سونار الحوض

[ام خدود ورديه]

السلام عليكم

بنات بتي صار عمرها شهر وعندها موعد بدار الشفا حق سونار للحوض عشان يشوفون اذا فيه خلع ولا لأ
وانا اكره هالمستشفى عقب اللي سووه فيني وماودي اوديها
اهيا ماتشتكي من شي الحمدالله اجيس ريولها وامدها عادي ساكته
لازم اسويلها هالسونار دقيت قالولي هالسونار روتيني حق كل المواليد نعطيهم موعد اعطيهم طاف ولا اروح؟

 

[*ماي الورد*]

سويه احتياط
لان المولود كلما كان صغير سهل تعالجينه و كلما كبر وفهم ما يتقبل العلاج
و ان شا الله ماكوا الا العافية

 

[Fashion Falls]

الافضل تسوييينلها سونار لو باي مستشفي ثاني

 

[سموره 87]

ضروري تسوين السونار حق البنت موشرط تسوينه بدار الشفا سويه بأي مستشفى ثاني انا سويته حق بنتي برويال حياة

 

[noo7a]

سويه احتياط
وحده تصيرلي بنتها فيها خلع
لازم تلبسها حفاضتين فوق بعض
وما قمطتها
والدكتوره قالت لها عادي هالشغله صارت شايعه بالمواليد الحين
و سهل علاجها

 

[أنفاسي دخون]

سويه احتياط وانا اختش وان شاء الله مافيها الا الخير

 

[@ام يوسف@]

انا سويت حق عيالي بالحكومه مركز شيخان الفارسي

 

[manhattan girl]

ليش طاف ؟؟ لا وديها و انشاء الله خير

 

[فديت حبايبي]

نصييييحه لوجه لله سووويه وعلي فكره انا بنتي قاعده بطني غلط و والدتها قيصريه ومن
وهي فبطني قالوا ان فيها خلع ولما تمت شهرين سويتلها سونار بمستشفي مبارك قالوا نافيها شي
ويون تمت ٣ شهور وشي موعدها بشيخان الفارسي ما بين فيها بالاشعه شلووووون بين
بين بالفحص الدكتور حرك رجولها صوب الحوض وعطاني موعد عقب يومين وفعلاطلع خلع
وشهرين حفاظتين وعقبه مافاد حطولها جهاز ٦ شهور دائم وعقبه شهرين وشي جهاز بس وقت
النوووم
لاتخلين بنتج وديها لحكومة احسن ولله يعينج عالمواعيد
وادعيلي باللي تحبين ولله يطمن قلبج

 

[ام خدود ورديه]

السالفه مو سالفة حكومه ولاخاص انا هالمستشفى سوو فيني حركه فكرهتهم

والحمدالله سويتلها بمستشفى الامومه ومافيها الا العافيه مشكورين