيه حبيبتي ما قصرتي عساج على القوه

 

[UMSAROON]

انا خبري ابصالون جمعيه رقم ٢ زين بس هذا من جم سنه

 

[حيوته]

شكرا ام سارونة الله يخليها لج يارب

انزين بغيت اسال في شركة مطاحن الدقيق بمبارك الكبير ؟؟؟؟
وفي خباز ايراني عندنا بالمنطقة ابي الخباز نفسه ايراني مو افغاني لان الخبز الايراني ما يكن اصلي الا لمن يكون الخباز نفسه ايراني
وياريت اخت الماس ترد علي خياط ق 4 بأي شارع ؟؟؟
ويعطيكم العافيه كللللللللللكم

 

[Judy abbott]

جمعيه القرين رقم 3 قريبه عليكم وفيها صالون حريم وصالون اطفال وحلاق ريايل

وانا احب شغل صالون جمعيه رقم 2 معنى زحمه شوي

امم والجمعيه رقم 3 فيها بعد خياط وفيها الكترونات الغانم زدليس وسابليه والرفاعي ومطعم الخالديه والمستوصف يصير تقريبا جبال مدرسه الصبيان الثانويه

وانشاءالله اكون فدتج

 

[حيوته]

مشكورة جودي ما قصرتي الله يعطيج العافيه ياااااااااااااااااارب

 

[حيوته]

خواتي ما رديتوا علي
في شركة مطاحن الدقيق بمبارك الكبير ؟؟؟؟
وفي خباز ايراني عندنا بالمنطقة ابي الخباز نفسه ايراني مو افغاني لان الخبز الايراني ما يكون اصلي الا لمن يكون الخباز نفسه ايراني
وياريت اخت الماس ترد علي خياط ق 4 بأي شارع ؟؟؟