سمعت خبر عن صيفي التربية الاساسية

[نووويرة]

السلام عليكم و رحمة الله و بركاته
شلونكم زميلاتي العزيزات

بصراحة سمعت خبر مو شي في دكتورة بالكلية قالت حق البنات ان هالصيفي ما راح يدرسوننا الا دكاترة كويتيين و الدكاترة الوافدين ممنوع يدرسون بالصيفي و هذا قرار من وزارة التربية و الهيئة
يعني الي ماخذة مادة بالصيفي عند دكتور سوري ولا مصري راح يغيرون دكتورها و يحطون بداله دكتور كويتي

اتمنى هالخبر يكون مو صحيح و الي عندها علم بهالموضوع تفيدنا

و الله يوفقنا و يوفقكم بالفاينال

 

[@غشمرية@]

,والله ماعندي خبر بس ما اتوقع

 

[(غموض)]

بالعكس احسن ليش مستائين

 

[نووويرة]

لاننا مسجلين مواد عند دكاترة سوريين زينين و ما نبي يغثوننا بدكاترة على مزاجهم

يعني هالكورس مسجلة مادة عند دكتور من زمان ابيه و غيروه لنا حطوا لنا واحد لعوزنا

 

[(غموض)]

والله بالصيفي خصوصا الكويتين يمشون حيل ويخففون الكميه

لان مالهم خلق حتى يدامون ويساعدون

 

[بنفســج]

صح صح صح

انا سألت الادارة وقالولي هالحجي

 

[دنيتي بنتي]

للرفع

 

[مزن الكويت]

ايه حتي انا سمعت هالخبر عاد مادري صج اولا

 

[غزالة كويتية]

ماعندي خبر
بس برايي الكويتي انفع
غالبا مو على طول

الله يسخرلنا الدكاترة الطيبين اول مره اخذ صيفي

 

[( المـلاك )]

والله ماسمعت هالخبر
و ماعتقد انه صحيح


بس لو انه صحيح واااااااااااااااااااااااااااااااااااااااااايد احسن و لصالحكم
لانه السوري ولا المصري بالصيفي ما يرحم
يعطيكم الماده مثلها بالكورسات العاديه
وياخذ المحاضره طول بعرض
و مايعتذر
ويلوع الجبد باختصار

اما الكويتي
يبي يسافر ، يبي يروح الشاليه ، يبي يطلع مرته وعياله ، يبي يتغدى بره ، مو فاضي للمحاضره ، ووووووو
يخفف المادة بنسبة كبيييييييييييييييرة
و يطوف وايد اشياء
وكله معتذر عن المحاضرات
و امتحاناته بسيطة
و اغلب الاحيان يسألكم شنو تبون بعد عشان يخلص
ولا بعد يخلص وياكم المنهج بسرعه
و يحن يبي يجدم موعد الفاينل لووول


سألوني عنهم خبررررررره الحين بتخرج ولاعت جبدي كل سنة اخذ صيفي
فخبزت الدكاترة عدل

 

[^_^ حوراء ^_^]

انا اايد كلام ملاك ..،

الكويتي احسن و انا مسجلة اصلا عند كويتيين
بس بسحب الصيفي ..، لوووووول

 

[@ الندآويهـ @]

ما اظن .. وانشالله لا ,, لان انا ماخذه عند دكاتره زينيين


يااااااااااربي ابي افتك واتخرج

 

[سلطانه q8]

صراحه عادي مو فارقه معاي

المهم يتساهلون ويانا بس

شكرا

 

[روعة خيال]

تصدقين يوم جيكت على جدولي و الا كل دكاترتي كويتيات و كلهم حريم لووول

بس يهبلون اعرفهم ^_*

 

[خشف العذارى]

ما عندي فكره