سواد قوي حييييييييييييل بالرقيه

[Angel Q8]

السلام بنات

بنات رقيتي من ورا فيها سواد قوي حيييييييييييل


احسه مو بسهاله يروح لان جربت كريمات ماراح

شسوي

انا ناويه اشتري خلطه بوسالم اشرايكم

 

[غيمه ظميانه]

انتي يمكن فيج نقص فيتامينات حبيبتي نقص البيوتين يسبب سواد خاصه بالرقبه والاكواع الركب والافخاذ

اول شي اهتمي بالتغذيه وابتعدي عن الدهون واخذي فيتامينات من الصيدليه تحتوي على ماده البيوتين


وبعدين استخدمي خلطه الصابونيه لرقبتج وسوي حمام مغربي وركزي عليها وكل يوم بليل حطي جلسويد مع عصير ليمون ونامي فيه يوميا يوميا

وبتشوفين الفرق


خلطه بوسالم ما اعرفها صراحه

 

[Angel Q8]

تسلمين غيمه بس انا الحمدالله مافي سواد بجسمي الا اهني لان شعري طويل ويحك برقبتي على طول من ورا فسبب سواد

ابي خلطه قويه وزينه ماتعرفون

 

[أنفاسي دخون]

ما عندي فكرة والله

ان شاء الله البنات يفيدونش

بس جربي تنظفينها بالاسكنول مرتين باليوم ورطبيها

 

[hano0oda]

بو سالم واااايد يمدحونه ناس اعرفهم شخصيا واايد فرقو مع استخدامه اللي اهو كويتيات حاليا

 

[فراشه]

عليج بملح اليوكو عجيب لسواد

 

[منانا]

ان شاء الله يفيدج كريم كويتيات بو سالم سابقا

وشوفي تجارب البنات بالرابط الي بتوقيعي في بعضهم كانو يعانون من نفس مشكلتج


الله يوفقج يارب

 

[أم الذرابة]

رطبيها بعد استخدام الليفة
بس لا تستخدمين الليفة بشدة لأن جلد الرقبة حساس
ولا تستخدمين العطور على الرقبة

 

[Miss.KSA]

حبيبتي لايضيق صدرك
اول شي
ابتعدي عن العطور ولاترشينها مباشره على رقبتك
ابتعدي عن السلاسل فترة
اذا انتي محجبه حاوولي ماترصين الشيله على رقبتك وحاولي تستخدمين شيلة قطنيه خصوصا وقت الصيف

وعليك بالخلطة الصابونية

تفركي فيها وقت ماتتروشين
اهم شي انك ماتفركين الرقبه بليفه خشنه ترا كثر الفرك يسبب سووووواد
لأنك قاعده ت تخدشين البشره فالبشره تتاثر وتحمر يعني مو نظافه لا راح يقلب سواد
فانصحك بليفة بودي شوب القفازات

مشيها بلطف على رقبتك وباقي جسمك

ثاني شي
باليل قبل لاتنامين امسحي رقبتك باسكينول كلاسيك الشفاف

وخليها تنشف بعدها حطي هالخلطه..

الخلطه عباره عن
(كريم الجلسوليد الأحمر المدور 250مل + فنجان نشاء + فنجان ماء ورد)
اخلطيهم زين وكل يوم باليل دهني فيه رقبتك رووووووووعه يمص السواد كله
هالخلطه روعه لاريحه ولازيوت ولاتوصخ ولا تاخذ وقت وبتشوفين مفعولها سحري

وعلى فكره ترا هالخلطه تنفع ل
الرقبه - الابط - بين الأفخاذ - المنطقة الحساسه - الركب - الأكواع - اصابع القدم
ترطيب وتفتيح فوري فوق ماتتصورين

ملاحظه:
( تقدرين تستخدمين الأسكينول كل يوم على وجهك ورقبتك وابطك وكوعك وركبك واصابع قدمك
بالقطنه تمسحينهم .. وبعدها ترطبين المنطقه)
"بس لاتحطين الأسكينول على المنطقه الحساسه"

واهم شي ترطبين جسمك ورقبتك كل مره بعد ماتتروشين

دعواتك ياعسل

 

[حراير.]

اب

اب

 

[زعفرانه]

حبيبتي سنفريها بشويش ولا تجرحينها وبدين رطبيها.......
جربي جليسوليد +جلسرين سائل +ليمون


وجربي فيد اوت بالليل واستمري عليه وان شاء الله بتحسين بالفرق

كريم بو سالم ما اعرفه والله

 

[مهناز]

نفس مشكلتي يا قلبي

 

[dla3_princess]

والله ماادري حبيبتي

تفرركي بووقت السبووح

و لما ترردين من طلعه او دوااام مسحي بإسكينوول

و حطي كريم تبيييض او مرطب قووي

انا جربت كريم بوسالم ماادري ماحسيته فاادني كللش

بس في ناااس مشى معاهم نتايجه حلوة ..


موووفقه ياااااااااارب

و ان شااءالله تلقين كريم ينفع و قوووي و نتااايجه حلووة

سمعت بصيدليه كوكو بالسالميه عندهم خلطاات تبييض عجييبه

قريت بالمنتدى حيييل يمدحوون خلطاتهم ..

 

[*صاحبة السمو*]

والله هالشغلات يبيلها طوووووووولت باااااااال
والشغله مو عندي للأسف
بسرعه امل

 

[ام مثاليه لابسه ترجيه]

اسكينول وحطي فيه نشا وكل ماجيتي من الدوام والا طلعتي والا بالبيت تمسحي فيه

ماشاءالله حلوووووووووووووووووووووو

 

[Dr.Nouf]

انا رفيجتي كان فيها ، راح بالإسكينول كل يوم تحط

 

[بعيون مغليك]

سواد الرقبه = متن +احتمال اصابيه سكر

كلام اطباء وكان فيني ورحت كل مكان اخر شيء قالوا سمنه وضعفت واختفى نهائي

 

[::كيك وعسل::]

يمكن احد الاسباب السمنه والحمال
@@

 

[&موناليزا&]

رفع لعيون صاحبة الموضوع

 

[مزيونه وشقره]

جربي الخلطه الصابونيه يوم وترك او يوميا


ويوميا بليل مسحي المنطقه باسكينول وعقبها رشي ماي ورد


ولاتفركينها حيل


واستخدمي سنفرة العروسه يوم وترك او سنفرة كاب


واهم شي الاستحمام يويا لتوحيد اللون



مع تحياتي ياحياتي

مزيونه وشقره ​