سويت عمليه التكميم بس ابي مسااااااعده ضرورى

[حـــواوة]

بنات انا سويت عمليه التكميم بس الدكتور الله يسامحه ماقالى شنو اكل ولا شي وكل ماجى اكلمه يطنشنى اكرررررررررررررررررهه اللى سوت العمليه بليز تقولى اول اسبوع شنو اكلها انا صارلى 4 ايام

 

[أزهار الربيع]

اب
اب
اب

 

[الوفا بوقتي صعب]

رد : سويت عمليه التكميم بس ابي مسااااااعده ضرورى

حبيبتي ازهار الربيع كم كلفتج العمليه ؟
ووين سويتيها ؟
انا وزني 79 عادي اسويها تعبت من الرجيم ؟
سووري كثرت الاسأله

 

[الوفا بوقتي صعب]

رد : سويت عمليه التكميم بس ابي مسااااااعده ضرورى

حبيبتي ازهار الربيع كم كلفتج العمليه ؟
ووين سويتيها ؟
انا وزني 79 عادي اسويها تعبت من الرجيم ؟
سووري كثرت الاسأله
سوووووووووري قصدي حواوه

 

[غلطه عمرى]

حبيبتى اول شى تشربين سوايل خفيفه مثل عصير تفاح وماى وجذيه وبعدها 10 تيام ثانيه سوايل ثقيله مثل عصير مانجا وشوربات بس موكريمه ووخرى عن دهن وبعدها 10تيام ادشين على اكل مهروس مثل جريش وهريس و10 تيام اكل ناعم وبعدها 10 تيام اكل عادى بس كميات قليله طبعا لا تخلطين اكل مع شرب الانج راح اتتعبين وبطنج يعورج

 

[عالين المواجيب]

رد : سويت عمليه التكميم بس ابي مسااااااعده ضرورى

حبوبه مثل ما قالت الاخت انا اول اسبوعين سوائل شفافه عقب 3 اسابيع اكل مهروس وعقب تاكلين اكل عادي بس لين

قاعده لا تشربين ماي عقب الاكل الا بعد نص ساعه او اكثر اصلا ما بتقدرين

وبعد شهرين ابتدي خذي مالتي فيتامينز وفيتامين للشعر عشان ما يتأثر شعرج وشيكي دايما على نسبة الحديد في الدم و الفيتامين د و البي 12

لا تشلين شي ثقيل لمدة 3 شهور ولا تخلين الامساك اييج حاولي تشربين عصير برتقال بعد اسبوع ونص عشان الامساك ما ايي عشان الخياط الداخلي صح انه الحمدالله نادر حالة التسريب بس الحذر واجب

بتحسين باكتئاب وهذا طبيعي عقب هالعلميه لا تستسلمين حقه

ابتدي امشي من ثاني اسبوع وعقب شهر امشي لمدة نص ساعه او اكثر
النغزات جهة الصدر عاديه هذا عشان الهوا اللي نفخوبه المعده والمشي يساعد انه يروح بسرعه


الاخت اللي سألت عن انه وزنها 79 وتبا تسوي هالعمليه انصحج بربط المعده لانه وزنج مب كبير وايد بس الربط بيساعدج وصدق الرجيم اغلبنا فشل فيه عشان جذيه لجأنا للعمليه

 

[أم حمادين]

مثل ماقالولج البنات سوائل خفيفه عصير تفاح - برتقال- شوربات نفيه ماي دجاج او شوربه الخضار مايها - وخليج على طوول ماي شربي ادري يقث حاولي اتخلصين بطل ماي ابراج الصغير باليوم احسنلج لايصير فيج جفاف حياتي ولما تبين تشربين شربي نقمات شوي شوي مو بسرعه موزين لج حياتي وحطي مع الشوربه بروتين( بروتفار)يوصفه لج الدكتور عشان شعرج واي سؤال راسليني بالخاص

 

[حـــواوة]

رد : سويت عمليه التكميم بس ابي مسااااااعده ضرورى

بنات راحتله امى مساع قال تمشي ساعتين ونص والاكل عصير كوكتيل المعلب ولبن اخفف بماى وماى الشوربه صح عادى جذى

 

[AF (&-&)]

مثل ما قالو البناات

بس ما قلتي لناا منو دكتورج وكم كلفتج

 

[الزهرة الخضراء]

الله يديم الصحة على الجميع