سويت ابديت ... وابتلشت؟؟؟

[فري كويت]

السلام عليكم

المشكلة باختصار

طلعلي اب ديت حق انترنت اكسبلولر 8 وظغطت اوكي

والحين ابي ارجع الانترنت مالي للقديم .... هذا مزعج وما فهمتله

شلون الغي الاب ديت

جزاكم الله كل خير

 

[بتبوتااا]

ووي ياليت اقدر اساعدج للاسف ما عندي فكره انا نفسج سويت تحجيث حق الماسنجر ولاعت جبدي منه ابي القديم مو عارفه ,

 

[فري كويت]

تسلمين على الرد


وياليت اللي تعرف تساعدنا

 

[فلهوية كمبيوتر]

حبيبتي

سوي استعادة نظام لنقطة بتاريخ قبل ما انتي تسوين اب ديت للجهاز

وان شاء الله يرجع مثل ما كان

 

[فري كويت]

عفية حبيبتي ممكن بالتفصيل

شلون

جزاك الله كل خير

 

[فلهوية كمبيوتر]

ابدأ
كل البرامج
البرامج الملحقة
أدوات النظام
استعادة النظام

ادخلي عليها تلقين خيارين اكبسي على استرجاع النظان إلى نقطة معينة واكبسي نكست
تلقين طلعلك مثل تقويم وأيام الشهر

اليوم الي تقدرين ترجعين النظام له يكون مكتوب تاريخه بالخط العريض

شوفي أي تاريخ يكون قبل التاريخ الي عملتي فيه الأب ديت واكبسي عليه بالماوس واكبسي التالي

وبعدين التالي كمان مرة تلقين الكمبيوتر يعمل ريستارت واتركيه لين يرجع يدخل للويندوز تلقينه رجع مثل ما كان

واعملي off للأب دديت على جهازج مشان ما ينزل وانتي شابكة على النت

 

[فري كويت]

ازعجتج

بسممكن بالانجليزي

كمبيوتري كل شي فس انجلينزي

سوري مصختها