سيراميك صالة الاستقبال

[شيخة البلادين]

السلام عليكم

بنات ابي نصيحتكم.. انا قاعدة اجدد في بيتي من تغيير ارضيات وديكور وبعض الاثاث .. وودي اغير بسيراميك صالة الاستقبال خاصة انه مو عاجبني من الاول بسبة تحديده اللي صاير غامج.. بس سكت ذاك الوقت لان امكانياتنا ماتسمح لتبديله مرة ثانية..

والحين فكرت اغيره.. لقيت السالفة صعبة خاصة ان الصالة مؤثثة..
وبعدين فكرت اغير بس التحديد وافتحه وتوقعت انه اسهل حل.. الا ان قالوا لي لازم يشيلون الاساس وهذا يحتاج الات ومعدات مثل الصاروخ اللي يتلف البيت كله بالتراب..

واقترح علي معلم السيراميك يركب سيراميك فوقه ويحط بينهم بس مادة لاصقة وانا خايفة انها ترتفع الارضية وشكلها يكون موعدل..

وبعد قاعدة افكر بالباركيه.. بس مترددة لان برايي ان الباركيه يناسب غرف المعيشة اكثر مثل ما انا حاطته بصالة المعيشة عندي بالبيت..

ودي تعطوني نصيحتكم ورايكم باقتراح السيراميك فوق بعض.. ولا الباركيه... ولا اخليه مثل ماهو واوزع عليه قطع السجاد وبتغطي معظم المكان..!!!؟

ابي رايكم تكفون لا تخلوني ودي ابلش فيها وقت الاجازة ومابقى شي عليها..

 

[البسمه العذبه]

والله انا من راي تاخذين كم راي احسن جيبي واحد ثاني وشوفي وترا اسهل له يركب فوق بعض وانتي شوفي الحسن لج ​

 

[اوتار الحياه]

للرررررررررررررررررررررررررررررررررررررررررفع

 

[Maybe_87]

حبوبة مثل ما قالت الإخت
سإلي أكثر من شخص مختص
وإن ما اقتنعتي حطي قطع زل
لأن الباركيه بالنسبة لي مو حلو للاستقبال

 

[amani]

أنا مركبه السراميك على سيراميك عن طريق الماده اللازقه

وحلو مافيه شي ولا يخترب وصارله جم سنه والحين ركبت المطبخ بعد سيراميك على سيرميك وماشاء الله مافيه شي

والصاله عادي اذا بتركبينها باركيه انا شايفه كذا بيت مركبين لصالة الاستقبال باركيه وايد حلو

 

[شيخة البلادين]

:hjy5jewf:مشكورييين بعد قلبي ماقصرتوا على تجاوبكم وابداء رايكم...