سلسله عن الماسونيه بقلمي الحرب القادمه , بطاقات الماسونيه , قتل المشاهير .. متجدد

[نوف الصقعبي]

امريكا وما ادراك ما امريكا​

 

[نوف الصقعبي]

الله يستر من القادم​

 

[نوف الصقعبي]

غالبية الدول في سقوط متتالي وكأنه مدروس وتم التخطيط له​

 

[m'3rOoOra]

نبي اكاونتج رورو

همن انا ابي اكاونتج
:eh_s(17):

 

[ورده حمرآ]

امريكا وما ادراك ما امريكا

انا في امريكا حاليا تبين افجرها ؟ ههههههههههه


الشعب الامريكي عكس الحكومه طيبين ومعاملتهم رائعه ويحترمون كل الاديان ماشفت شي سيء منهم لين احين صارلي شهر
اما الحكومه تخطيط من تحت لتحت

 

[ورده حمرآ]

ايه لاحظت ان اكثر الشعب ملحد
تكلمت مع كم شخص امريكي واكتشفت ان كلهم ملحدين
وساكن جنب فلتنا واحد ملحد بعد ..
يقول انا ما اقتنعت بولا دين للحين كلمته عن الاسلام " اكيد كان ماخذ فكره غلط من الاعلام والصوره الغلط اللي يحاولون انهم يشوهون الاسلام فيها "
وصادفت شخصين يمكن او 3 مسلمين

 

[{ شيوخهـ ~]

موضوع فعلآ مميز مآشآءآلله كآمل ومتكآمل !!!
لآزم آلكل يقرآه ويعرف،
آنآ وآيد سمعت عن آلilluminati،
صج صج شي يخووووف !!!
لي رجعه وبقوه آن شآءآلله، في وآيد آشيآء عن آلمآسونيه آبي آشآرككم فيهآ !!!

\

 

[cramela]

Uuuuuuuuuuuup

 

[Beauty paradise]

نبي تحليل عن اللي قاعد يصير بمصر الحين

 

[بنت العقربيه]

كنت غير مقتنعه بكلامك وبان الماسونيه هي الي تحكم وتتحكم بالعالم

من جد خجلانه ومفتشله ارد اقتنعت بعد مشاهدة سلسله عصر الاستيقاظ قبل 3او4اشهروكنت مترددة اني اكتب هالكلام من الاساس بس والله فعلا احس اني صرت وحدة ثانيه واني كنت بغفله واستيقظت بعد هالسلسله مشكوره رورو ومشكورين يابنات الي شاركوا بمعلومات مفيدة وجزاكم الله خير والله يحمينا ويحسن خاتمتنا

قرأت ان الملكه اليزابيث هي رئيسه الماسونيين وماتفاجات لكن هل هو صحيح

 

[بنت العقربيه]

بنات سؤال وابي راي الكل ..


قررت اسويلي اكاونت عن الموضوع بس باخذ رايكم بجم شغله


اخلي الاكاونت مكس سياسي عن الماسونيه وديني ؟

التركيز على شنو اكثر ؟

بالعربي او بالانجلش ؟

لان يهمني بعد ان الغرب يصحح صورته عن الاسلام


شنو تقترحون اسم ؟

اكاونت بالانستقرام ؟

اذا بالانستقرام ياليت يكون خليط بين الماسونيه والدين و

افضل يكون عربي انقليزي

اقترح اسم حقيقه الماسونيه

لكن بياخذمنك وقت وجهد الغرب ماراح يقتنعون بسهوله

لان كثير صاروا ملحدين موفقه رورو

 

[رورو 88]

