سوره البقره تخنقني تعالوا فهموني شيصيرلي

[Drama.Queen]

السلام عليكم ورحمه الله وبركاته


خواااتي الله يخليكم لي صج اني ماعرف اشكالكم ولا اساميكم الصجيه بس الله يعلم شكثر ارتاح لمن ادخل هالقسم واكتبلكم


بنات لاتلوموني ترى والله انا مو قادره احس بنفسي لي درجه فكرت استشير دكتور نفسي


انا صارتلي مشاكل ولاقدرت اتخلص منها بس قلت بتقرب من ربي عسى انه تنفرج علي تقربت بس بسوره البقره فتره وبطلت اقراها

والحين رجعت بس اقوى من قبل استغفر واذكر ربي وجذي


صارلي الحين تقريبا فوق الاسبوووع اغصب نفسي اقرا سوره البقره يومياااا




بنات خنقه خنقه مو صج عقب ما اقراها بتقولون اكثر من قبل لا تواضبين عليها بقوولكم اييييي


اليوم قعدت قبل المغرب بشويه من النوم مستاااااااااااااانسه صليت المغرب وقريت سوره البقره واااي العكس تماما مختنقه ولا ادري شسووي

حتى طريقه النسم مالتي تختلف فجاه تلاقيني اتنفس جنه وحده بتغوص ولا وحده توها طالعه من تحت الماي وبتاخذ نسم

حتى بنات الدوام فجاه يلقوني جذي اخذ نفس يسالوني شفيج؟؟؟ مادري شنو ارد

وبليل قبل النوم هالاعراض يديده بطني يحرقني وقلبي احس انه يرقع



اشوف اشياء بس احسبها شي ثاني ذاك اليوم بالحمام شفت الصابونه انها برتقاله لا حد يسالني شلون !!!

اقعد من النوم احسب اني في مكان ثاني اطالع اقول انا شنو يايبني هني !!!


بنات انا خايفه نصحووني شنو اسووي متضايقه على روحي وايد انه يصيرلي جذي ولا عارفه اني اساعد نفسي



ودي ودي اييلكم وابشركم انه الله فرجها علي وانه كل شي انحل اتمنى هاليوووم ايي بسرعه

 

[عصير ليمون]

السلام عليكم أختي هذا ابليس يمنعك عن قراءة الصوره
تعوذي من الشيطان الرجيم
واستعيني بالله
وتابعي قراءتها
فالشيطان يجري مجرى الدم في بني آدم
والله المستعان

 

[Drama.Queen]

عصير ليمون

ان شاءالله اختي هالمره عاااد باذن الله ماراح اقطعها


دعواتكم

 

[توفيه لاموره]

حبيبتي الله يشفيج يارب استمري علىسورة البقره 40 يوم لاتقطعين
ولاتنسين الاذكار الصباح والمساء ودايما اسمعي الرقيه شرعيه
خليج اقوى من شيطان لاتوسوسين وتوكلي على الله وان شاء الله مافيج شي

 

[OM-TURKY]

هذا ابليييس اعوذو بالله منه. مثل ماقالوا البنات تعوذي من ابلييييس اهوا اللي قاعد اضايقج وتفااااااءلي والله انا قبل اذا صارتلي مشكله ما اتفاءل وافكر اب اشياء سلبيه . وهذا اكبر غلط قووولي انا عندي ررررب خلق العالم كله هذا والناس والمشاكل والحلول ما اتفاءل وابتسم ؟؟

ابتسمييييي واقري البقره باستمرار والادعيه الصباحيه والمساءيه مهمه وايد واستغفري واااااااايد . طوووول مانتي قاعده او قبل لا اتنامين اقري سورة الملك. او المعوذات والكرسي. سهلييين و يريحوووون.

واذا عندج ماي زمزم ادعي وشربيه .

