سكوتنا خلاهم اتمادون...لازم ناخذ موقف ...تعالي سجلي موقف

[laura mercier]

السلام عليكم ورحمة الله وبركاته....









بنات الكويت قضيتي اليوم تهم كل سيده كويتيه وتهم كل بنت كويتيه لان مردها بتزوج وبتشوف الي شفناه انا وغيري...بس
في حالة اتخاذنا لموقف انا متأكده ان انتي يا البنت الي مو متزوجه ...زواجك المستقبلي بأذن الله بااااااااااهر...اشلون؟



بنات لي متى اسعار البيوت اسعار جنونيه !!! لا لا يقصون عليكم ويقولون العقار بينزل لالالالا الي بينزل والنواب احلفون حلف برب العزه عليه هو العقار الا ستثماري !! اي وانا متأكده من كلامي...

سألت دلال عقارات قلت له ليش الاسعار نار تدرون اش رد علي ؟؟؟؟؟؟؟؟؟؟؟؟؟؟؟؟؟

قالي اختي طول مافي عرض وفي طلب ومشتري يدفع ليش ينزل سعر العقااار؟؟؟؟؟



ترا كلامه صح الا في حاله وحده على حد قوله اذا الناس حطت فلوسها بالتجوري وقالو محنا شاريين العقار بينزل غصبن على الي مو راضي !!!:ggdw:


فيا أخواتي بما اني عضو من زمان ومتابعه من 2005 لمنتدى كويتيات اقولكم كل سالفه بهالمنتدى لها مؤيدين او معارضين
لها صدى خارج المنتدى في المجتمع الكويتي خاصة...

لي متى المرأه الكويتيه تعلني >>>>لان الريال مايهمه انا عارفه ليمتا تعاني المراه الكويتيه هذه الهموم :

1- بيت الحموله :شرهم اكثر من خيرهم ...

2- قلة المواقف عند بيت الحموله وسفطت السياره بالشمس!!

3_تعلم اطفالها اشياء سلبيه من اعيال العم او العمه ...الا من رحم ربي...

4-لا تضحكوون يعني اذا بتسوي رجيم لازم الكل يدريعند حمولتها واذا رات نادي بيدرون الا اذا تعاملت مع كل شي بسرية تامه >>استخبارات مو بيت حموله ههههه

5- يا خواتي بتهاوش مع زوجها ...بتهاوش مع احد اصيرلها بالتلفون طبعا بيعلى صوتها ...لازم الحموله بيسمعونها!!

6_ زوجة الحمى وما ادراك مازوجة الحمى <<<الا من رحم ربي

7-بتشتري غرض بتطلب عشا من بره ...بتييب لها وحده تحف...>>>لازم تروح بيت اهلها؟؟

8_تبي تحط تفافيخ وورد وحركات وموسيقى رومانسيه >>>في بيت الحموله لايمكن حق العين تحت مقولة"يابختها"

9- الملابس الشتويه والسهره والحمل والبوتات و و و الخ بكراتين وشنط السفر فوق الكبت!!!

10 _ كل كفراتها مخنزتهم بجنطة سفر ... اعيالها نا يمين فوق بعض...خدمهم اتهاوشون مع خدمها.....الخ

في حالة المرأه الكويتيه الي ساكنه بأجار معاناتها اليوميه :

1- الخروج من البيت مبكر جدا جدا قبل شروق الشمس لذهاب الى العمل لانها ساكنه بعيد عشان الاجار ارخص !!

2- محرومه من السفر نهائيا عشان الفلوس رايحه على الاجار والبانزين والموبايل !!

3- مضطره اعيالها يدرسون في مدارس حكوميه ...عشان الاجااااار !!

4-محرومه من تغيير صبغة غرفتها او تغيير حمامها او اثاثها لان الريال والاهل والجتمع بقولولها "من صجك انت بأجار
مو في بيتك تعدلين وتسنعين" !!

5-ما تكثر العيال لان ماكو مكان !!! ويضيع العمر تنطر...:krkrkr:

6-ما تقدر تعزم احد عندها لان سكنها افشل ما يتوايه >>الا من رحم ربي...

7-ماتقدر تعلي صوتها لان يارها ريال غريب ومضطره بالدخله وبالطلعه تشوفه يعني ذنوب رايح جاي !!!:balo:

8_مضره تعاني من دعالة مالك العقار على ما يكلم شركة التكييف عشان تصلح السنترال الخربااااان !!!:eh_s(13):

9-كل مرة تطلب من المطعم ادور الي اوصل على كل الشقيق الي في البيت نفسه عشان يوصلها مع انها مأكده عليه اي دور ورقم الشقه ...طبعا تتعشى ونفس الناس بأكلها...!!!:0bee2e8d89:

10 _ ترجع من دوامها هلكانه من طول المسافه والشمس الحارقه تلقى احد من ضيوف جيرانها صافط بموقفها!!!:bbbiu:


أظن كفايه وما خفي كان أعظم ...كل هالاشياء كفيله بأن تخلي المرأه الكويتيه امبوزه واتحلطم ومالها خلق ريلها !!
طبعا انا ما تطرق لاشياء 5 تسويها المرأه الكويتيه بشكل يومي:
1- تدريس أبناءها...!!

2- موعد طبيب لاحد اباءها او الخدامه !!:jumpon:

3- الجمعيه:lkmnkl:

4- المصبغه و الخباز والمكتبه ..:ada:

5-تسهر تنطر أبو الشباب ...!!:eh_s(16):








بنات لازم احنا نساعد احنا <<<<<< من الي فيني قلبت هندي هههههه:dddds:

لازم ناخذ موقف البيت هو الاساس ...نبي نقاطع سوق العقار عشان احسون بمعاناتنا...:eh_s(1):

والله نقدر احنا اذا بغينا سوينا...الشباب قاعد اضيع والتجاعيد بلشت من الثلاثين ...والشيب عاد حدث ولا حرج ...