شلونكم بنات ​

سوري عالغيبه بس تقدرون اتقولون خذيتلي بريك طويل حق نفسي .. ​

ابتعدت فيه بصراحه عن هالموضوع لاسباب وايد منها ان​

حسيت ان انشغلت بالموضوع اكثر من اللازم وبصراحه الانسان لما ​

يشتغل ويتعمق بدينه احسن بالف مره وانا ذكرت هالشي من قبل ​

ثاني شغله حلو الانسان يكون واعي بالاحداث والحقيقه بس غلط ​

ان يحوط نفسه بهالكم من الطاقه السلبيه ​

الوسطيه حلوه واهم شي التوكل على رب العالمين ​

المهم الانسان يشتغل ويبدي بنفسه وهاذي اهم نقطه ​

بالفتره اللي طافت ابتعدت عن الموضوع حتى بعض اهلي ​

يحنون يقولون سولفيلنا ..بس هم ادخل على مواقع برا ​

لما يشدني اي حدث بس مو نفس قبل لان ​

الانشغال بالدين افضل من اي شي ثاني ​

وايد ناس بهالزمن مايدرون الحق مع منو وضايعين بالطوشه​

معنا كل شي واضح وضوح الشمس ​

ووايد بنات اطلبوا مني اني اتكلم عن مصر ​

فحبيت اني انزل هالبوست ​

لاني بصراحه احتريت من كميه الجهل والحقد وقسااااوه القلب والضيااااع ​

بوايد كومنتات بالانستغرام ! ​

" مصر " ​

خلونا نبدي من ايام حسني مبارك ​

اللي بعض الناس تتحسر عليه !! شي مضحك مبكي بصراحه​

لدرجه حتى السياسيين برا يضحكون على هالموضوع ​

مبارك باختصار كان لعبه بايد امريكا واسرائيل وهالشي معروف ​

​

​

فكره " علماني " بالدرجه الاولى ​

كان لعبه بايدهم اكثر من اي رئيس ثاني ​

واستمروا بدعمه سنيييين ​

كان من اكبر الداعمين والمحافظين على اتفاقيه campdavid ​

اتفاقيه السلام مع الاسرائيليين ..​

استلم من امريكا واسرائيل ملياااارات ومبالغ كبيره سنويا عشان ​

يكون بصفهم و " لعبه بايدهم " ​

مراكز تعذيب وسجون سريه امريكيه تابعه لل cia كانت موجوده​

بمصر بدعم منه ​

كان معروف عنه ان ما يحب يستقبل شكاوي ابدا من الناس​

والمضحك المبكي الفيديو اللي له عاليوتيوب " كبر مخك " ​

لما يقول حق شخص كبر مخك يعني انا راح اتابع ​

كل شي بالبلد ؟؟​

"عباله ماسك جمعيه مو دوله يسكنها ملايين "​

وكلهم مسؤوليته​

( لو تعثرت بغلة فى بغداد لسئل عليها عمر)​

وهذا كان امير المؤمنين ​

والتحايل الحين وصل للقضاء وطلع براءه !​

مع العلم ان القاصي والداني يدري باللي سواه وباعتراف سياسيين امريكيين​

واسرائليين بخطاباتهم ! ​

نيي حق الفتره الثانيه اللي اهيا فتره مرسي والاخوان المسلمين ​

​

الاخوان المسلمين جماعه هدفها السلطه بالدرجه الاولى وليس الدين ​

يعني باختصار " مصلحتهم دايما الاهم " ​

واللي يعتقد ان تغير شي بقدومهم فهو موهوم !​

لسبب رئيسي ​

صحيح ان مبارك انخلع لكن نظامه موجود ! ​

امريكا لها مرور تفضيلي في السويس​

وتحليق دون قواعد ثابته ​

اتفاقيه السلام مع الاسرائيليين مستمره ​

نفس السياسات اهيا اهيا لكن باسماء مختلفه​

وهذا اللي ابي اتكلم عنه اكثر ​

الاخوان كانوا عملاء للمخابرات البريطانيه سابقا لما كان لها ​

سيطره عالشرق الاوسط والحين انتقلت لامريكا بما انها مركز ​

القوه حاليا ..​

هذا الكلام مو من عندي هذا كلام موثق وببحث ​

بسيط تقدرون تتاكدون اكثر ..​

امريكا واسرائيل حسوا انهم ارتبكوا خطا بدعمهم للاخوان ​

وان من الاسلم ان ما يثقون فيهم ​

اسحبوا عليهم مثل مااسحبوا على عشرات من حلفاءهم ​

وخططوا لانقلاب عسكري ​

واللي صار انقلاب عسكري مو ثوره ​

واللي من المهم ان اتعرفونه ان اي فتره انتخاب او ترئيس ​

امريكا لازم لازم اتجس النبض ويكون لها سياسه بالموضوع ​

لانها خايفه على مصالحها بالمنطقه او بالاحرى انها تنطرد ​

نيي حق السيسي ​

​

المجزره اللي سواها وحرقه للناس باعتصام رابعه​

شي يعور القلب !! ​

لو اهم شنو ! بس اني اقتل ناس بينهم نساء واطفال بهالطريقه ​

فهذا شي ماله علاقه بالانسانيه ابدا​

انا ضد الاخوان وبشده واعرف توجههم وافكارهم ​

لكن هذا شي لا يقبله عقل ولا قلب انسان سوي​

