سينما في الكويت؟

[زبوطة]

السلام عليكم بنات شخباركم؟
بنات انه باييكم الكويت هاليومين بس بغيت اسأل عن السينما في اي مجمع اروح ابي مكان حلو:ada:

بصراحة ابي اروح فلم معتوق في تايلاند ابي اضحك :dddds: تمللت من الدوام:0bee2e8d89:

تقدرون تردون علي على الخاص؟؟

:e3:

 

[بنت الأصايل]

بكل مجمع في سينما وكلهم حلوين

 

[زبوطة]

مشكورة بنت الاصايل بس تقدرين تحددين بالضبط

 

[قمر^خالد]

الافنيو عجيب

 

[.]

اختاري بناء ع العرض اللي يناسبج ..

لانه تقريبا كلهم مثل الشي..

بس اكبر شي المهلب والباجي المارينا والافنيوز صغار ..

ومالت شرق زينه بعد..

هذا اللي دشيتهم..

ومرسوو

 

[ام ريماس 26]

نصيحه لاتروحييين له والله العظيييم يلوع الجبد ومايضحك يخرب بيته حسافه التذاكر عليه << جربي ذا كرسميس كنت ابيه بس رحت بوقت معتوق ..

 

[Mig.MiG]

360 و الافنيوز و نصيحة لا تروحين المارينا

 

[زبوطة]

مشكورين ما قصرتو
شوركم وهداية الله شكلي باجرب الافنيوز اروح اجوفه وادش السينما

 

[Q8stylle]

الافنيو

 

[دلوعة vvip]

المهلب هدوء المرينا شباب الافنيوز عائلات

 

[catwiti]

نصيييحه روحي ذا كريسماس روووووووووووووووووووووووووووووووووووووووووووووووووووعه الفلم والله صج انه رسووم بس عجيييييب وفكرته والقصه مو صج مو صج ومبدعيييييييين صج فظييع انا حسافه طلعت من الفلم وماكملت القصه كان عندي محاظره للاسف
بس حلو ويظحك يعني دمه خفيف مو الي تهرييج

ومعتوق في بانكوك احسه مايسسسسسسسوا
انصحج بفلم ذا كريسماس لايطووووووفج

عندج سينما 360 فلم ذاك كريسماس اي مااكس ثلاثي الابعاد تلبسين النظاره جنج بالفلم

بس انا شفته عادي وكان عجييب

انا احب سينما الافنيوووووو احلى سينماا
شوفي سينما شرق والمهلب الشاشات صغيره يعني ماتستمتعيين وايد

روحي الافنيو و 360

 

[catwiti]

وعلى فكره الي قالت المهلب اكبر شي
لا مو اكبر شي الاكبر الافنيوو اذا ماني غلطانه

 

[ام_حسون]

حبيبتي انصحج بالفنار او 360 ​

 

[زبوطة]

مشكورين ما قصرتو

 

[om MaRyooM]

احلى شي جربي الافنيوز و360

والاحلى بعد تحجزين بصالة الvip التذكرة على 6 بس وناااساااااا

 

[tolay]

فلم طارق العلي عادي ماشي حاله بس يضحك ويونس


احب سينما 360 حلووووه روحيلها اهيه

وطبعا لازم ادقين على رقم السينما 1803456 وتقوليلهم ابي فلم طارق العلي وبعرف متى يعرضونه بمجمع 360 ؟؟؟ يمكن العرض مايناسب ظروفج

عاد اذا الوقت موشي جربي سينما المهلب حلوه بعد

نفس الطقه بس انا احب 360

 

[w0o0dy cullen]

اعتقد الفلم خلص بدور العرض
بس الفلم مايسوى يلوع الجبد انا رحت له تافه ومايضحك انصدمت بطارق للمرة ال2

بس السينمات عندنا كلهم حلوين روحاي الافنيو مثل ماقالو البنات او 360 او الفنار انا اكثر شي ارتاح له الفنار لانه هااادي

 

[وجدان الكويت]

كلهم زينيين بس 360 مادشيتة ويمدحونة

 

[Judy abbott]

احب سينما الفنار

 

[Om Ghalia]

أنا أحب الأفنيوز عندهم صف بمقعدين بروحهم،، أقعد أنا وريلي، مو كل شوي واحد داش وواحد طالع...