هذا طال عمركم يوم رحت دبي رحت مطعم جيمي ايتاليان وحبيت اكله كثيييييير ودورت على الطريقة و طلعت نفسها مافي فرق ماصورت الطريقة ماتوقعت بيطلع مضبوط
المهم ما اطول عليكم
طريقة الستيك:
قطعتين سيراليون ستيك تكون ثخينه مو نحيفه وخلو فيها الدهن لاتشيلونه كله عشان مايطلع ناشف وقت الاكل
ملح وفلفل اسود
زيت زيتون
رشة روزماري
فص ثوم
قطعة زبده صغيره
في صحن حطو الستيك ورشو عليه الملح و الفلفل و الزيت من الجهتين ضروري قبل ماينحط بالمقلاة او الشوايه عساس ماينحرق من الحراره
بعدها حطو المقلاة في النار حتى تسخن كثير و حطو الستيك ولاتحركوها الا بعد دقيقه ونص او ثنتين ونفس الشي الجهه الثانيه و اقعدو كررو نفس العمليه حتى تستوي حسب رغبتكم مستوي كامل او نص او ربع
وقبل ماتقدموها جيبو نص ثوم و افركو الستيك وهو عالنار رشو الروزماري وحطو قطعه الزبده وحطوه بصحن يرتاح لمدة دقيقتين وقدموه
البوش بوتايتو:
بطاطس حسب الرغبة
فصين ثوم مفرومين او مهروسين
شوي بقدونس مفروم
ملح و فلفل اسود و قليل زيت زيتون
جبنة بارميزان مبروشة ناعم
قطعو البطاطس بدون تقشير لشكل الاصابع و بعدها اسلقوها بموية وملح وبعدها صفوها و نشفوها للاخر
بعدها اقلو البطاطس بعد كذا اخلطو باقي المكونات واول ماتطلعو البطاطس اخلطو هالخلطة وقدموها
اربياتا باستا:
هالطريقة جبتها من النت و ضبطت بقوه نفس اللي بالمطعم ترى هالباستا حلاتها تكون مرررره حاره فلفل
1 علبة طماطم معلبة مهروسة ( أو500 جرام طماطم طازجة مهروسة ) .*
2 فص ثوم مهروس .
بصلة صغيرة مهروسة .
2 ملعقة طعام زيت زيون .
ملح وفلفل .
½ ملعقة شاي أوريجانو مجفف .
½ ملعقة شاي ريحان طازج مفروم .
½ ملعقة شاي بقدونس طازج مفروم .
1 ملعقة شاي فلفل أحمر ناعم .
1 فلفل أخضر او احمر حار مفروم .
450 جرام معكرونة فيوزيللي .
جبنة بارميسان مبشورة للتقديم .
حمري البصل والثوم في الزيت حتى ينضجان تماما .*
أضيفي الطماطم المهروسة والأعشاب والبهارات والفلفل الأخضر واتركيه على نار هادئة لمدة 30 دقيقة مع تقليبه من حين لآخر .
اسلقي المعكرونة في ماء مملح حتى تنضج تماما .
صفي المعكرونة من الماء وارجعيها الى القدر وضعيها على النار وأضيفي لها صلصة الطماطم حسب الحاجة ، وعند التقديم رشيها بجبنة البارميسان .
وبالعافية على قلوبكم