وشفت عدد من الناس تشتموا بموتهم تاثرت ان وصلنا ​

لهالمرحله جد ..​

السيسي الحين مدعوم من اسرائيل وامريكا ​

وهذا اللي قاله رئيس وزراء اسرائيل السابق ايهود باراك ​

​

ان احنا مع السيسي بس مانبي ندعمه صراحه لان ​

هالشي ممكن يحرجه ..​

فيديو من اللقاء ​

http://www.youtube.com/watch?v=_saKkNWZ3lY​

" الزبده من الموضوع "​

اسرائيل وامريكا ما يهمها منو اللي يحكم مصر ​

طالما ​

ان لها نفوذ عليهم ​

مصالحها ما تتاثر ​

وتحرص حرص شديييييد ​

انها لما اتشيل نظام ​

تستبدله بنفسه ​

لكن ​

باسماء يديده ! ​

يشوفون مصر دوله تستحق الاستثمار بهالمنطقه ​

لاسباب وايد منها اهميه قناه السويس والعبور منها ​

حمايه حدود سينا واسباب وايد شوفوا هالفيديو ​

http://www.youtube.com/watch?v=qOW5x7GOn9A​

سياسه امريكا الحين ..​

​

تصحيحات سياسيه ..​

​

​

المساعدات الخارجيه .. ​

وهذا اللي قعد اتحرص عليه امريكا مساعدات ​

مستمره حق مصر خوفا على مصالحهم ​

مساعداتهم او " رشوتهم " حق مصر سنويا ​

1.6 مليار دولار ​

وعشان هالسبب ​

امريكا لي الحين ترفض تسمي اللي صار بمصر ​

" انقلاب عسكري "​

لان لو اقرت ان انقلاب عسكري راح اتخالف القانون الامريكي​

الخاص بالمساعدات الخارجيه واللي اهوا : ​

الاداره الامريكيه لا تستطيع ان تساعد ماليا جيشا متورطا في انقلاب عسكري ​

ولهالسبب ​

​

jen psaki المتحدثه الرسميه باسم الخارجيه الامريكيه ​

تحرص انها ما تستخدم كلمه " انقلاب عسكري " معنها توصف ​

اللي صار مع الشرح ان انقلاب عسكري بس ما تستخدم الكلمه ! ​

وبالاخير منو المستفيد من هالقتل والدمار بدولنا​

منو المستفيد ان عدم الامان يعم المنطقه ​

منو المستفيد من الصراعات الحزبيه الطائفيه اللي اذبحت الالاف ​

منو المستفيد ان ما يطلع حاكم ديمقراطي غير حزبي يهمه الشعب​

ومصالح العرب واولوياتهم ​

الجواب واضح ..​

قبل كانت مؤامره .. الحين صارت ​

" اوامر " ! ​

قبل كان للعرب والاسلام صوت عالاقل .. ​

ايام الملك فيصل الله يرحمه ​

​

كانوا يحترمونه ويسووله الف حساب ! ​

مع ان ذلهم ذل وقطع النفط عنهم لمساعدتهم اسرائيل ​

شوفوا هالصوره ..​

​

هذا الملك فيصل ووزير الخارجيه وقتها henrykissinger ​

اكبر صهيوني حاقد على العرب ​

تصريحاته الحين " اشكره " عن اسرائيل الكبرى ​

والمخطط للحرب العالميه الثالثه ​

قصه هالصوره ان ​

كسنجر حب يلطف الجو شوي لان الملك كان عابس ​

فقاله على ضحك :​

طياره الرئاسه وقفت بمطار الرياض وتحتاج​

بنزين فهل تسمح ان يتم ملا خزانها بالبنزين ؟​

فرد عليه الملك فيصل :​

وانا ايضا رجل كبير في السن واتمنى ان اصلي بالمسجد ​

الاقصى فهل تحقق لي هذه الامنيه ؟ ​

طبعا سكت وخرج مذلول ..​

ايام كانت لنا كلمه عالاقل كنا عامل مؤثر ​

الحين ولاااا شي ​

مااستفدنا من الثورات الا الدمار ومصلحه العدو ​

وبالنهايه بس احب اقولكم شغله ان شاء الله تستفيدون منها ​

1. كل شخص يبدي بنفسه ويشتغل على نفسه وممكن محيطه الصغير​

2. ينشغل بالدين مو بالسياسه ​

3. يكون واعي ويتخذ قرار ان يصلح مفهومه لو كان خاطىء ​

4. لا اتفكرون وايد بالمؤامرات وانشغلوا بدينكم لان كل واحد محاسب عن نفسه ​

5. كونوا ايجابيين وتوكلوا على رب العالمين لان هذه الامه لن تهلك ​

6. لا اتحاوطون نفسكم بكم من الطاقه السلبيه تابعوا الموضوع بس بالمعقول​

وفي جم فيديو عجبني للشيخ وسيم يوسف اتمنى اتشوفونهم ​

​

هذا الانسان احترم عقله وتفكيره جدااا .. مع ان ما يدخل​

بالسياسه ابدا ويفضل الانشغال بالقران بس له خطبه جمعه ​

يتكلم فيها عن الثورات ومقابله يتكلم فيها عن سوريا ​

http://www.youtube.com/watch?v=peheRok4LH8​

http://www.youtube.com/watch?v=O39CXz5Fe_g​

كلامه من ذهب اتمنى اتشوفونه ..​

 

