سكني مع حمولتي ارجو من الجميع الدخول والمساعده

[برنسيسه عسل]

بسم الله الرحمن الرحيم
السلام عليكم ورحمة الله وبركاته
هذا اول موضوع لي في منتدى كويتيات
اختكم سعوديه لكن شدتني روعة هالمنتدى ووالله حسيته كأنه كنز نفعني باشياء كثير
الله يجزاكم خير

.
.

الحكايه ومافيها انا زواجي ماكمل سنه
من ضمن الشروط ( بيت خاص )
لكن , ماحطو لي بيت
سكنني مع اهله
المدخل واحد والحوش واحد والمطبخ واحد حتى خط التيلفون واحد
وانا مثلي مثل اي وحده ودي يكون لي بيت الحالي
لو غرفه وصاله ومطبخ والله راضيه

اهل زوجي الحمد الله رب العالمين ناس بالمره محترمين وماشفت منهم شئ
لكن ودي بالاستقلاليه
البس على كيفي اطلع على كيفي اطبخ واكل على كيفي انام على كيفي

والله غالبية ملابسي ماقدر البسها زي البيجامات او البنطلونات او القصير
عشان اخوانه في البيت وانا اتغطى منهم :eh_s(11):

حتى عزايم ماقدر اعزم واهلي مايقدرون يجونني لان المجالس مجالس اهله
ولو جو اهلي موب ماخذين راحتهم

انا ماودي اجازي احترامهم لي باللسان الطويل والهواش طلعوني وياللي وياللي ......والخ

ودي اطلع بدون ما اجرحهم وبدون ما احرج نفسي معهم

ابي افكار جهنميه فتااااااااااااااكه :rerrerek:


والاهم من هذا كله ابي دعوه اني استقل ببيت خاص لي برضا زوجي وبدون مشاكل


وتحياتي لكم :eh_s(17):

 

[ElN00R]

شوفي اول الزواج الاغلبيه عند الاهل تحملي شوي بس لا تطولين عن هذي السنه باجر تيبين عيال وتحتشرين
من حقج بيت خاص والاهم انج طللبتي من شروط زواجكم
الحل الحين على رواقه تفتحين له الموضوع والتركيز يكون عليج من نفسج مو ماخذه راحتج مو لان وجودهم مزعجج او تحطين في اهله اي عيب

 

[محتاره بدنيتي]

والله حبيبتي ماعندي فكره بس ذكري ريلج ان وعدج بهالشي وقوليلا هذا حقي ابي ارتاح في بيتي بس بعد قوليله ان اهلا على عينج وراسج وتحبينهم وتعزينهم بس تبين تاخذين راحتج
وان شاء الله البنات افيدونج

 

[حرم_الغلا]

معــاج حق الوحده أدور الراحه.. وأنتي جزاج الله خير مدحتي أهله ومعدنهم طيب وماتبين تخسرينهم..
قوليله أبي صاله ومطبخ بروحي << يعني يوسع بالبيت إذا ماعنده يشتري..

وأول وتــالي .. الــدنيـاا عبـــر..​

 

[موتو قهر مني]

حبيبتي ما يخاالف تحملي جم سنه ليما ربج يفرجها ومداام حمولتج زينين الحمدالله
وانشالله الله يحقق لج إلي تمنينه

 

[جنون الغيم]

وانا بعد نفس الوضع ومو متعودين احد من ربعهم يطلعون عيالهم عشان كذا لو قلت شيء طلعت بالشينه وناكره جميل بعينهم
بس انا ماشرطت بيت لي وهذا اكثر شيء ندمت عليه
حسبنا الله سيؤتينا الله من فضله
الله يرزقني ويرزقك وكل وحده تحلم ب الاستقلاليه

 

[دلوعه ززوجي]