عسى الله يفرج همج ياااارب ويبعد عينج عيون الناس.​

 

[المطمئنه]

أختي الله يشافيج ان شاء الله و ما تشوفين شر ... و هذا حال الناس محد ما تضرر من شر الشياطين و أذاها - نعوذ بالله منهم -
لأنهم عرفوا انج على طريق الحق و الله باغي لج الخير ان شاء الله بس استمري و لا تيئسين . أنصحج اذا كلش ما تقدرين تخلين مصحف تحت راسج لما تنامين و قناة المجد للقرآن الكريم تقرى عليج و انتي نايمه أو اذاعة قرآن و اشتري أشرطة سورة البقره و آل عمران و شغليها مره صباحا و مره مساءا و صدقيني الله بيفرج لكم ان شاء الله و يبارك لكم و يزيدكم لأن الشيطان ينفر و لا يقرب البيت و لا أهل البيت الذي تقرأ فيه سورة البقره مره كل ثلاثة أيام " سورة البقره أخذها بركه و تركها حسره و لا يستطيها البطله - أي السحره -"الدين يسر و الله سبحانه قال : { و لقد يسرنا القرآن للذكر فهل من مدكر } و أكثر شي ممكن يهدي نفسج بعد هذا هو طبعا أذكار الصباح و المساء اللي يغفل عن فضلها و بركتها كثير من الناس فمن فوائدها أنها تقي الشرور و الآفات و كما نعرف " الوقايه خير من العلاج " " ما أنزل الله داء الا أنزل قبله دواء , عرفه من عرفه و جهله من جهله "ما راح تاخذ من وقتج أكثر من خمس دقائق صباحا و خمس دقايق مساءا بعد العصر تلقينها ياليوتوب . و الله ان شاء يكون معاج . بس مهما تسوين استمري و لا توقفين .
سلام

 

[اشلون يعني &]

ماتشوفيين شر حبيبتي
تعرفين دكتور بشير الرشيدي هو دكتور للمشاكل المهم جاته فتره يبي يتعلم مهنة الملي يقرا على الناس وراح يتعلم من مطوع
لمطوع وقعد سنين يزاول معهم المهنة المهم استنتج من مزاولتها انه 99 و9 من ميه كلها امور نفسيه وعقليه

لانه الانسان يضعف مرات عقلج يضعف ويتخيل شغلات لانه العقل مو على طول شغال
مرات جهازج التنفس مع القراءه يتعب
مرات الحاله النفسيه تخليج تتاثرين

فمو شرط شيطان

العمل
اقري قران للتقرب لله لوجه ثم الشفاء وونسي عمرج واسترخي وحل مشكلتج بالتصالح مع النفس

 

[مفرفشه عالاخر]

دام قلبج يرقع يمكن فيج مس

او عين او سحر

نفس الاعراض تجيني لما اقرا سورة البقرة

عوااااااااااااااااااار مو طبيعي بعظامي ماقدر انام منه وعوار بعظام صدري

بس دام حسيتي بهالاعراض معناته انه بدييتي تستجيبين للعلاج والشيطان بدا يضعف استمرررررررررري ولا تقطعين لأن اذا قطعتي ورجعتي تقرين بدون ما تشافين من المرض الروحي عين او مس او سحر بيصعب عليج اكثر وتزيد الاعراض

انا مثلج هالايام

نزلي عندج سورة يوسف والنور والصافات والرحمن والبقرة وشغليها على طول مانتي بالنت او طول اليوم

انا اول 3 ايام كنت اتعب حيل مانام من العوار بعدها احس اوكي

دعوااااتج للحين الضيقه تروح مني وترد

 

[Drama.Queen]

الله يفرج عليكم ياخواتي ويباركلكم


ماقدر اسمع قران اتضايق


بس اشغله بغرفتي واطلع

الحين انا مشغلته بالبيت ويايه الدوام لمن اطلع من داري اشغله بس مااشغله وانا بالغرفه مااتحمل بس اتحمل اني انا اقراه

 

[مهندسسة]

الله يشفيكي ويعافيكي ويفرجها عليكي

حبيبتي من اعراض الحسد والعين
انه عند قراءة سورة الببقرة بتحسي بعدم راااحة وضيقة وممكن تصير العيون تدمع او الشعور بالنعاااااس


استمررررري ولا تستلمي للعين والشيطان اعوذ بالله من الشيطان الرجيم

 

[الريشة]

