سوق فلوريدا

[toooota2404]

السلام عليكم بنات قررت اروح فلوريدا بدال كاليفورنيا :eh_s(6):
بس ودي اسال اللي رايحة فلوريدا ابي اعرف احلا و اهم الاسواق و المجمعات اللي عندهم ؟

 

[توشيبا]

و انا بعد خاصة الاوت لت مول سمعت ان في اوت لت وايد رخيص

 

[bnt q8 in usa]

اهلين حبيباتي اهو في اوت لت بس الله يكون بعونكم تري فلووو وايد وايد غاليه التاكس مالهم نار انا رحت دزني لاند داخل كل شي غالي رحت وول مارت اشتريت 8 تفاحات طلعوا علي ب 15 دولار وهذا غير اللبس الي عندهم يعني باختصار غاليه ........................شوفوا ولايات ثانيه خلوا فلو حق دزني وبوش جاردن

 

[toooota2404]

عاد انا اللي سمعتا انها واايد رخيصة من ارخص الولايات بامريكا :eh_s(22):
اما بالنسبة حق الديزني فصح كلامج داخل الديزني المحلات غالية اما اللي برة العكس

 

[bnt q8 in usa]

لاياقلبي فلو معروفه اهي غاليه ويا نيويورك ولوس انجلوس وبوسطن لانه تاكسهم نار

 

[rawona]

انا بالنسبه لي عندي فلوريدا وايد عيشتها زينه و ارخيصه .. تاكسها بس 6% جنه ما يفرق وايد عن تاكس الولايه اللي كنت عايشه فيها "متشغن" بس صح ديزني غاليه الاكل داخل غالي حتى المشتريات غاليه .. هذا بالنسبه لاورلاندو بفلوريدا مادري عن ميامي و باجي المناطق بس اعتقد جنه نفس الاسعار .. و بالعكس الاوت لت مالهم حددددده عجيب اموووووت فيه ... كل شي فيه و باسعار مناسبه ما اقولج اللي بو دينارين 3 لالالا طبعا بس بالنسبه لي مناسبه وايد ... و مولهوم الرئيسي بعد سو كووول .. انا رحت اورلاندو فلوريدا 3 سنوات ورا بعض و كل ما افكر اروح ولايه غيرها .. تفوز عندي فلوريدا ... اعشقها لانها عائليه الكبار و الصغار يستانسون فيها و في ديتونا بيتش او ميامي للي يحبون البحر و الحدائق و ديزني و الاماكن اللي فيها العاب ترفيهيه .. و فيها اسوقه عجيبه يعني الواحد ايروح يغسل جبده و يرد
انشالله تستانسين و اهنين فيها و اتردين بالسلامه :eh_s(15): ​

 

[toooota2404]

يعطيكم العافية روونة و بنت الكويت ان يو اس
بالنسبة حق كلام روونا هذا اللي سمعتا من غالبية الناس و انا كنت رايحتلها لكن من فترة فقلت يمكن في شي تغير
و عالعموم ما قصرتي حبيبتي كويتية ان يو اس على النصيحة
بس من خلال اللي اللي انتي شايفتا اي ولاية بنظرج نفس مستوى الترفيه اللي بفلوريدا و ارخص ؟؟

 

[toooota2404]

يعطيكم العافية روونة و بنت الكويت ان يو اس
بالنسبة حق كلام روونا هذا اللي سمعتا من غالبية الناس و انا كنت رايحتلها لكن من فترة فقلت يمكن في شي تغير
و عالعموم ما قصرتي حبيبتي كويتية ان يو اس على النصيحة
بس من خلال اللي اللي انتي شايفتا اي ولاية بنظرج نفس مستوى الترفيه اللي بفلوريدا و ارخص ؟؟

 

[girl_in_abottle]

هاااي
اذا بتروحون اخذوني معاكم :eh_s(7):

انا من ييت امريكا ماطلعت
الحين اكو ولاية اغلى من سياتل؟؟

انا ولايتي حيييل راقية
فيها اكبر شرتين بالعالم
بوينج و مايكروسوفت
اشعلي بيل غيتس جاري :eh_s(3):

والله امريكا اطلعت غالية مو هينية
و اعتقد كاليفورنيا اونس و احلى من فلوريدا
حتى ديزني مالتها احلى

 

[rawona]

شوفي حبيبتي ... امريكا كلها ترى نفس الشي .. وهذي اخذيها مني عن خبرة 6 سنوات في امريكا .. وايد ولايات حلوه وفيها مولات و اسواق عجيبه .. بس يعتمد انتي رايحة حق شنو؟ سياحة؟ علاج؟ تسوق؟ احسن مكان بالنسبه لي يجمع مابين الوناسه و التسوق "فلوريدا" من غير منازع .. و هم كاليفورنيا عجيبه و تونس .. بس الاماكن الترفيهية اكبر و احلا في فلوريدا و بالاخير الراي لج طبعا .. اتمنى اني اكون اندتج :eh_s(9): ​