وطبعا الرياييل طااااااااااااااف حتى لو بيطلع له شيب بصير عليه "وقار"<<<< مالت بس مالت ...:ch12:





منو يبي ينضم لهذه الحمله لعل وعسى أحد النواب او الوزراء اشوفها وانا متأكده بشوفها " متفائله "...المكرفون معاكم:68_asmilies-com:

 

[بطاط مهروس]

والله يسلم هذا الحلج ........... كلامج عدل والله \والمصيبة الريل مكبر المخدة بعد
والدنيا نار وتحترق ,,,, واحنا نحترق معاها
الاسعار نار ما نقدر نشترى شى الا وخلص الراتب ..........
والحل شنو ؟؟؟؟؟؟؟؟؟؟؟؟؟؟ لالاتعليق

 

[laura mercier]

اسمه معاش يعني .......<< ما عاش ههههههه



هل من مؤيدين؟؟؟

 

[brettey]

كلامج صح تريليون %
اي والله صدقتي

 

[laura mercier]

مشكورين حبايبي... لايوقف لايوقف

 

[عمة فاتو]

كلامج صح

 

[أم عبداللطيف]

اي والله وانتي الصاجة على هالاجار والمصاريف ولا عمى بعينها خدامتي تقولي انتوا ماما فلوس وااااجد

مالت علينا بس مالت كل أقساط وأيجار وديون والله المستعان الله يرحمنا برحمته

 

[عاشقه رويشد]

عدل كلامج

 

[ice_cream]

كلامكم تمام بس محد فكر اشلون التاجر يفكر ؟؟
انا مثلكم مواطنه عادية وطرق المعاش ولاني تاجره و لا بزنس ومن
بس ترا هم التاجر يبي يربح
لما التاجر يشتري عقار أصلا غالي هل من المنطق يبيعه اقل من سعره عشان لا نقول هذا تاجر جشع وطماع ؟؟؟
طبعا لأ ... بيشتري غالي و ببيع غالي
اكو شغله هم نسيت اقولها انه بالامارات مثلا الحكومة اصدرت قانون انه الزيادة في الاسعار لازم تكون متناسبه مع الغلاء المعيشي و يكون تدريجي عشان لا تصير طفره بالاسعار و تكون خيالية ، هذا دور الحكومة الواعية بس للأسف اهني ما عندنا هالوعي الحكومي لانه ببساطه الحكومة هي التجار و التجار هم الحكومة
واللي عنده قرش يسوى قرش واللي معندوش .................. ياكل فتوش :dddds:

 

[مطيريه ماركه]

اي والله صح

هذآ المفروض يصير يقولون فيه توجه حكومي يزيدون قرض الإسكان

العلاقة طردية ياجماعة كل مازاد القرض زآد الجشع !

حلوهآ لنآ !

يعني أنتي قلتي الزوجة بتاخذ راحتها بس هم الحمولة بتاخذ راحتها مو سوالف الحمولة عند أهل زوجة الولد والعكس صحيح

يعني هذي نقطة مو كل المشكلة المشكلة متفرعة حيييييييييل

الانسان عنده حاجة اسمها الاستقرار

المقصد هو الاستقلالية بالحياة والراحة مو يصير الكويتي منتف والا لآ دخلوآ عياله الجامعة طلعله بيت الحكومة !

ريحوآ الشعب يا حكومة حكومتنا مو مقصرة بس مو موقفة هالتجار عند حدهم !

 

[منوووووله]

اسكووووووتي ياااااااااختي << قلبت مصري


والله محد متبهذل غير الي ساكنين بالشقيق !


متى يعني يحلون سالفة البيوت متىىىىىىىىىىىىىىىىىىىىىىىىىىىىىىىىى

 

[منوووووله]

امبييييييييييييه زيدي هالسالفه بعد


توه قطعت الكهرباااا عندناااااااااااااااااااااااااااا <<

 

[سعاد الكويتيه]

كلامــج كلــه عــدل..

 

[ام ابرار]

يسلم حلجج والللللللللللللللة صااااااجة وبالذات مسافط بيت الحمولة ماكو مكان تسفطين سيارتج فييية لازم عند الفرع

 

[laura mercier]

لايوقف:ggdw: لايوقف:ggdw: لايوقف:ggdw: لايوقف:ggdw:

 

[وهاااايب]

ماشاء الله عليج كلامج كله عدل...

 

[هنوده]

كلامج عدل ذكرتيني انا لمل ابي اتخانق مع زوجي اشغل المكيف عشان محد يسمع حتى بعز الشتاء ولما يسالوني اقول الجهال شغلوها اقول الله يعين بس

 

[فجر الغلا]

عدااااااج العييييييب
خووووووش حجي ونا وخيتج

 

[توتاتوتا]

تقدرون تسونا حمله و تجيب نتيجه بس لازم تنسيق و اداره حتى تكون جهودكم موجهه

 

[laura mercier]

عشان تنجح الحمله لازم انقاطع سوق العقار بتاتا....ولا نسأل عن العقار...ولا نحن على بيت ...عشان يبدون الرياييل ينشرون السالفه
بينهم وتبدى تتحرك هالحكومه وتحس فينا ...ترا احنا نصف المجتمع....والاستقرار يؤدي الى بناء الاسره المتكاتفه......لايوقف لايوقف