سليل الجهراء بليز مساعده

[ورود خذلتها العاصفه]

بنات منوجربت شاليهات منتجع سليل وجم اسعار الشاليهات وشلون الاجواء ممتعه ولا لا
تكفون ابي ردود

 

[برميت]

ماابي احبطج
انا تجربتي فيه كانت تلوع الجبد و خايسه و معفنه و تووبه افكر اروح له حتى لو زياره
ما يسوى علينا درب للجهرا

خل اقولج شنو صار فينا
ريلي كان حاجز و داق عليهم و قالهم نبي سويت على الحوض و جهزوا فيه شموع وورد و الساعه 2 الظهر انا عندكم
لما طقينا درب لي هناك جان يقولون لنا مافي سويت ..و ريلي عصب حده ..وقالنا الي برسبشن : بس انا محضر لكم غرفه ..و لما هديت ريلي و قلت له اهم شي اكون معاك و رحنا الغرفه والله ما تصدقين !!
بالدور الارضي و تطل على مواقف السيارات لووول ..يعني افتح الدريشه اشوف سيارتنا صافطه
طبعا خل اقولج ..اول ما وصلنا مافي عندهم احد ياخذ السياره و لا في احد يستقبلج عند الباب و يشيل الاغراض عنج ..الا لما رحنالهم و قلنالهم تعالوا شيلوا ..و طبعا عقب المقلب الغرفه الصغيره الي تطلع على موقف السيارات ..ريلي قلب الدنيا عليهم ..و بعدها حاولوا يرقعون الموقف و قالولنا نطروا بس 5 دقايق ..و نطرنا ربع ساعه ..و انا بس اضيع الصقله علشان بس اهدي ريلي يايين نستانس مو نتهاوش ...جان ايي الرسبشين و يقول لنا اسف مافي الا هالغرفه الي بالارضي !!
قلت له تبي تقنعني انه الفندق فل الحين ...!!
و طلعنا منه ..و رحنا الخيران لوووول
بعدنا و بدعوا فينا
بس بصراحه ما تمشيت فيه و لا شفته بس شفت الغرفه المأساويه و الفندق و بس

 

[tolay]

ماجربته

الناس ماتروحله لانه يديد ومتعوده على الخيران

بس شفت شكله بالتلفزيون حلووو