عادي أنا عايشه بيت حمولتي وماخذه راحتي بكل شي خالي زوجج يبني مطبخ حقك ويوسع شقتج اذا ضيقه. اذا رفض قولي عشان أخذ راحتي بطبخ وسويلك آكلات حلوه من يدي واطلعي وتعالي ع كيفك. واذا عن الابس الابسي بشقتج محد بينط عليك وخلصه السالفه ليش تكبرون الموضوع

 

[غرام القمة]

مثل ماقالوا البنات

 

[قسي قلبك تعيش]

عادي انا اول غرفه 3ب3 والحمدالله البس كل شي فيها لين الله فرجها ووسع علينا

 

[دلوعة صلوح]

دام زينين معاج حمدى ربج عالاقل ماطلعوو قشران .

 

[njoom1]

هذي مشكلتي بس انا مالي امل اطلع الا لمن اخوه الكبير يطلع بيته ... واي متي عاد بعد ٥ -٦ سنيين !!!!!
اف لاعت جبدي شقتي غرفه وصاله مطبخ وحمام عزكم الله وانا عندي عيال
ااااااه
الله كريم الله يفرجها علينا

 

[popa]

الحل تقنعينه واهو يكلم اهله ويكون بالمرصاد ويحاول يقنعهم

 

[om.googi]

شلون شارطة وقعدتي فبيتهم !!!!

قوليله بويهة وبدون زعل وهذا حق مكتوب وشارطته بس انت طوفته وانا طوفته معاك سنة بس بعد السنة ماقدر اتحمل سنة ثانية ابي .... ( وقوليلة عن متطلباتج ) وان اللي ما ياخذ راحته بالبيت ياخذها وين بالمجمعات !​

 

[اميره1980]

صبري حبيبتي لحد ان شاء الله ربي يرزقج بياهل و يكون هذا عذرج بالطلعة و السكن المستقل و ان شقتكم اصغرت عليكم و تبين بيت اوسع حق غرفة الياهل و الخدامة

 

[G!RLooNa]

اللي اوله شرط اخره نور و هذا كان شرطج من الاول مو فجأه قررتي تطلعين شقه بروحج

 

[حبيبي مالكني]

انتي الغلطانه مدام شرطج كان سكن مستقل ليش رضيتي تسكنين مع هله

 

[english muffin]

جوفي حبيبتي
انتي توج متزوجة من سنة وقلتيها بلسانج اهله زينين معاج الحمدلله ماشاء الله ومايأذونج
اهو اكيد يتذكر الشرط واكيد حاط بباله
بس صبري عليه
او شرايج تقترحين عليه مثلا يكبر الحجرة ويسوي لج مثل شقة صغيرة فوق او مايصير مافي مكان ؟؟

 

[فله]

اذا لقيتي حل قوليلي
تعبت

 

[مذهــلــه]

ليش طنشتي من الاول غلطتي والله

بس يالله الواحد مايبي يخرب على نفسه دام الريال واهله زينين

حاول تصبرين بس يصير عندكم بيبي ومن حقج وقتها تطلعين والله انا شقه بروحي بس معاهم في البيت ولايعه جبدي اشلون انتي الله يكون بعونج

 

[((غلاي))]

شوفي ابدي بموضوه ثاني
لاتقولين انا كنت شارطه اطلع بروحي
لا
قولي انا مالي الا الغرفه هذي
ابي اتوسع
ابي صاله و مطبخ
و شوفي يقدر ياخذ من البيت و يوسع لج او لا
قوليله اشتهي اطبخ او اسوي اكله
راح يقولج اطبخي تحت
قولي لا ما اخذ راحتي و اخوانك و اهلك
و استحييييييييييييييي
و ان شاء الله يوافق لو اتوسعين على الاقل
لان اذا انتي شارطه بيت من الاول و لا سكنتي بره معناته صعبه حيل الطلعه و زوجج مايقدر
ما عليه دام اهله ناس زينه و هو زين
على الاقل قوليله وسع شقتي
و الله يفرجها ان شاء الله