سمعت نصائح بنات المنتدى وصارت خلافات كثييييره بيني وبين ريلي

[ام الثعالب]

:eh_s(8):

السلام عليكم

راح ادخل بالموضوع على طول

بصراحه في بنات ححححيل حاطين على الرياييل
عسى وحده ماتقول مشكلتها
الا البعض مو الكل قام يشيشها لا تسكتين ...... وين قاعدين...... واسمحيلي هذا موريال......
واللي تقول تبينه يلصق فيج تفلي عليه.....>ليش ان شاء الله حشره؟؟؟
واللي تقول لاتنفذين طلباته بسرعه لاتقطين روحج عليه لاتبينيين انه اهوا شي مهم خلييج واثقه من نفسج واذا قالج هاللون عليج حلو قولي ادري...
ابيكم الحين اتخيلون معاي انج عايشه مع ريال
ماينفذ طلباتج بسرعه..مو قاط روحه عليج وعاز نفسه...مو مبينلج انج شي مهم...واذا مدحتيه قالج ادري
الدكتوره فوزيه الدريع قالت اللي تحب ريلها يحطها فوق النخل ..خل اهيا بالاول تحطيه فوق النخل
واللي انا سويته وسبب لي مشاكل اني مابينتله انه اهوا شي مهم وحبيت نفسي واللي صار انه تغير علي ودزلي بمسج انا تغيرت للانج تغيرتي... ولاتقولون يمكن انتي مزودتها لان بهالسوالف ماكو ماعيير اشكره النصيحه تقولج صيري اشوي مغروره على ريلج واهوا يموت فيج
بس ولله الحمد والفضل والمنه رجعت المياه لمجاريها
والحين امورنا الحمدالله عسل
ها اشرايكم ؟؟؟​

:33_1185028183:.

 

[ماني من الناس]

يعني حبيبتي كل وحده اخبص بزوجها واراء البنات ملك لهم بس حبوا يطرحونها للان الموضوع مطروح للنقاش وكل من له عقله ويختار الانسب له ولشخصيته ولعلاقته يعني محد له علاقه باحد الدنيا مليانه اراء مو معناته نمشي ورا كل من ,,,,,,,,,

مدام العقل موجود ما فيه خوف على كل وحده تطرح مشكله

 

[(( الذهب ))]

لا حول ولا قوه الا بالله يابنت الناس محد يعرف رجلج كثرج شلون تطلبين نصيحه وما تاخذين غير اللي فيها
مثل ما يقولون كرامتي فوق كل شي ؟
انا اشوف مواضيع كثيره واللي تذم اكثر من اللي تمدح بس الووحده تعرف مصلحتها وين المهم الف الحمدلله
علي رجوع العلاقه علي خير وخلي رجلج بين عيونج والكلام الفاضي قطيه ورا ظهرج

 

[شمس 20]

الحمدالله انه طاح الحطب بينكم !!

وانتي لاتسمعين كل وحده شتقول ورايها فكري بعقلج انتي !!

يمكن العضوه اللي ترد على موضوع وتبدي رايها ، تكون اهي فعلا في مشكله وصار شي وتعلمت منه شغله حطت رايها

مو شرط يتطبق على الكل بحياتهم الزوجيه عرفتي حياتي !!

 

[( مي )]

صح ،، انا من زمااااااااااااان اتذكر كاتبة موضوع أسأل فيه
لما البنت تنصح عضوة من الأعضاء ،، تطلقي ،، حقريه ،، روحي بيت أهلج ،،،،،،،،،،، وغيره

هل انتي تنفذين نفس نصيحتج لهالبنت ؟؟ ولا بتضلين محافظة على بيتج وصابرة على زوجج ؟؟ بينما انتي تنصحين غيرج بالطلاق وترك بيتها !

http://q8yat.net/showthread.php?t=508401



انا ضد النصايح اللي من هالنوع ،، ساعات اقرى مشكلة احس البنت من صالحها اتطلق ،، بس افضل عدم الرد عالموضوع من اني اقولها تطلقي ،، احنا نقرى طرف واحد من المشكلة ،، ومو عارفين المشكلة عدل

