سويت فري يا بنات

[الجودي]

طبعا بعد ما قريت مواضيعكم عن الفري و السبخه او اللبخه

رحت عند وحده امس وسويته و الحين راسي مربوط

تدرون اشكثر امبطل 5 اصابع وايد طبعا

انا حسيت من كثر ما اصدع وراسي يطقطق

 

[زوزونوفا]

الله يشفيك حبيبتي
بس هو عباره عن ايش؟
ويستخدم لايش؟

 

[الجودي]

زوزونوفا

الله يسلمج انا مثل ماكنت اعرف شنو يعني

بس في بنات جزاهم الله خير كاتبين عنه


هو الله يسلمج علاج شعبي اعشاب و حلبه و حنه ينخلط و ينحط في الراس وينربط 3 ايام اب حبل صوف

طبعا بالحبل هذا تعرف اللي بتسويلج قياس الراس تقايس دائره الراس
وبعدين من الرقبه لي قمه الراس واذا في فرق بينهم تكون فتحه من القمه يعني الراس ينفج

ترده اهي بالخلطه و الربطه اول ما تحطه صداع مو طبيعي وعقب يصير عوار و بعدين سبحان الله اتشوفين الخيط بدا يتوسع

تشدينه يعني الراس بدا يرجع مكانه

طبعا انا رحت وحسيت انه فيني شي من الصداع اللي يمسكني و صوت تطقطق العظام والكسل و التكسر

 

[نسكافيه بالحليب]

عند منو سويتيه حبيبتي ؟؟
لان انا نفسج احس بصداع ودوخة وخمول ومو عارفة من شنو ؟؟

 

[الجودي]

وحدة تصير حق اهل ريل رفيجتي

اسمها ام ناصر

 

[حضن امى]

عادى نروح لها ولا ماتستقبل احد؟؟واذا تستقبل كم سعرها؟؟وكم جلسة لازم اروح

 

[الجودي]

الله انا شفت عندها وحده مو من اهلهم يعني يايتها تعالجها

بس ان شاء باجر لي رحت اتقايسلي اسألها واردلكم خبر

 

[غربــــة اِحساس]

الله يشافيج ان شاء الله

اختى كان معاها فري خمس اصابع اظن وجربت اللبخه الحمد لله خف الصداع

بس الريحه قعدت في شعرها اشهر

الله يعينج كثري الخمريات لشعرج : )

 

[معكرونه أسبكتى يم يم]

عاد من شنو يجى

 

[أساور]

شلون ينفتح الراس؟واقعد بالحنة 3ايام؟؟؟

 

[الجودي]

غربه احساس : مهي بشاره الريحه الحنه اوكي بس الحلبه يا ويييييييلي

معكرونه اسباجتي : من الطلق - الصراخ - اذا طحتي على راسج - التفكير - البروده

اساور : ينفتح من القمه شفتي لما تسوين فرق عدل جذي بس ما يبين الا بالقياس

مشكورين عالمرور

 

[out of reach]

انا اللي اعرفه ينقال فلانه فيها فري... مو مسويه فري..
وعلاج الفري اهو الصبخه
وان شالله تشيلينها بالعافيه...


تصدقين حتى انا احس بصداع وكسل موطبيعي

 

[قهوة برية]

عليكن بالقهوة التركية وحده بوحده ...!!!!


أغسلن شعوركن بالقهوتي التركية ومن ثم

اشطفن شعوركن بالبسلمي وقبلها بالشامبو !!!!!!!!!! ....... (يازين نون النسوة )

 

[نج ـدية]

الله يشااااااااااااافيك ان شاءالله

 

[حضن امى]

اختى مارديتى تستقبل او لا؟؟

 

[رويال ديزاين]

بإنتظار الرد لأن آنا من ولادتي ما ترقع الصداع ودايما أحس إن فيني هوا بقمة راسي ...

الله يعافيج ردي علينا لو برساله خاصه ...
بإنتظارج

 

[rr202rr]

بنات شنو اعراضه غير الصدااع

 

[رويال ديزاين]

بإنتظار الرد

 

[سرقت النوم]

up>>>>>

 

[أبوي تاج راسي]

الله يشفيج وتحملي الالم لانه بس الصباخة شئ ثاني يقولون فتحملي
(بس شنو سويت فري قصدج طلع فيج فري ),لان عنوانج غلط