سمعو قصتي بحمالي الاول والثاني وشنو صار معاي

[amtar]

هااااي بنات شلووونكم
صج مشتاقه لسوالفكم ​

وودي اقول لكم عن اللي صار فيني بس ودي اتفرغ علشان صج اطلع اللي بخاطري كله ​

سمعوووو يا طويلين العمر ​

انا حملت بعد 8 شهور من زواجي وطبعا كان زوجي يمنع الحمل بالسنه الاولى ماكان راضي
على اساس يبي سفر وسهر وما يبي شي يربطنا وبعدين كنت اراجع المستشفى من ورا ريلي لانه رافض المناقشه حده
رحت لدار الشفا عند الدكتور مصطفى تومسو وعطاني كلوميد وابر طبعا تميت 3 شهور على هالحال صج الدكتور ما قصر معاي الصراحه وطويل بال وطريقته حلوووه واايد بس لاني مستعجله ،
لين انتفخت وقطعت شهر والحمدالله حملت عقب
وطبعا حمالي كنت اراجع عند مستشفى السلام عند دكتور محمد بكري اللي باااارد حده ولا اي اهتمام حسيت معاه بتاتا لدرجه اني احترقت صوب بطني شبر كامل رفض يقابلني وقالي روحي الحروق وكنت منهارة وزوجي فديته على قد ما كان رافض الحمل طار بالحمل واستانس سبحان الله ووقتها دش على الدكتور وصارت سالفه بس الله ستر
تميت معاه لين شهري الخامس واهو يفحصني كل اسبوعين ويسوي لين سونار وكل شي تمام
فجأه دخلت الشهر السادس ياني نزيف رحت له موو موجود مسافر توهقت بالطوارئ وماكو اهتمام
رحت مستشفى الهادي بنفس الوقت
وقالي هذا دم بره الرحم عادي مع اني انزف حيل وسوالي سونار قال كل شي طبيعي
تخيلو الساعه 2 بليل هالكلام
رديت البيت وبعدني انزف شالوني اهلي الساعه 3 الفجر ودوني الصباح
على طوووول دخلوني الولاده
سوولي سونار طلع اني مفتوحه 7 سم
تخيلووووووو
توني بالهادي والسلام ولا قالو لي اي شي بساعه تبطل الرحم 7 سم
طبعا طلبوو اني اجهض وانزل الياهل لاني خلاااص حالة اجهاض
رفضت وتميت اسبوعين وانا انزف ونايمه بالمستشفى لين تبطل الرحم 10 سم
لدرجة اني مثانتي بتنبط لانه ضغط علي ما اقدر اقوم ولا راضيه احط البربيش يسويلي التهاب
كنت 3 ايام يالله اسوي شي تخيلوو ​

لييييييين مالله اخذ امانة اللي في بطني وتوقف النبض يوم كامل تخيلوو
وانا باسبوعي 24 يعني لو تامه اسبوع زياده ادش السابع
بس مالله راد والحمدالله , نزلت الياهل وكان ولد والحمدالله صج اني عانيت معاناة واهلي انهارو
بس الحمدالله على كل حال ​

والله تمم علي وحملت بعد شهر ونص
وقبل اسبوعين سويت ربط للرحم عند الدكتور محمود الاسطل بالسلام
تعامله حلووو ومريح بس بارد شوي لووول بس مريييييح بالتعامل وااايد ​

وانا الحين 20 الشهر بدش الخامس
والحمدالله اول ما ربطت بعدت عن كل شي يضايق
وقاعده عند اهلي مرتاااحه حدي ومخدووومه حدي وكل شي ابيه يوفرونه لي فديتهم ياااااارب
وعسى الله يخليهم تاج على راسي كلهم ​

ووبس يا بنات ​

وان شاءالله ياااااااااااارب يتمم علي الجميع ويرزق الجميع بالذريه الصالحه يااارب​

 

[حرم بدر]

الحمد لله ربي عوضج خير

والله يثبت ما فى بطنج ويجعله من الذريه الصالحه

 

[ضي القـمـر]

حبيبتي انتي الله يعووووضج ياااارب احمدي الله كثيييير وظلي ادعي اللهم اجرني في مصيبتي واخلف لي خيرا منها وربج اكييييييييييد بيعوضج ..........


دعواتي لج بالتوفيق

 

[!الجادل الصعب!]

حبيبي الله يتمم عليج
بس دام حالتج معقده شوي ليش تراجعين بخاص؟؟
خليج عالحكومه اضمن وانتي صاحبة التجربه

 

[amtar]

مشكوورين يا بنات والله ما قصرتوو

الخاص يهتمون فيني بفلوسي صج
الحكوومه يليعون اذا راجعتيهم حيييل
صج مرات اخذ من عندهم اجازات
بس عندي العيادات الخاصه ارحم بالاهتمام

 

[{ هــَـِـَـِـدوء]

الله يتمم عليج يارب
ارتاحي ولاتجدهين نفسسج

 

[ساندريلا]

الله يتمم عليج حبيبتي ويرزقج بالذريه الصالحه
كثري من الادعيه ومن قرائة القران

 

[زين ودلال]

الله يثبته ان شاء الله ويسهل عليج

 

[*ريما*]

الحمدلله
الله يتمم عليك حملك يارب

 

[anooma_86]

الله يتمم عليج حبيبتي

 

[غنوة ستايل]

عسى الله يتممها عليج يارب

 

[ام عبدالله زوزو]

الله يتمم عليكي ويقومك بسلامة انتي والببو امين عليكي بالدعاء والقران

 

[ام عفاف الكويت]

الاول عساه شفيع لج ياقلبي لج وولابوه
والله يتمم عليج هالحمل يارب وتولدين بالسلامه يااااااااااارب

 

[ملــحْ !]

الله يتمم عليج ويرزقج الذريه الصالحه


سوال عرض

بتوقيعج شيبرد شفيه شيصير فيه يمووت ؟:eh_s(2)::eh_s(2):

 

[QYtiya.com]

امتار عسى الله يثبته لـــج ويقر عيج بشوووفته يااااااارب

 

[shak!shoka]

شنو كان سبب اجهاضج ؟؟

الله يثبت حملج و يفرح قلبج و يعوضج خير حبيبتي

 

[الحرير]

الحمدلله على سلامتج حبيبتي
والله يثبت اللي ببطنج ان شاء الله ويرزقج الحمل التام ٩ شهور وتفرحين بالمولود ان شاء الله
ويرزقنا وياج الولادة الطبيعية السهلة اليسيرة ان شاء الله

 

[amtar]

مشكووووورين بنات والله احرجتوني صج وماقصرتووو ياااارب
ويسهل اموووركم كلها ويرزقكم من خيره يااااااااااارب
ويحقق لكم كل اللي في بالكم ان شاءالله

اللي سالتني عن شيبرد لا طبعا ما يموت اهني بالجزء السادس شكلج ما شفتيه لين الحين لوووول

واللي سالتني عن سبب الاجهاض طول عنق الرحم عندي قصير علشان جذي ما يتسحمل الثقل وينقص لين ما يتبطل الرحم
الله يحفظكم ان شاءالله ويسهل على الحوامل يااااارب وبعدهم عن كل اذى يارب

 

[غلا عيوني]

الله يثبته لج يارب

 

[noof nasser]

الله يثبته ان شاء الله ويسهل عليج