سنغافورا و ماليزيا ... ممكن تقسيم المدن !!

[sa.rona]

ان شاءالله بسافر مع زوجي شهر 8

4 ايام سنغافورا و 10 ايام ماليزيا

شرايكم وين نروح لمدن او جزر تكون فيها سياحه و سوق و مطاعم

و بغيت كل مدينه او جزيره مع الفندق الافضل عندج ويكون كل شي قريب من الفندق يعني موقع استراتيجي

ومشكووريين

اول سفره مع زوجي من بعد دبي يعني اول سفره اجنبيه وانا مخططه الرحله وبغيت مساعدتكم.

 

[Dana2012]

والله ودي افيدج بس انا مثلج حاجزة اربعه ايام سنغافورة واول مرة اروحلها

وعن ماليزيا رايحتلها قبل 6 سنين ماذكر عدل
بس سكنا بالماريوت جنه بشارع اسمه بوكبنتا

ولا تطوفج جنتنق عجيبه فوووق الجبل يعني تقعدين فيها 3 ايام او يومين حلوه وباااااردة لانها فوق قمه الجبل​

بس ماذكر بعد اشياء وايد​

 

[** آية من الجمال **]

sa.rona - Dana2012

أنصحك بتجمع ماليزيا العام 2012 رووووعة شوية عليه تقرين وتغوصين فيه ما تخلصين هذا غيرتقارير البنات المصورة مثل الهنوف وكوكاكولا ووواااااااااايد غيرهم بس هذا إللي يحضرني لأن من زماااان ما طليت عليهم بس نفس ما قلتلك شوفيهم وعندك وقت إن شاءالله كافي

وعن تجربتي إن شاءالله أقولك وين رحت الهوتيلز والجزر بس لأني بطلع الحين بس إن شاءالله ليتر أتفضى وأكتب لك بس نفس ما قلتلك طلي على التجمع السابق حق ماليزيا روووووووووووووووووووووووووووووووووعة كان بتفاعلنا والحمدالله

تحياتي

 

[Alrem_q8]

احسن المناطق السياحيه في ماليزيا ١) العاصمه كوالالمبور
٢) لنكاوي
٢ ) بياننج
٤) جنتنج


اذا عشر ايام خلي اربع ايام كوالالمبور و ٣ ايام لنكاوي و ٣ ايام بياننج
ومن الاربع ايام اللي بكوالالمبور يوم روحي من الصبح لي المغرب جنتنج هاي لاند مدينة ملاهي حلوه وع الجبل وبااارده
وبعد عندج منتجع الصن واي لاجون بولاية سيلانجور في مدينة العاب مائيه رائعه وحديقه
وفي منتجع القولد هورس




بالنسبه لسنقافورا
في جزيره جميله جدا اسمها سنتوزا لابد من زيارتها
اربع ايام بسنقافورا ومن هالاربع ايام روحي لجزيرة سنتوزا من الصبح لي الليل
ويفضل انج تخلين مدة الاقامه بسنقافورا خمس ايام اذا تقدرين
يومين بجزيرة سنتوزا لان مايكفيها يوم و ثلاث ايام بوسط سنقافورا


وبالنسبه للفنادق فهي كثيييييره جدا وتختلف من حيث عدد النجوم والاسعار

 

[أم سيف وسلطان]

في وايد تقارير موجودة بتستفيدين منها

 

[M!SS.LOBY]

تروحين وتردين بالسلامة

 

[Canon~]

كوالالمبور خليها ٤ ايام وانا سكنت بشارع العرب بفندق الماريوت حلو

وسلانجور تبعد عن كوالالمبور ٤٥ دقيقه بالتاكسي وسكنت بفندق الخيول الذهبيه حلو بس احسه قديم شوي وحاطيين صور المشاهير اللي سكنوا فيه


لنكاوي خليها يومين الشيراتون حلو والجزيره هاديه ورومانسيه


بينيج خليها يومين فيها السوق الليلي وحديقة الفراشات والزهور والطيور والشلالات


وسنغافوره مارحت لها الله يكتب لي سفره قريب لها


واي استفسار انا حاضره


دعووواتك