والله يتمم عليج أمورج

 

[أميره الدوسري]

رد : سمعت نصائح بنات المنتدى وصارت خلافات كثييييره بيني وبين ريلي

وانتي بالله عليك شو فآيدة العقل اللي ربي انعم به عليك مو علشآن تفكرين وتعرفين شو الحل اللي ينآسب حيآتك لأنهم مهمآ تكلموآ مآ يعرفوآ زوجك كثرك

 

[قلب الأم]

رد : سمعت نصائح بنات المنتدى وصارت خلافات كثييييره بيني وبين ريلي

من وجهة نظري مااحد يخرررب احدد... خوو كل واحد وعندهعقله عجل شحقه الله عطانه مخخ ..مو عشان نفكر ونحلل ونفحص ونمحص... قريتي ردود البنات واراءهم اوكي اخذ اللي يناسبني اشوف اللي يقنعني اللي ممكن ينفع مع زوجي ... موو بس قالواسوي جذيه وصيري جذيه قلت آآمين وراهم.. اسمحي لي ويا ريت ما تزعلين انتي لو ما اقتنعتي انج تبين تصيرين مغرورة عليه جان ما طبقتي بس جنج بغيتي الشارة مو ؟؟

عموما الله يصلح الحال بينكم دوم موو يووم ويوفقكم ويخليكم لبعض​

 

[ام الثعالب]

رد : سمعت نصائح بنات المنتدى وصارت خلافات كثييييره بيني وبين ريلي

مشكورين على الردوووود
والله الحمدالله عندي عقل يوزن بلد على مايقولون ومتزوجه من 6 سنين
بس ابليس اللي خلاني اسمع كلام البنات صاحبات النصايح الجهنميه
قلت يمكن اهما صح
بس طلعوا لاصح ولا شمت نصايحهم ريحة الصح

 

[جولينار]

رد : سمعت نصائح بنات المنتدى وصارت خلافات كثييييره بيني وبين ريلي

حبيبتي الناس اجناس مو الطريقة نفعت مع زوجك تنفع مع زوج فلانه

لا يختلفون ,, والله يألف بين قلوبكم

 

[اخت خالتهم]

كل وحده تعرف حق ريلها
مرات البنات يكتبون ما يعرفون يتصرفون

بس الاحسن الوحده ما تفرق بين الزوج وزوجته

 

[لمسه حزن]

رد : سمعت نصائح بنات المنتدى وصارت خلافات كثييييره بيني وبين ريلي

حبيبتي

بما انج طرحتي موضوعج لنقاش العام

تتحملين كم الردود الي راح توصل للموضوع

بسلبياتهاو ايجابياتها

لان كل شخص يشوف المشكله من وجهة نظره

وحسب ظريقه تفكيره و شخصيته

لكن انتي من تعانين من المشكله

وهي في حياتج يعني انتي ابخص بظروفج

وشخصيتج فا تختارين الكلام المناسب

من الي انطرح بالنقاش او حتى منتي ملزومه تاخذين منه

المهم يكون يناسب تفكيرج و قناعتج

يعني كل شي بالعقل ..

ونصيحه للبنات

يعني الي تكتب رد لوحده طرحت مشكلتها

تحط نفسها مكانها و تكتب مو بس تشيش

والسلام ترا قوة الشخصية و العضلات

مو كل شي ..

العقل اهو الاساس

تحياتي

 

[مناير البيت]

رد : سمعت نصائح بنات المنتدى وصارت خلافات كثييييره بيني وبين ريلي

قبل جم سنة كنت اقوول الرجاال مثل الكوورة كل ماشتيه رجعلج <<تفكير ايام المراهقة .

لكن لماتزوجت تعلمت و عرفت انهالرجاآل مايجيب راآسه الا المعاآملة الزينة ..

واحترامه بحضورة وغياآبه ..

