سويسرا

[زهرة دمشق]

السلام عليكم
أبي أسافر سويسرا بإذن الله هذا الصيف
وين تنصحوني أروح جنيف ولا انترلاكن
وشنو الطريق للوصول لجبال الألب
أبي مخطط للرحلة سهل من وقت الحجز بالطائرة من الكويت
وحتى الوصول واشهر الاماكن .
أبي خبرتكن ويقولون عن قرية هايدي ؟؟؟ أحر رحلها

 

[M!SS.LOBY]

جنيف

 

[الموجهة]

هلا .... اختي انا سافرت السنه اللي فاتت رحلة ثلاثية بس متعبه اشوي كانت المانيا سوبسرا النمسا بس بصراحه مثل سويسرا مالقيت رووووووعه بكل معنى الكلمة طبيعة وامن وفي مدن فيها حياة

عموما انا ناويه هالسنة بس سويسرا وايطاليا وبعطيج مخطط للرحلة
ان شاء الله يعجبج وادعيلي

تنزلين في جنيف وتزورين مدينة فرنسية ريفيه اسمها شامونيه لااطولين فيها حدها يوم بعدين انتقلي من جنيف الى لوزان مدينة روعه فيها بحيرة وبعدها انتقلي لانترلاكن الرائعة قعدي من 3 الى 4 فيها زوري المدن حولها
وبعدها انتقلي لحدود سويسرا مع ايطاليا ومري على لوغانو فيها اوت لت حلو ودشي على ايطاليا في مدينة قريبة اسمها كومو هذي مدينة اللي يعيش فيها المشاهير وقريبة من لوغانو بينهم نص ساعه تقريبا وبجذيه تكونين بايطاليا
فيها مناطق حلوه مريها بطريقج عندج فنيسيا وميلانو الخاتمة قعدي فيها يومين ومنها ردتج للكويت
يعني وصولج بجينيف ورجوعج من ايطاليا
ان شاء الله اكون فدتج ....... وبالنسبة
لمواصفات الرحلة لازم معاج سيارة عشان تتنقلين على راحتج والمدة تقريبا ثلاث اسابيع واي استفسار انا حاضرة

 

[زهرة دمشق]

مشكورة كثير على الرد
المشكلة الاطفال يمكن اتوهق. تنصحيني بجنيف اسبوع تقريبا
وبعدين انترلاكن او زيورخ ومنها ارد الديرة

 

[ღ A7la Roro ღ]

تبين أحلى منطقة بسويسرا وعلى جبال الألب وهدووووووء والسنتر يهبل وخوش ناس؟
فيلارز 3>
وتقدرين تروحين لها من مطار جنيف ساعة او ساعتين الا انتي واصله
صج طرقها يخرع بس عجيييييييبه
صايرة بالجبال وهدوء وراحه وانسجام وروووعه
سوو سيرج عنها وعطوني رايكم
villars-sur-ollon

 

[Samurai]

نصيحه لا تسكنين جنيف حاره وكلها افارقه وحراميه

سكني بمنترو او لوزان كم يوم
وبعدين روحي انترلاكن وسكني باشقق في قرى انترلاكن

 

[Alrem_q8]

معاج اطفال لاتتنقلين واجد وترا جنيف مديييييينه اتوقع عارفه هالشي
انا من رايي جنيف يومين او ثلاث ايام
وانترلاكن هي الحلووووه اسبوع فيها


انا الحين مااقدر اقولج روحي المنطقه الفلانيه ولا اقدر احددلج عدد الايام في كل منطقه
لان مااعرف انتوو جم يوم ناويين بسويسرا


اذا عشر ايام خلوها يومين جنيف و ثمانيه انترلاكن
اذا اسبوعين يفضل تخلين ٣ ايام لزيورخ


وبماا ان عندج اطفال ونسيهم ووديهم لليورب بارك بمنطقة رست بألمانيا تبعد تقريبا ساعتين ونص عن انترلاكن


وبالفتره اللي بتكونين فيها بأنترلاكن زوري المناطق الحلوه اللي قريبه منها مثل لوزيرم ولوزان وزيرمات وغيره

 

[Alrem_q8]

لوزيرن ** ^_^