شئ غير مجرى حياتك شاركيني عزيزتي ؟؟

[ام أحمدووه]

مشاركة: شئ غير مجرى حياتك شاركيني عزيزتي ؟؟

اول مرحلة غيرت مجرى حياتي اهي .....الشغل....لاني دخلت عالم يديد وشفت واختلطت مع اشكال وانواع من البشر ماتخيلت بيوم اني راح اقعد معاهم او احتك فيهم خاصة اني من بيئة خالية من المشاكل الحمدالله رب العالمين....فجأة قمت اقعد واتحاور مع مدمنين ونصابين وحرامية وناس عندهم مشاكل عائلية ووووووو وايد اشكال والوان من البشرررر
شغلي فعلا غير مجرى حياتي


اما المرحلة الثانية اهي الزواج ..غيرت حياتي والحمدالله للافضل

المرحلة الثالثة عايشتها الحين وهي الحمل سبحان الله شي يديد واحساس غريب وحلو ...والفال يارب حق اللي ناطرة

 

[من فضل الله]

مشاركة: شئ غير مجرى حياتك شاركيني عزيزتي ؟؟

الشي اللي غير حياتي كلها وقلبهااا ورجعني من شخصية قوية ومتسلطة الى أنسانة ثانية بس والحمد الله أحسن بكثير من قبل هو حادث سيارة صار لي ولأختي وحبيبتي وتوأم روحي وأبوي .....وكان نتيجة الحادث موت أبوي وأختي....... مجرد التفكير ان ملك الموت كان فوق رأسي وما أخذني أقول سبحان الله كان ربي رحيم فيني لأن كانت أشياء خطأ في حياتي كان لازم لها تعديل.................

 

[حبيبة أهلها]

مشاركة: شئ غير مجرى حياتك شاركيني عزيزتي ؟؟

هلا وغلا خواتي الغالياااااااااااات مشكورين على التفاعل الحلوووووووووووووو والردود العسسسسسسسسسسل

 

[ياشايل الظبى]

مشاركة: شئ غير مجرى حياتك شاركيني عزيزتي ؟؟

الزواج .. والسفر ..والغربه عن الاهل ..
فى ديره غير ديرتج وناس غير ناسج ..
واللغه توقف بينج وبينهم .. يعنى حتى التعامل معاهم محدوووود
وشوفه المرضى بالسرطان ..
وموت غدير ..
وموت ام صالح ..
وموت ام ممدوح ...
وموت ناس كثير كنتى تضحكين وتقعدين معاهم ..
وتشوفينهم يموتون جدامج .. ومحد يقدر يسوى شى .. كل شى يوقف عاجز امام قدره الله
تحسين ان الدنيا فانيه .. وان كل الاشياء اللى كنت افكر فيها من لبس وكشخه ومكياج وشوبنق ووو
ماهى اللى وسخ دنيا ...
وان ممكن اقوم بكره من النوم وألقى نفسى مصابه بمرض او مبتليه بعاهه ..

 

[LajoOona]

مشاركة: شئ غير مجرى حياتك شاركيني عزيزتي ؟؟

وايد اموور غيرت مجرى حياتي
اول شي مشكله كبيره صارت لي مع بنت الله يسامحها خلتني ما اثق باي شخص بسرعه وفعلا غيرت شخصيتي
الشي الثاني زواجي وطلعتي من بيت اهلي وسكني في بيت حمولتي
مرض ابوي وسفره بره للعلاج كشف لنا معادن الناس الي حوالينا
وفاة بوي الله يرحمه اكشفت اوراق يديده وبينت معادن الناس اكثر وعرفت ناس كانو يخافون من ابوي علشان جذي يحترمونا وبعد وفاته خلاص راح كل شي
تخرجي ووظيفتي بينت لي اشلون اتعامل مع الناس وغير شخصيتي
دخولي دورة اطلق العملاق للدكتور سليمان العلي ومشيت على الجمر وانا حافيه خلاني اعرف قدراتي ومواهبي ورجع لي الامل اني اقدر احسن وضعي وزاد ثقتي بنفسي

 

[خبيرة اعشاب]

مشاركة: شئ غير مجرى حياتك شاركيني عزيزتي ؟؟

اللقافه اهي اللي غيرت حياتي ...

