سيرك هلا فبراير

[كتكوته551]

مرحبا بنات
منو راحت فيكم لسيرك هلا فبراير؟
انا رحت اهناك على اساس بحجز بس خفت انه مايسوى لان المكان صغير ومكشوف انا عبالي خيمه وسمعت وحده تقول مافيه حيوانات بس اكروبات واراجوز ومسابقات...انا بنتي عمرها سنه ونص واخاف مايعجبها جذي ففكرت بالسيرك الايطالي اللي عند حديقة الشعب...
وفي شغله ثانيه ماعجبتني ان التذاكر مفتوحه يعني مالها تاريخ معين وسعرها واحد وممكن تحجزين وبعدين ماتلقين مكان!!! او الاماكن الزينه تكون راحت يعني من سبق لبق!
ياريت اللي راحت له تقول لنا شنو فيه؟ وهل يسوى او لا
وشكرا

 

[كتكوته551]

ولا وحده راحت للسيرك ؟!!!!

 

[kunooz]

هممم الصراحه مو ذاك الزود احسهم مبتدئين و طلعنا قبل لا يخلص السيرك بس بنتى تقريبا سنتين اشوفها اندمجت معاهم و اذا عندج يهال اكبر يمكن بيستانسون اكثر لانهم يسسون لهم مسابقات
و صاجه ما في حيوانات ولا شئ قصو علينا!!
و ودي اروح حق اللي في حديقة الشعب

 

[كتكوته551]

مشكورة حبيبتي كنوز على الرد
انا حسيت عشان جذي ماتشجعت
وحجزنا حق السيرك الايطالي اللي بالشعب باجر ان شاءالله

 

[kunooz]

العفو يا عمري
ان شاء الله تروحون و تستانسوون يارب و نبي نشوف لج تقرير حق السيرك اوكي و قوليلي اذا حلو والا لا

 

[رووووعه]

مرحبا ع الحلويين

اتصدقون ما عمري رحت لسيرك وذاك اليوم اخذت عيالي لشرق بوديهم وإلا البلدية مخالفتهم ... ويافرحة ماتمت ؛)

 

[كتكوته551]

كنوز رحنا للسيرك وكان ونااااااااااااااسه والله ماتوقعته جذي
مرتب وفقراته منوعه وماتزهقين كلش والحيوانات وايد
نمور جلاب حيايا بعارين حصن بوني تماسيح
والله حدهم اليهال استانسوا
انصحج فيه وبشده
احنا حجزنا الدرجه الاولى ب6 احلى شي جدام وكان العرض لمدة ساعتين ويسوا بصراحه
بس ماصورت وايد ماكنت حاطه ببالي اسوي تقرير

رووووعه
اهلين عالقمرات
اي شفتي اشلون كان المفروض ياخذون ترخبص من البلديه هيا الدنيا سايبه
انا كنت بودي بنتي للخيمه شفت تقرير وحده من الخوات وتشجعت وبنفس اليوم قريت بالجريده انهم شالوها

 

[kunooz]

مشكووووووره حبيبتى شجعتينى اودي اليهال ان شاء الله