[رورو 88]

والبنات اللي دزولي بالخاص ان شاء الله برد عليكم ..

 

[ناتشوو]

واو
رورو
ردج فظيع
خاصة بخصوص
ننشغل بالدين
صح
الموضوع فظيع
وكل ما مريت
اتحسف مااستمر
سعيدة بعودتج له
الله ينصر الاسلام يارب

انا بعد قريته كثير يس تعبت من التفكير فيه
وبحقيقة الماسونية

 

[Queen‘s-secret]

كلامج درر اخت روروووو.. والله يعطيج العافيه في توضيحج للاحداث الدموية اللي صارت بمصر ...

و المفروض يابنات اننا ننشغل بالقرآن لان والله اعلم اننا مقبلين على فتن وحروب تهز وجدان الانسان وعقله .....

فلابد من وجود عقيده صحيحه وراسخه في قلب المسلم حتى يتمكن من مواجهة هذه الاحداث بصبر وثبات وقوة ...

ودمتي لنا عزيزيتي روووورووووو بصحة وعافية

 

[e7sasi]

الله ينور بصيرتج هذا إلي فكرت فيه وقررته بعد ما فهمت مسألة الماسونية أو النظام العالمي الجديد على قولتهم وفوق إلي نشوفه هالأيام بالإعلام والحياة عامة .. شكلنا مقبلين على فتن كبيرة والأفضل ننشغل بالتفقه بالدين وإصلاح أنفسنا وبيئتنا المحيطة ، مشكلة البعض حيل يدخل بجو الماسونية وتبعاتها ويصير كل تفكيره عن المؤامرة ونظرته للحياة بشكل عام تصير سلبية ، بس هالدين راح ينتصر ورب العباد قال في كتابه والأرض يرثها عبادي الصالحين ، إلي احنا فيه أحزان وبتمر ومفروض نجهز روحنا والأجيال الجديدة عشان نبني دولنا صح وترجع للمسلمين قوتهم .

حبيت الموضوع وحبيت النقاش إلي صاير فيه ، قواكم الله

 

[ضــمــاد]

رورو عندي اقتراح

ليش ماتسوين مدونه + انستغرام


بالانستغرام حطي رابط المدونة


وكل مانزلتي جزء بالمدونه ، حطي بالانستغرام عنوان هالجزء وكتبي البقيه بالمدونه

 

[عنان السماء]

في ناس كثير مايعرفون هذا الشي
صدق احس انها نهاية العالم
شو الاكاونت فالانستقرام ؟


قولولي بنات كيف اقدر انشر هذا الشي لاكبر عدد ممكن واقنعهم
دخلت الانستقرام وكتبت عن الماسونية وطلعت لي صور وحقائق
والله قمت افكر وايد ومع الاخبار الي فالتلفزون والي ناوين عليه


شوفوا هالفيديو


https://www.youtube.com/watch?v=fA9820kFSjk


ابا وحده تفهمني =(
ولي رجعه

 

[منوووووله]

بنات سؤال وابي راي الكل ..


قررت اسويلي اكاونت عن الموضوع بس باخذ رايكم بجم شغله


اخلي الاكاونت مكس سياسي عن الماسونيه وديني ؟

التركيز على شنو اكثر ؟

بالعربي او بالانجلش ؟

لان يهمني بعد ان الغرب يصحح صورته عن الاسلام


شنو تقترحون اسم ؟

:eh_s(7):



اهليييين رورو احنا موجودين وانطلطل بين فتره وفتره فعلا المنتدى تغير مومثل قبل

الحين منو يدش منتديات كله انستغرام وفيس بوك وتويتر وكيك وبيك ومادري شنو

بس هلموضووع بذات مستحيل مادشه واجيك عليه استانست لما شفتج منزله بوستات يديده

وانا معاج بالاسنتغرام قرري واحنا معااج :eh_s(9):

 

[noufb]

وين اكاونت الانستغرام ناطرييين