سويسرا

[الجاربة]

بنات اول مرة اسافر لاوين سويسرا
مرة وحدة طلعت طلعة دفعت دم عمرى علشان احر بعض ناس بسالكم وين اتسوق واحسن الماركات وملابس البنات
بنات عفية اهتمو فى الموضوع لانى ماعرف شىء

 

[اخصائيه]

ما ادري اختي بس الصراحة لما اسافر وادفع دم عمري علشان استانس واغير جو مالي شغل احر واطالع غيري الله يهداج
ومن راقب الناس مات هما صدقيني

 

[دآنة آلرشآيده]

والله افكر اروح حق سويسرا بس بعد
ولادتي اذا الله سهل

 

[rawona]

انا ما انصحج تتسوقين من سويسرا بروح معيشتها غاليه نااار .. وبصراحة انا رحت زيورخ وشفت بضاعتهم موذاك الزود اللي يعجبوني بس الماركات والماركات بكل مكان غلايه واسعارهم ناااار..

انا اقول روحي استانسي ووسعي صدرج بطبيعتهم الحلوة والأماكن السياحية الجميلة مثل انترلاكن- لوزان - لوسيرن وفي مقاطعه صغيرة وهادية وايت حلوة اسمها zug ومافيها زحمة سياح وايد حلوه وهم مدينة تاريخية قديمة اسمها

stein am rhein

وايد المكان هادي وحلو وفيها مطعم ايطالي زين

وهم منطقة قريبة من المانيا اسمها كونستانس konstanz فيها اكواريوم ومركز تجاري وقريب منها جزيرة مانوي insel Mainau كلها ورود ووايد حلوة

وفي رحلات حق جبال الألب طبعاً وأعلى قمة في اوروبا يونغفراو jungfrau تصعدين لها بالقطار القديم رحلة خيال بصراحة وفوق بالقمة فيها قصر الثلج ..

وهم عندج شلالات الراين على حسب علمي انها اكبر شلالات في اوروبا

ومدينة هايدي لاند الريفية ومصانع الجبن والكاكاو

وهم في جبل حلو اسمه سانتوس المطان روعه اهناك وتصعدين له بالتلفريك

اممم شنو بعد اي في بزيورخ فوق التله مكان عجيب فيه برج يطل على زيورخ من فوق وفيه مطعم وفندق هم المكان روعه وتروحين له بالقطار تقريباً من 10-15 دقيقة

اذا ذكرت شي ثاني باقولج

ايي صح في مناطق جنيف ولوزان ومونترو هذيل يم الجهة الفرنسية من سويسرا بس لأني مارحت لها فما اقدر افيدج وايد وهم الصوب الايطالي منطقة لوغانو وايد حلوه ومنها تقدرين تاخذين القطار ساعه وانتي بميلانو ومنها تروحين فنيسيا الايطالية

ان شاءالله اكون افدتج

موفقه

​

 

[Samurai]

انا مع كلام الخوات .. لا تضيعين وقتج بالسوق .. سوقهم عادي جدا .. متعي نفسج بالطبيعه والهوا النقي ..والرحلات الحلوه .. جربي البراشوت في انترلاكن انصحج في هذي التجربه وطلبي تركبين مع مره .. جربي اشياء جديده شوفي مناظر عمرج ما راح تنسينها .. وتبتسمين كل ما تذكرتيها ..