سوين ربط اسنان ++ حياكم يومياتي :):):):)**(شهر من تاريخه)

[ابداع x ابداع]

السلام عليكم ورحمة الله وبركاته
والصلاة والسلام على اشرف المرسلين سيدنا محمد (ص)

مرحبا بنات امس كنت قاعدة وزايرة اختي ببيتها وكنت اكل كيكة بالبندق وفجأة دق على ريلي جان ارد واسولف وادلع ( مقرره تتدلع من اسبوع غرت من حليمه) المهم جان ييون عيال اختي:klhfl: ويصارخون يالبطه خالتي البطه
جان يضحك ريلي:krkrkr: ويقول شفتي حتى اليهال يفهمون وانتي ما تفهمين جان اصكر وانا زعلانه:eh_s(14):

جان ابجي عند اختي وقالتلي يالخبله صكي حلجج بسيم يا معوده ما ينفع معاج ( طبعا اختي قصدها ربط اسنان بس خانها التعبير)

المهم قلتلها دامنا جريب عند العيادة امشي:ada: وقررت اني اروح امس لعيادة الحكمة بالفروانية عند الدكتور سامر الخلف وشجعني وقال والله وحده اعرفها نزلت 55 كيلو وطبعا انا خاطري من زمان اسويها وسويتها انا واختي

طبعا ما اتحجى عدل ولا اصرخ ( بالعربي صرت ذربه غصب ):eh_s(1): وما اكل شي الا السوال وشوربات وميلك شيك وجاي وقهوه وروب ( يعني الاكل مال عارضات الازياء)
وراح اكتبلكم يومياتي على طول واب دعوه منكم ان الله يصبرني واضعف بصحه
وامانه امانه اي وحده ربطت اسنانها او تعرف احد خلينا نستفيد منها مع كل التفاصيل
ويالله شجعوني:ggdw: ​

 

[ام عيالها الغاليين]

رد: سوين ربط اسنان ++ حياكم يومياتي

إن شاء الله تضعفين بالصحة والعافية يارب وعيال أختج ينادونج يا باربي

 

[أم الفهود]

رد: سوين ربط اسنان ++ حياكم يومياتي

يعنى الحين انتى قررتى وعلى طول رحتى العيادة بدون موعد ولاإحم ولا دستوووووووووور

وعلى طول سواها لج وبنفس الوقت

وبجم كلفتج ؟ ومتى قررتى ورحتى ؟ وتعور او لا ؟ وانا حاطة تركيب يصير اسوى او ما يصير ؟ وجم مدة التركيب ؟

ادرى دوختج بس جنا إعجبتنى الفكرة

 

[L.a.v.e.n.d.e.r]

رد: سوين ربط اسنان ++ حياكم يومياتي

ان شاء الله تضعفين بصحة وعافية

بس مادري شلون شكلج ؟؟ وطريقة الكلام ما تغيرت ؟؟

يعني الكلام واضح

قوليلنا شيصير عليج وشكثر فترة الربط

وان شاء الله تضعفين عليها

 

[هــنــــــد]

رد: سوين ربط اسنان ++ حياكم يومياتي

خوااااااااتي ثنتين كانو مسوييييييييييين وشالوووووووووه من اول اسبوووووووووووع
هذا اول ما طلع هنييي
بس الحيييييين اختي بترد تحطه مره ثااااااااانيه

الله يوفقججججج حبي​

 

[الزمن ماله أمان]

رد: سوين ربط اسنان ++ حياكم يومياتي

ماشاء الله عليج زين سويتي وكثري شوربات اللي فيها خضار وعدس يعني كل الأنواع لأنها تعوض عن الأكل والله يوفقج يارب بس سؤال شلون تربطين اسنانج يعني شلون الطريقة تقويم والا شنو وبأي وقت تقدرين تشيلينه والا لأ

 

[mn.mn]

رد: سوين ربط اسنان ++ حياكم يومياتي

موفقة ان شاء الله ويارب تضعفين عليه

والله يعينج عليه انا سمعت انه متعب

 

[كشموووشه]

رد: سوين ربط اسنان ++ حياكم يومياتي

اعرف واااااايد ناس اضعفو عليه ومااشتكو منه بس للامانه تطلع ريحه بالفم لان ماتقدرين تغسلين اسنانج

+
لمن كنت اشتغل بالمسيله وحده من البنات اغرقت ولمن طلعناها خرعتني موقادره تتنفس ولاوحده من اهلها واقفه وقالت ترى حاطه ربط باسنانها لا والاخت بعد فيها ربو فتخيلي غصب قصو حقها البنات يعني ماينفع حق اللي فيهم ربو ( طبعا انتي عارفه جونا حرررررررر مووووووت )

سامحيني والله خفت عليج

 

[كـــكـــاوة]

رد: سوين ربط اسنان ++ حياكم يومياتي

تصدقين أنا دقيت تقريبا العام على جم عيادة أسنان وقالولى ما نسويه ممنوع من وزارة الصحة خلاص كان يصير فترة وسوه ناس وايد بعدين منعوه عاد ضاق خلقى ... بس ياليت توضحين شلون طريقته وشكثر تخلينه وبجم سويتيه

 

[دلوله الحلوه]

رد: سوين ربط اسنان ++ حياكم يومياتي

مسا الخير انا اختي سوتها وضعفت تقريبا بالاسبوعين جنه 10 كيلو بس ترا مو زينه الى عرفته انها ممكن باي لحظه اتخنق اذا تكرمين بترجعين او شي ماراح تقدرين فانا انصحج خليها على الاقل سبوع وريحي وموفقه حبيبتي انشالله تضعفين

 

[oum 5ald]

رد: سوين ربط اسنان ++ حياكم يومياتي

عالبركه حبوبه وان شاء الله تضعفين بصحه وعافيه يااارب


انا احب الرجيمات القاسيه لووووووووول فيمكن تنفع معاي

واسئلتي نفس البنات ..

