شئ غررررريب او انا غررريبه...

[ياحلو ديرتى]

السلام عليكم ورحمة الله وبركاته
بنات ابي اقولكم عن مشكلتي يمكن كثير منكم يضحك على ويمكن كثيرر راح يحسدني عليها بس قسم بالله ضاقت فيني الوسيعه وحتي لوماتردون علي يكفيني اني افضفض عن نفسي...

بختصار انا بنت بدويه من عايله لنا تربيه معين مافهمتو الحين بفهمكم؟؟
يعني كلنا بيبوتنا البدو متعودين علي نموذج معين من الشباب ومابي اعم يمكن بيتنا بس يعني بختصار متعودين ان الشباب مايقعدون ع طول معانا زين ان سلمووو وتريقووو وبعدها مانشوفهم الاوقت النومه؟؟ابوي واخواني كانو هالنظام..وين المشكله اقولكم وين؟؟

تزوجت والحمدالله لي سنه الا..وزوجي يختلف بيتهم عن بيتنا كلش يعني 24ساعه قعدين رجالنا معانا شي حلوووو..يقربنا من بعض وزيددددددي علي هذا كله تزوجت واحد بيتوتي لابعد الحدود24ساعه قاعد بالشقه موشرط محبه فيني لااا لان بختصار احسه فاضي لابعد الحدود ماغير ماقباني لاتحسدوني بديت اتضايق وااااااااااااااااااختنق ماكو الشوق بينا ذبحه لابعد الحدوووووود ابي اسوي نفس ماقراا بالمنتدى لارد مفاجاه اكشخله اسويله عشااااا ادق ع هلي رفيجاتي:krkrkr: شي بس شلون وهو قاعد اصلا ع طووول زهقت انا من نفسي ومنه كنت اول اجامل اقط نغزززات الحين اقطها اشكرره روح مللتني منك اصلا صرنا نتهاوش ع التوافه من كثر مايطلع ويدقق بكل شي لاتنقدون بنات علي حسووو فيني وغير هذا انا موعاجبني نظامه بالمره انزل تحت لاهله اغيررر جووو يجي يتكي عندنا حلوو يشرب فنجال 2 يسلوف يروووح لاهذا يتكي كنه وحده من حمواااااتي تخيلووو لاشافه عمي قط نقزه اي متكي يم مرته والله ولايحس اقوله روووح اطلع يقول انا موقاعد عشانج انا من قبل لاخذج جذي وفعلا كان جذي بنات انا طريقة تفكيري صح والاغلط؟؟؟وردو امانه جذي يقعدون ازواجكم واذ زوجي صح شلون مليت ويمللني منه وبعدنا هالقرب موغلط؟؟واذ طريقته صح وانا غلط شسوي عشان اتاقلم؟؟؟؟نووورووووني جزاكم الله الف خيرر واتمني ماتستهزون بكلامي وبمشكلتي وابي ازيد شي بعد..الفتره الاخيرره صررت اكره مادري يمكن من الوحام خايفه يكون من زود اللزفه جااااابوني وقولووو لاله الا الله..

 

[ياحلو ديرتى]

بنااااات وينكم ردووو علي الله يجزاهاااا خيررر اللي ترد علي من قلب طالعه

 

[ام شووووق]

حقج تملين خير الامور اوسطها

اكرره شي الريال البيتوتي

 

[الحياة جوهره]

الله يصبرج حبيبتى انتى بعدي عنه روحى حق اهلج قعدى عندهم جم يوم ومو حلو طبع الريال البيوتي ولله يوفقج

 

[رومانس آيدياز]

مادري شقولج والله بس صعب تغيرين طبعه
بس صح الله يعينج شغله تملل

كل شي يزيد عن حده مو حلو
بس طريقتج غلط وصليله بطريقة غير مباشرة

 

[ياحلو ديرتى]

الله يجزاكم خيرر ياللي رديتوووو وابي الباقي يتفاعلون

 

[ام الدرر]

زوجج الظاهر ماعنده ربع ومو راعي ديوانيات ولاعنده هوايه
الحل بهالثلاثة خليه يتعلق في واحد منهم وبتفتكين من خشته​

 

[شذا العبير]

والله مشكله بالعكس احنا حاسين فيج الظاهر زوجج ماله صداقات وعلاقات اجتماعيه
واهله ابوه واخوانه عادي عندهم بس انتي نبهييه بطريقه حلو مثلا شوف اخوك طالع مع ربعه
خلي اخوانج يجرونه شوي للدوواوين الله يعينج انتي بعد لاتقارنينه بطبع اهلج
يمكن لا جاكم عيال وشال كل المسؤوليه ترتاحين انه ينشغل فيهم

 

[ام التاريخ]

الله يعينج

 

[amoona89]

الله يعينج
مووحلوو الرجال البيتووتي يظل يدقق ويتدخل بكل كبيره وصغيره
ماتاخذين راحتج شكله مايحب الدواووين والطلعات الحل شتسووين
كلميه قوليله رووح دواوين اطلع علشان مانمل من بعض اذا ماسمع كلامج
تأقلمي والله يكوون بعوونج​