 

[افتخر كويتية]

رد : سمعت نصائح بنات المنتدى وصارت خلافات كثييييره بيني وبين ريلي

بصراحة انا قليلة او بالاصح ما احب اكتب موضوع او اشارك بس بالامانة حبيت اعلق شوي بالموضوع شوفي اختي

انا متزوجة لي سنتين يعني معي شوي خبرة الريال مايحب المعاند والصراخ هو مبتلش برى البيت يرد يواجة

مشاكل بعد جزية ينجن زيادة :eh_s(14): ويمكن يجرحك بكلمة او غيرها بس صدقيني اذا دش البيت وشاف الاستقبال

الحلو مثل كلمة حلوة ابتسامة:tek: جزية يحب يقعد بالبيت ويحطك فوق راسة لان الريال محتاج علي قولت ريلي حنان

وصدقيني ماحد هنية بالمنتدا بينفعك انتي اعرف بريلك وعسي الله يخليكم لبعض

بس امانة بنات لا تدورون وراء بدليات مو متعودة :klhfl:

 

[غمزه وإبتسامه]

اننتي المفروووض مو كل شي ينقال لج تسووينه

الله يسخركم لبعض

 

[دموع تائهه]

حبيبتي الله يسخركم حق بعض
ومو كل كلام تقرينه اتطبقينه على حياتج
هذي حياتج انتي ابخص فيها
وزوجج تعرفين مفاتيحه ومن وين اتييله وشنو يحب ومايحب
والريال يحب لي دخل البيت يشوف مرته مبتسمه له وتهلي فيه
وتقول له من الكلام الزين والله يعطيك العافيه واهلين حبيبي
وعلى قولة اللبنانيات تئبرني
مافيها شي لي كتبتي مشكلتج تفضفضين
بس ماتطبقين كل شي واي كلام
ديروا بالكم يابناتكل وحده ظروفها غير وشخصيتها غير
لاتخربون بيوتكم بيدكم

الله يرزقكم السعاده والهناء

 

[$حبيبة عبودي$]

اصلا الرجال اذا خليتيه يخليج على وجهج..

 

[شووكولاته]

الوحده ماتسوي حياتها الزوجيه حقل تجارب

والكلام هني مومن مختصا تكل وحده من فكرها وتجاربها

والي يناسب زوج مايناسب آخر

وكل رجال له اسلوب معين

 

[mona q8]

رد : سمعت نصائح بنات المنتدى وصارت خلافات كثييييره بيني وبين ريلي

السلام عليكم
حبيت اشارك بهالموضوع لان في وايد بنات يغلطون مثل غلطتج
يمكن انتي لما اخذتي بنصيحتهم اول مره كنتي متضايقه وزعلانه
عشان جذي اخذتي بنصيحتهم قبل لاتفكرين
واتمنى من كل بنت تنحط بموقفج ما تسمع كلام من احد
ترى والله لما تحلين الامور بينج وبين ريلج بدون اي تدخل من اي احد
بتصير الامور سهله معاج
واتمنى من اللي يعطون نصايح يا يقولون خير او ما ينصحون بشي ما يعرفونه
واتمنى احد ياخذ بنصيحتي

 

[M!sS v!P]

الحمدلله ان رجع كل شي مثل ماكان
ولاتسمعين كلام احد مره ثانيه
ويقولون الرجال كالاطفال يعني ماراح يجون الا بالمعاملة الطيبة
وربي يوووفقكم

 

[دمرت كياني]

رد : سمعت نصائح بنات المنتدى وصارت خلافات كثييييره بيني وبين ريلي



تقربيا نفس موضوعي القديم
http://www.q8yat.net/showthread.php?t=632284
عن الحريم اللي يسبون بس ما يعرفون الريل وظروفه او جنه بايقه منها ريلها


بس ما اقول غير
حمدالله أنج رجعتي حق ريلج بصراحه راااحه بال لما يكون جدام عينج
موفقه يا قلبي ^_*