يليتج ماتتأخرين علينا حبيبتي ^_^

 

[الزيـــــنــــة]

رد: سوين ربط اسنان ++ حياكم يومياتي

حلووو وانشالله تنزليييين علييييه بس ديري بالج يعني جنا يعطونج معاه مقص حطيييه معاج على طوووول سبحان الله ماتدرين شيصير وانشالله مايصير الا الخير
شوفي هالاسبوع وقوليلنا جم نزلتي ناطرينج

 

[Ashoka]

الله شوقتيني بحط :$ لوووووووووووول

بس بجم ؟؟ وبدون موعد .؟ ويعور لما يحطه لج ولا ماكو عوااار ؟؟

ناطرينج لا تتاخرين

 

[>>مرووم<<]

بناات ترى خطـر ربط الاسنان مثل ماقالو البنات :0bee2e8d89:
وحــده نعرفهآ حطتــه وتبي تستفرغ (تكرمون) ماقدرت اختنقت وماتت :0bee2e8d89:

ماتحمست عليــــــــــه يوم سمعت هالقصه >خافت


:tek:

 

[زهرااا]

انشالله توصلين حق اللي تبينه يااارب
بس بغيت اسألج شلون تفرشين اسنانج ؟

 

[baby johnson]

هلالالالالالا
وربي مت من الضحك على اسلووبج الخطييييييييييييييير لووول

خل اقوولج شغله تدرين انا كنت حاااطه سيييييييييييييم من سنه ونص بعيادة الحكمه بس العياده بشرق عند الدكتور
عمر القعوود
والله ماضعفني الا اهوووووووووووو
بنااات صج صج ضعفت عليييه بس سوائل وشوربات وروورب وحتى لو بتزريقين بالاكل هم مايدخل وتتعبين وبتهونين تاكلييييين

حطيته شهررر نزلت 11 كيلوووووووووووووووووو
وقبل فترررررررررررررررررره هم كنت حاطه موضوع بالمنتدى اني برد اتشجع وارد اربط اسناني بس البنات ماشجعووني وهونت
واوريدي انا الحدايد ظلت بحلجي لما قصيت السيم عقب شهر تكيسلت اروح ارده وظلوا الحدايد وكل مره اقول بروح اردهم بروح اردهم
عاد قبل 3 اشهرررررررر قلت وااي يا اشيل الحدايد يا ارد اسكرررررر بنات واقوم اسكررر وباسبوع اضعفلي 3 ونص
انعزمت عالعشاااااااااا جان افتحهمممم عقب الاسبوع عشان اسوي تنظيفات ومارديت حطيييتهم



بس بناااااااات الحمدالله لاشرقت ولا غصيت صج سمعنا ان في حالات وفاة اسم الله عالجميع
بس الوحده لازم تدير بالها واهيا تتكلم واهيا تشررررررب
الحمدالله لا انا ولااللي اعرفهم صار فينا شييييييييييي
وطول ما انا نايمه كان يمي مقص لاسمح الله صار شي ماشيااات الا اعرف اتصرررررررف


وقوليلنا شلونج الحييين؟؟؟؟؟؟

 

[oum 5ald]

ونااسه والله شجعتوني

كملو قووولوولي

 

[baby johnson]

واللي قاعد تسئل عن الربط
تلقونه بعياده عمر القعود الحكمه او الحكمه اللي ببلازا حولي
اول مره تركيب ب50 دينار وبعدين كل شهرر كان ياخذ مني 5 دنانير ومراااااات اصلا يطوفلي ماياخذ
لوووول والله مودعااايه حقه بس لانه اهو اساسا دكتوووري اللي دايما اعالج عنده وحيل مريح بالتعامل ماشاءالله عليه تحسينه ابو وأخو بنفس الوقت
ومايعور لأ بس اول يومين ماراح تعرفين تتحجين وحلججج مسكررر وبعدين تاخذين عالوضع
حتى لو تفجينه عبالج ليلحين مسكره حلجج وتتحجين بهدوووء

وبدون موعد ولا شي تروحين وبسسسسسس

بس بنات اللي بتسوي لازم تديرين بالج على روححجج مو تتحجين بطفاقه لوول
مو تشربين جنج اول مره تشربين بحياتج كل شي بالهدووووء حلوووو

اللهم اني بلغت فاشهد


وسوري انا نزلت 16 بالشهر مو 11 مالي خلق اسوي تعديل

 

[baby johnson]

ها ام خلوووووووووووووووووود شكلج حبيبتي الوضع
ترررى انا عن نفسي قبل لاادش معاكم التجمع بشهر كنت رااابطه
بس مليت مع ان احسسسسسسسن بس اللي يعجبني فيه انج ماتنهدين عالكل
لان تقدرين تشربين سوائل روب عصاير شوربات كل الانواااااااااع هريس يريش هالاشيا عرفتوووا فأحس مايوووع كلش

 

[baby johnson]

واللي تسئل عن التفرييش ترررى عااادي يا تفرشين بالفرشاااه الصغيره مالت اليهااال تدخل داخل
وانا كنت باليووووووم اتمضمض بالغسووووول فريش منت مادري شسمه لووول
تقريبا كنت اغسل 8 مرااات لوووول الدكتور قال 3 بس انا نوعي وسواسيه ماحب