أختي إذا كان فيج عين أو حسد راح تحسين أثناء قراءة القرآن خصوصاً البقرة و الرقية الشرعية بأن قلبك يرقع ، لأنك قاعدة تتحسنين من القراءة و قاعدة تتشافين إن شاءالله بس لازم تستمرين على الأشياء هذي لمدة 6 شهور على الأقل عشان تضمنين إنك طبتي:
1- اقري البقرة كل يوم أو كل 3 أيام إذا ما تقدرين و لما تخلصين نفثي في كوب ماي و يفضل زمزم و شربيه.
2- اقري الرقية الشرعية كل يوم و نفثي بالماي و شربيه.(تفضلي هالموقع أخذي منه الرقية و طبعيها ):
http://ruqya.net/how.html
3- اقري نفس السور اللي قلت لك عنها في زيت زيتون و نفثي عليه و دهني جسمك كله قبل النوم.
4- يفضل إنك تاخذين جزء من الماي المقري و تحطينه في طشت كبير و تزيدينه ماي من الدوش مع إضافة 7 ورقات سدر طازج من الحواي و تدقينهم بين حجرين و تنقعي فيه و صبيه على جسمك كل يوم.
5- دفعي صدقات وايد لأن الصدقة تعجل بالشفاء و باستجابة الدعاء.
6- قولي أذكار الصباح و المساء و أذكار قبل النوم.
و إذا كنتي شاكة في ناس حاسدينك ، أخذي من أثرهم لما يزورونكم في بيتكم ( أخذي استكانات الشاي عقبهم أو الكاسات اللي شربوا منها و على طول نقعيهم في طاسة ماي و حطيه في طشت و زيدي عليه ماي من الدوش و تسبحي فيه) و كرري هالشيء كذا مرة إذا أمكن ، و إذا هم حاسدينك راح تحسين بعد السبوح بألم في راسك أو شد عضلي في جسمك لأن آثار العين قاعدة تطلع منك.

 

[Drama.Queen]

ان شاءالله راح اسوي جذي



بنات سوري على هاللفظ بس اليوم طلع بلغم في خيوط سوووده !!!

 

[صغيرونة]

عسى الله يفرج همج يارب ويبعد عنك عيون الناس.

 

[Drama.Queen]

مشكووره راح استمر باذن الله وماراح اقطعها

 

[الريشة]

أحسن طلع منك هالبلغم و هذا دليل شفائك من قراءة القرآن.
استمري حبيبتي و إن شاء الله تصيرين أحسن و أحسن و الله يرزقك كل خير يا رب.
و طبقي الكلام اللي دزيت لك إياه بالموقع اللي رفقته لك من النت و لا تتكيسلين بالقراءة..... ترى كيد الشيطان ضعيف...
قال تعالى:
" و قل جاء الحقُ و زهق الباطل إنّ الباطلَ كان زهوقا * و ننزل من القرآن ما هو شفاءٌ و رحمةٌ للمؤمنين و لا يزيد الظالمين إلا خسارة "

 

[Drama.Queen]

يااااحياااتي الريييشه قاعده اطبق

الله يوفقج دنيا واخره

وجزاج الله خير

 

[BLack doll]

الله يفرج عليكم ياخواتي ويباركلكم


ماقدر اسمع قران اتضايق


بس اشغله بغرفتي واطلع

الحين انا مشغلته بالبيت ويايه الدوام لمن اطلع من داري اشغله بس مااشغله وانا بالغرفه

يتلي نفس حاتج تيلي فترات احس راسي يصدع لمن اسمع قرآن ولا اني حيل اتضايق مع العلم اني حيــــــــــــــــــــــــــــــــــــــــــــــــــــل التزم بصلاتي كل صلاة بوقتها إلا الفير استغفر الله مو دايماً اصليها بوقتها ,, بس دايما اصلي بوقتها من يأذن اروح اتوضى واول ما يخلص الاذان اصلي على طول ومواضبه على الاذكار (( الاذكار لو شنو ما استغني عنهم ))

ردج حيل ذكرني بنفسي أخاف لمن تيلي الحاله اني مو قادرة اسمعها فأشغلها واطلع .. ولمن ارد ارتااااااااااااااااااااح .. بس اشوى الحمد لله الحين احس نفسي وايد ابي اسمعها .. الله يهديني واواضب على قرايتها .. هالسورة بالذات احبها حب مو طبيعي حيـــــــــــــــــــــل مريحة

وهذا اللي يخوفني لمن تيلي نفس حالتج اخااااف :eh_s(11):

الله يوفقنا ويعطينا على قد نيتنا ويرزقنا الخيرويشافينا ياارب

ويرزق كل بنات المسلمين