سويسرا و فرنسا

[عهود الكويت]

البنات اللي عندهم خبرة في سويسرا وفرنسا انا يوم الاحد مسافرة شهر عسل ويريت تفيدوني باماكن سياحية سواء في سويسرا او فرنسا يعني اشيا ممكن نسويها ونستانس يعني اماكن تناسب معاريس على فكرة انا ماني عروس لي 12 سنة متزوجة بس هالسفرة ماراح اودي اليهال وكلكم عارف رذم الحياة السريع والمشاغل وتربية العيال تخلي الوحدة تنسى نفسها فبالسفرة ودي اجدد علاقتي في ابو العيال وماراح او بمعنى اصح راح احاول ما اروح السووووووووووق

فياريت خواتي اللي تعرف اي اماكن حلوة بهالديرتين تفيدني

وجزاكم الله الف خير مقدما

 

[عهود الكويت]

يالله بنات وين الفزعة للي راحو سويسرا وفرنسا ماعندي وقت كافي

 

[عهود الكويت]

اب اب

 

[اصايل]

فرنسا عندج نهر السين برج ايفل وشارع الشانزلزيه يونس كله قهاوي
هذا اللي اذكره

 

[شوكلاتة سويسرية]

وبفرنسا بعد قصر فرساي
ومتحف اللوفر
وركبي الباص المكشوف بيلف فيك معالم باريس
وروحي الحي الصيني
وجنيف
لاتفوتك الداون تاون جنيف القديمة لانك اذا مارحيتها كنك مارحتي جنيف
وطبعا لاتفوتين جولة بحرية بالبحيرة
وممكن تاخذين جوازاتكم وتروحون بالباص من جنيف لبحيرة انسي الفرنسية المشوار ياخذ نص ساعة بس صج رومانسية انا مارحت لها بس فية تقارير عنها بالنت وتحسفت اني مارحت لها.
واستمتعي بالجو السويسري الرائع والرومانسي:klhfl:.

 

[راجعة بقوة]

برج اييفل حلو بالليل لاتطوفينة وبجنيف روحى بالقطار حق مدينة انترلاكن روععععة شوية عليها بس لاتسوين غلطتنا تقدرين تروحينها الصبح وترجعين لجنيف لفندقج بالليل احسن من تشقل الجناط بالقطار تعب وترى جنييف حلو تهبل بس مادرى عن جوها الحين اهىى بشهر ثمانية كانت باردة

 

[عهود الكويت]

مشكورين وايد وايد يا بنات كدها وكدود والله يقدرنا انساعد بعض وقت الحاجة

الله لا يحرمنا من وقفاتكم
وجزاكم الله الف خير

 

[Samurai]

بسويسرا عندج مدينة انترلاكن الساحره .. جميله ومدينة منترو حلوه ومدينة لوزيرن ومدينة لوقانو وفرنسا انا زرت منطقة شامونيه مونت بلانك و منطقة انسي .. وبصراحه انسي رومانسيه حيل انصحج فيها وتبعد نص ساعه عن جنيف .. ولو تأجرون سياره احسن وتجربه ما راح تندمون عليها .. ومتعه خياليه ..

 

[دلوعة ابوها !؟]

انصحج بسويسرا احلي

 

[نظاميه5]

آنا عن نفسي فرسا روووووووووووعه