- إنضم
- 4 أبريل 2010
- المشاركات
- 2,363
- مستوى التفاعل
- 2
- النقاط
- 0
تصير وايد
و تصير ان اخو ياخذ مرت اخوه بعد
انا اعرف وحده خذت اخو ريلها
طبعا اشلوووون ؟
البنت حلوه و جميله
اصغر من ولد عمها ب 6 سنوات ...
تزوجت ولد عمها
وولد عمها ودرها بحياتها ما خلاها تكمل دراستها ... حرمها من كل شي تزور اهلها بس ...
و كل يوم يصحيها على طراق و ينومها على طراق
و غير جذي راعي بنات و سوالف خربوطيه ما ترتاح الا لمن يسافر و يخليها و كل شهر سفره .. تروح تنام عند اهلها...
و فوق كل هذا ما تحجت و لا شكت على ولد عمها عند ابوها
و كل ما زارتها امها او ابوها او مرو عليها لقوها شاقه الكشره و مستانسه
و تمدح بزوجها و تدعيله ان الله يوفقه ...
و اخو ريلها حماها اللي اصغر من زوجها بسنه و اكبر منها ب 5 سنوات ... يشوف و عايش معاها بنفس البيت
و كل يوم يقول لأمه ليش اهي متحمله اخوي و يدافع عنها و اي شي تحتاجه اهو اللي يجيبه ... حتى خواته مستغربين اشلون حريص عليها
و امه تدعي ان الله يهدي ولدها زوجها ...
و بالآخر تزوج زوجها عراقيه رفيجته مرافجها في لندن اكبر منه ب 12 سنه و شكلها ويع و ما تشرف احد واضح اهي شنو كانت
زوجته بنت عمه ما عندها منه عيال ... اول ما شافته دخل بهالعراقيه قامت و قالتله ودني بيت اهلي
قالها بيت اهلج تعرفينه وتدلينه انا ما اوديج
قامت تبجي عند خالتها ام زوجها و قبل لا تدق على اخوانها قال لها حماها انا اوصلج
و بالدرب قال لها ليش ما خليتي اخوانج يوقفونه عند حده كان يطقج ليل نهار انتي اللي رخصتي نفسج و تحملتي و انتي تقدرين توقفينه عند حده ..
قالت و دموعها اربع اربع
اللي خذيته ولد عمي ...
و ما ابي ابوي يحتر علي .. و اهو يدري اني عين وولد عمي عينه الثانيه
و ما ابي اخلي ابوي ينقهر اني شايفه الظيم ابيت اخوه اللي المفروض يعزني و يرزني و يشيل الهم عني ...
اتحمل و لا اخلي ابوي يحتر دقيقه ..
قالها شوفي نهايتج شنو .. تذكرين لمن طقج
تذكرين لمن خلاج
تذكرين لمن انا وخواتي نوديج الطبيب ...
تذكرين و تذكرين ...
الحين لو تقولين لأبوج ماراح يصدق ..
شنو بتقولين لبوج .؟؟؟
قالت قسمه و نصيب بعيون ابوي
و من حقي اقوله ما ابيه لأنه تزوج علي
و من حقي ما اعيش مع مره ثانيه ...
اما غيره لا و الله ما تطلع العيبه مني على بيت عمي ...
اهني ولد عمها الثاني مااااات من كلامها
و قام يبكي مثل الطفل لمن وصلها لبيت ابوها
و اهي تبكي من حياها من ابوها و من خوفها عليه..
شنو تقوله
تطلقت...
ولد عمي ..
ولد اخوووك
طلقني ...
قرر ولد عمها... بينه و بين نفسه انه يرفع راسها
و ما يخليها علج بحلوج الناس...
لمن خلصت عدتها
راح لأخوه
و قاله انا بتزوج فلانه
اخوه حده مو مهتم ...
قال عليك بالعافيه انا ما ابيها سبحان الله
قام و كلم ابوه ...
فرح الابو ان الجرح اللي صار بينه و بين اخوه راح يندمل بسبة ولده الصغير
لكن اشلون على سمعة البنت ... يطلقها الولد و ياخذها اخوه..
خاف العم على بنت اخوه !!
قامت الام بالاتفاق مع الابو انهم يقولون للناس ان بنت اخوه ما فيها عيال و ان ولدهم تزوج عليها و اهي طلبت الطلاق و انه طلقها
و ان ولده الصغير ما رضى هالشي يصير قام و تزوج بنت عمه و اهو راضي بعيبها..
بالمقابل ...
شرط لاخو الصغير انه يسكن مرته ببيت بروحها
و ان يكتب البيت بإسمها ... كمهر لها ...
و انه يسويلها عرس ماصار و لا استوى..
و اهي حست انه مو بس يحبها الا يموووت فيها ...
و انه حافظ عليها حتى من نفسه ...
و يقولون ان قصة اغنية محمد عبده اللي كتبها الامير: خالد الفيصل .... مرتاح احبك سببها هالقصه ... ( بنات لاحظو الكلمات حدها معبره)
مرتاح احبك و لا علمت ...
حتى انت عيت ابينلك..
البارحه يوم انا سلمت
شكيت لو عيني تذلك...
برق لمع بالعيون و خفت
مواجع القلب توصلك...
عساك في ناظري ما شفت
كيف المعاليق يوملك...
من خوفتي لا احترق جنبت
هربت من شمسك لظلك
اخشى عليك الهوا لو طحت ..
و ما تلني يمك يتلك ...
ابي قليلك ولا حصلت
بعضك تركني مع كلك...
مدري صواب او خطا ما قلت..
انك حبيبي و انا خلك ...
و هذااللي صار ...
خذاها وسافر ...
و مارجع الا وبيدهم ولدهم ...
و كأنها راحت عالجت ...
و الحين ... عيالهم مشهود لهم بالأخلاق العاليه و حسن التربيه و كل من يتمنى يناسبهم
اما اخوه ... نسوووه العالم و عايش بدوله اوروبيه و تزوج اجنبيه عقب ما فلسته العراقيه ...
