هلا وغلا فيج حبيبتي والعفو ما سويت شي
اصلا وانا اكتب الموضوع نسيت عمري ههههههه
يالغالية اللي عندج حوض صغير يعني صبي الماي منه (خفيــــــه ) لي الربع
وتالي حطي ماي من الحنفية العادية
واذا كان عندج دوا اللي حق الكلور حطي شوية واذا ما عندج عادي لان هالنوع مو حساس وايد مثل سمك الانجل
والماي كل يومين غيريه عشان لا يتوصخ وعشان تجديد الاوكسجين
وما يحتاج فلتر ولا مضخة لانه زجاج وصغير
الزجاج تقدرين تقزرين فيه بدون مضخة اكسجين
في طريقة استخدمها اذا الحوض صغير واذا عجبتج سويها
طبعا وانتي بكرامة وصخ السمجة راح يكون بين الصخر
وهالصخر نوعه خفيف يعني لي حطيتي ماي راح امممم شقولج يتدربح خخخخخخخخخخخخخخخخخخخخخخخخخ ما لقيت غيرها
فخلي الحوض تحت الحنفية شوية ولما تشوفين الوصخ طلع لي فوق فرغيه شوية شوية عشان السمجة لا تطيح
هو مو تعذيب بس عشان درجة الماي لا تتغير على السمجة مرة وحدة
الحين الماي اوكي بس بالصيف ديري بالج الماي الحار اول شي يخليها تفرفر وتالي تفنقش
احنا نفرفر من الماي فشلون هالفقيرة
اذا تشوفينها صعبه حطي السمجة بجيس نظيف مع شوية من الماي اللي بالحوض وخليه على صوب
وفرغي الحوض على كيفج وغسليه ويا الصخر بدون صابون
ولما تخلصين حطي ماي بالحوض وردي السمجة بالماي بس هااااااااااا
حطي الجيس بالحوض لمدة خمس دقايق وتالي خلطي اشوية من ماي الحوض وخليها 5 دقايق وتالي فرغي الجيس بالحوض
في وحدة من الخوات قالت ان اذا عندج فلتر فما يحتاج اكسجين
فهالكلام مع احترامي لها مو صحيح
الفلتر ينظف الماي من الوصخ
لكن المضخة تجدد الاكسجين وكل واحد له دور
ولو ان المضخة اهم من الفلتر
واذا اي شي تبين افا عليج حاضرين للطيبين خيتووو