 

[معلمة شيسمونه]

والله يا قلبي تبين رايي
خليه جذي وايد احسن لج صحيح انج مليتي

بس تكون مشكلتج الملل احسن من انه يطلع بره وتفتح عيونه ويهيت بشغلات انتي في غنى عنها
وساعتها لا سمح الله بيطيح ببنت ثانيه ولا يطيح بهوايه خايسه ولا ربع معفنين ياخذونه من ديره لديره معفنه

وقتها تخيلي حجم مشكلتج شنو بيكون
انا معاج انه بيتوتي ومليتي منه

انتي طلعي بره البيت روحي لاهلج صديقاتج اشتركي نادي انتي طلعي غيري جو
اذا تشتغلين خلي شفت شغلج عصر

يعني اقترااح واختاري اللي يناسبج
لكن بالبيت أأمــــــــن لج من بره البيت

ساعتها مشكلتج بتكون كبيره ومؤلمه حيل

والله يعينج يا قلبي

 

[بقــآيآ جـروح]

ههههههههههههههههههههههههههه الله يعيـــــــــــــنج بس آحمدي ربـــج بس
حـرآم لاتقولين له جذي آطلع مليت منك
بس قولي له رفيجآآتي بيجون عندي قعدة حريم عندنآآ عشى
حريم بطلع لاهلي آقعدي عندهم وبالليل قولي له ببآآت عندهم مآآخذه دو ينوم آو آهلي
عندهم عشى وبسآعدهم وكل فتره جذي لمه يطلع آهو بعد او سويله مفآجآئه اشترآك بنآدي
سبآحه آو رمآآيه آو فروسيه اللي هو المهم يطلع اذا عندج آخوآن تمونين عليهم وآآيد قولي لهم يآآخذون
معهم الدوآآنيه يعني يعرفون ع الدوآوين بس بطريقه حلوه يعني يقولون له تخآوينآآ
عند آفلآن ويحنون عليه لين يطلع معهم وشوي شوي لمه تجين تقولين لنآآآ بنآآت
لحقو علي زوجي مآآشوفه بالبيت شسوي عشآآن يقعد
هههههههههههههههههههههههههههههههههههههههههههه​

 

[حصونه الحلوة]

الله يعينج والله

 

[سارووه الاموره]

الحل انه اذا قعد مع اهله تحت ماتتدخلين فيه وانتي قعدي بشقتج مو القصد تحبسين نفسج بس لا تقعدين معاه جدام اهله
يعني نزلي تحت تقهوي وسولفي وصعدي لشقتج

اذا لحقج الشقه ولزق بـوو 24 ساعه عندج قعدي بغرفه النوم وشبكي ولا نظفي رتبي تكشخي دلعي نفسج لهي نفسج عنه وخليه بصاله

واذا صار بغرفه النوم خليج بصاله خخخخ
القصد انه تخلينه يشتاق لج وعلشان تشتاقين له مو 24 ساعه تشوفينه وتملين منه

واذا عندج سالفه شي قعدي سولفي معاه قعدت حب و مكسرات وحلووو وقهوه وفطاير جاي يعني انتي لطفي الاجواء

ومرات طلعو العصر لمكان لو بحر او كافيه او اي شي يعني لهيه خليه يلهى من مشاويرج عوديه انه يطلع دزيه للجمعيه

لاتقولين روح مابيك مليت ترا الريال يكرهج من كلامج ويحفظه براسه بعدين يقول صح مليت منها بعدين يصيع بايدينج خليه يقعد بلبيت ومالج شغل فيه ..

 

[اوراق التوت]

يعني مايروح دوام حبيبتي احسن لك يكون قدام عينك
احسن من اللي يطلع وماتشوفينه الا اخر الليل
وقعدي راكضي واره
انا زوجي بيتوتي يرجع من الدوام الساعة سته ونص مافيه حيل يطلع مع ربعه بس من اول مايرد من الدوام افتح له الباب وان مرتبه ولابسه زين
شوفي المرة اذا بغت تكشخ وتتسنع ممكن تلقى الوقت وتستغل اي فرصة حتى لو دخل الحمام تكرمين وانتي وشطارتك للكن لاتقولي ممل

 

[سوسن1980]

حاولي تكتشفين هواياته وتشجعينه يمارسها او قولي له يشترك في نادي

 

[أحبج يمه]

الله يعينج

 

[كويتيه وافتخر]

تسبحي ساعه كامله
دشي المطبخ وتفنتكي بحلا والا اكله ساعه كامله

زوري اهلج ساعتين ثلاث بتشتاقين له اكيد

 

[mrs.3wesha]

والله من رايي خليه جذي احسن بواايد

الدنيا قامت تخرع

لايطيحله على شباب موزينيين ولابشغله موزينه الله لايقوله

وبعدها راح تندمين تقولين ياليت ماخليته يطلع

والله يكون في عونج حبيبتي