 

[toooota2404]

:eh_s(6): مشكورين حبيباتي جيرل ان ابوتل و روونا
حياج معانا جيرل اهو في احلا من امريكا
و روونا انا اتفق معاج بالراي لاني رايحة سياحة و سوق فالانسب فلوريدا و لما دخلت سايت ديزني لقبت ان اللي بفلوريدا اهي الاكبر
عشان جذي انا قلت اللي رايحة فلوريدا الفترة الاخيرة و تعرف اهم الاسوقة و المولات هناك يايت تفيدنا

 

[toooota2404]

:eh_s(17):

 

[New Mum]

خبريي فيها من جم سنه احسن شي تأجرون سياره و تروحون فيها كل مكان
وانا خبري فيها رخيصه وايد و عندهم مول اسمه فلوريدا مول هذا بس اللي خبري فيه بس يونس كبير وايد

 

[toooota2404]

مشكوورة حبيبتي نيو وم عالرد و هذا نفس اللي انا سمعتا

 

[xtraCooL]

milleinum mall
premium out lit
اختي ترا اذا بتاخذين فندق يم ديزني اورلاندو اكيد بكون 5 ستار وفيه انفورميشن ديسك وبيعطونج خريطه فيها كللللللل المولات ونتي طبي واختاري مايحتاي تسألين بس حيلج بالاوت لت ارخيص وحلوو بالنسبه حق المولات العاديه

 

[toooota2404]

يعطيج العافية حبيبتي اكسترا كول و صح كلامج هناك الواحد ما يظيع
بس قلنا نستفيد من المجربين يمكن يعرفون اماكن التنزيلات و الاماكن الزينة :eh_s(6):
و مشكورة مرة ثانية على الرد

 

[babloo]

بنات شنو الاوت لت هذا وايد قلتوا اسمه ومادري شنو اهوا علموني ترى بروح امريكا

 

[toooota2404]

أعتقد من اللي فهمته من كلام البنات ان مكان في ستوكات و لا تنزيلات اعتقد جذي و اللي عندها معلومة اكيدة يا ريت تصحح لنا :eh_s(17):

 

[الجوري74]

صح كلامجtoooota2404
محلات يبيعون فيها الاستوكات بس شنو اشياء حلوه ومو قديمه حيل
حق كل المحلات اللي بفلوريدا مول وملينيا وبصراحه انا اكثر شي اشتري منهم لانه جذي والا جذي كله يديد بالنسبه لنا وارخص.....وهم مو كله ارخيص

 

[rawona]

صح كلامجtoooota2404
محلات يبيعون فيها الاستوكات بس شنو اشياء حلوه ومو قديمه حيل
حق كل المحلات اللي بفلوريدا مول وملينيا وبصراحه انا اكثر شي اشتري منهم لانه جذي والا جذي كله يديد بالنسبه لنا وارخص.....وهم مو كله ارخيص

هااااااااااي ..

هم ردينا لموضوعاتج عن المولات يا توتا ... شفتي شلون؟؟ :eh_s(20):

وصاجه والله الجوري الاوت لت مو كله رخيص ولا قديم حيل يعني مثلا اذا رحتي شهر 6 تلاقينهم مسوين تنزيلات على بضاعه الشتا او بضاعة الصيف العام يعني مو وايد قديم ..

و الشغله الثانيه اهو صج ارخص بس هم مو ارخيييييييص!!! يعني اوكي انا دخلت اوت لت bebe لقيت عندهم شغلات وايد حلوه و ارخص من محلهم اللي بالمول ليش البضاعه يعني نوعا ما قديمه فمنزلين اسعارها بس هم مو هينين .. يعني لنفرض اذا كان عاجبج مثلا نفنوف منهم و سعر النفنوف الاصلي من غير تنزيلات امممم لنفرض 280 دولار .. تلاقينه عندهم مثلا اب 140 هم مو هين يعني بو 50 دينار بالتنزيلات !!

مادري ليش بنات وايد علبالهم اوت لت يعني اسعار اي شي .. المقصود فيه تنزيلات على بضاعه قديمه حق هالمحلات .. اي اوت لت Gap ارخيص اقولج اييييييييييي عادي تحصليلج قطع على 6 دولار !! والله انا مره شريت منهم جنطتين سبورت والكل سألني عنها اقولهم من gap وينصدمون لما يعرفون ان سعر الجنطه ب 6 دولار يعني دينارين تقريبا :eh_s(3):

و في مثلا بالاوت لت محل فرساشي و ديورو بيربيري و coach و فندي صج منزل بالاسعار بس ناااااااااااااااار لانهم ماركات و مو منزلين وايد من اسعارهم بس تلقطون منهم شغلات حلوه..

وااااااي شوقتوني اروح الحين اتسوق :eh_s(13): هيهيهي يالله متى ايي شهر 8 :eh_s(3):

جاو:eh_s(20): ​