 

[حبيبة أهلها]

مشاركة: شئ غير مجرى حياتك شاركيني عزيزتي ؟؟

اللة يعينكم خواتي على الابتلاء وهذا اختبار من رب العالمين والزواج والاطفال نعمة من رب العباد ومشكورين على تفاعلكم الحلو والاحلا مروركم

 

[تونه الكويت]

موت اختي :eh_s(11): :eh_s(11): اللي اكبر مني واللي اهي صديقتي

 

[شندوخه]

وفاه يدتي الله يرحمها خلتي التزم اكثر من قبل

مرضتي الاخيره وسفري وعمليتي وغربتي 6 شهور شي غيرني وايد وايد الحمدالله على كل حال

وشريط سمعته اسمه صلاتي نجاتي وقصص وايد فيه اثرت فيني

 

[CuTiE PiE]

رد: مشاركة: شئ غير مجرى حياتك شاركيني عزيزتي ؟؟

وايد اشياء غيرت حياتي

اولا وفاة والدتي وانا عمري 15 سنه

زواجي من حبيبي وعمري ريلي

انجابي ولله الحمد

غربتي وايد غيرت حياتي من بعد زواجي ب 3 سنين تغربت وعرفت من الي يحبني ومن الي مايحبني

وفاة ابوي رحمة الله عليه


وفاة اخوي وحيدي قبل 3 اسابيع هي الي صج قلبت موازين حياتي فوق تحت

لكن الف حمد وشكر علي كل نعمة ربي انعمها علي

عظم الله اجرك حبيبتي صدقينى انا حاسه باحساسك حبيبتى انا ابوى الله يرحمه توفى بالغربه من تقريبا 7 سنين والله الى الان اعانى من يدق التلفون اخاف
ترى والله انا احبك فى الله ومتابعه كتاباتك واذا احتجتى اى شى انا فى الخدمه انا فى امريكا بعد وان شاء الله يارب يرحم اخوك وامك وابوك ويغمد روحهم الجنه

 

[CuTiE PiE]

حبيبه اهلها
انا فى اشياء كثيره غيرت فى حياتى منها عدم دخولى كليه الطب وبعدها زواجى وسفري على طول لامريكا وفاة ابوى و وفاه قريبتى
بس الشى الى من جد غير شخصيتى وقلب حياتى فوق تحت اهو اصابتى بال
anxiety
خلتنى انسانه خوافه لمده سنه ماقدر اسافر ماقدر اسوق ماقدر اقابل ناس اخاف من الفرح من اى شى تقريبا الحين انا الحمد لله اخف بكثير وان شاء الله يارب اشفى نهائيا من هالحاله.................

 

[DLOOL]

:eh_s(2): وفاة ابوي حبيبي الغالي
ولادة عبود ولد اختي فرحة حياتي
وظيفتي املي الجديد
والحمد لله على كل حال

 

[rawona]

مشكوره على هالموضوع ..

وايد اشياء غيرت مجرى حياتي .. و اهمها سفرتي للدراسه بامريكا اللي افتحتلي باب الحب و السعاده و النجاح :eh_s(15): ​

 

[البحر العميق]

انا الى غير مجرى حياتى هو الغزو العراقى الغاشم قلب موازين حياتى كلها وخلانى انظر للدنيا نظره ثانيه...؟؟؟

 

[ورد الاوركيد]

اثر فيني وفاة يدتي الغاليه الله يرحمها ويرحم جميع المسلمين يا رب .
زواجي علمني اوزن الامور واخطط بشكل افضل
مرض ولدي مسبب لي الم نفسي
قرصه الاحباب تلسع
بس بقول لكم شي
اللي غير من شخصيتي
لووووووول
مسؤولتي بالدوام الله يسامحها
من كثر ما تجذب صرت ما اصدق الناس

 

[هوى الدار]

يمكن زواجي ولما صرت ام بس

 

[حبيبة أهلها]

هلا وغلا حبيبات قلبي جعل ايامكم كلها افرررررراح يارب