شئ نستخدمه ونغفل عنه .. ياربة البيت انتبهي..اللهم بلغت فاشهد...ضروري الدخول

[@غالية@]

السلام عليكم..

راح احكي لكم القصه اللي صارت في العماره اللي ساكنه فيها وخذوا الحذر..

في يوم من الأيام كنت سهرانه على النت لأن ولدي كان صاحي فاضطريت اني اسهر معاه

المهم دخلت المطبخ عشان باقي شوية مواعين اغسلها دخلت شميت ريحة حريق استغربت !!!

دورت مصدر الريحه ماحصلت والريحه كل مالها تزيد المهم دخلت على زوجي صحيته..

قلت له: قوم في ريحة حريق في المطبخ...

قام دور على مصدر الريحه لقاها جايه من الشباك اللي مطل في المنور ...
قال لي: تصدقين شكل الشقه اللي تحتنا فيها حريقه اخاف اللي فيها نايمين ومو عارفين ان شقتهم تنحرق..

قلت روح بسرعه انزل لايجيهم شئ مساكين..

المهم نزل تحت الشقه شاف الدخان يطلع بشكل موطبيعي من شقتهم المهم جلس يدق الباب عليهم ومحد يرد عليه .......

اكتشف انهم مو موجودين.. وجلس يدق يدق .. جت الحرمه وزوجها من برى كانوا..في زواج.

طالعت الحرمه في زوجي وشافت دخان اللي طلع من الباب راحت على طول فتحت الباب وخرج الدخان وقعدت تصيييييييييييييح والله يابنات صياحها وصل عندي وانا في الدور اللي فوق المهم جلست تصيح على عيالها لأنهم في الشقه ... والشقه فيها حريقه المهم جلست تبكي زي المجنونه وتردد تقول: عيالي مالي غيرهم عيالي بينحرقون..

المهم ليله طويله ودقينا على الدفاع المدني ودخلوا وطلعوا عيالها .. الحمدلله كانوا عيالها نايمين
في الغرفه ومقفل الباب عليهم...
وطفوا الحريق...
المهم ايش سبب الحريق اكتشفو ان سبب الحريق هي...

الشفاطه

ايوه الشفاطه اللي في المطبخ تاركينها 24 ساعه تشتغل
وذابت المكينه وسوت حريقه في المطبخ والله يابنات دخان الحريق جلس يومين في العماره من قوة الريحه...

لذلك يابنات انتبهوا
يقول صاحب الشقه انا كنت في بيتي مع العيال 5 دقايق خرجت من بيتي عشان اجيب اهلي من الزواج
وصارت الحريقه..

انتبهوا ياربات البيوت الشفاطات في المطبخ او في الحمام قفليها قبل ماتخرجين لاتنسينها والله ماعرفت خطورتها الا بعد هذا االموقف اللي صار..

اسأل الله ان يحفظنا بحفظه


منقوووووووووووووول

 

[فازلين اخضر]

لاحول ولاقوة الا بالله

 

[زخارف]

صحيح لازم ما يشتغلون الا وقت الحاجه يعني وقت الطبخ فقط مو طول اليوم 00000يعطيج العافية على التنبية

 

[سفرجل]

[frame="1 50"]عاد انا اخليهم 24 ساعه يشتغلون ------------------خرعتين خلاص بطفيهم من الحين[/frame]

 

[أحب ترابها]

الله يحفظنا ...مشكوره علي النصيحه

 

[@غالية@]

صحيح لازم ما يشتغلون الا وقت الحاجه يعني وقت الطبخ فقط مو طول اليوم 00000يعطيج العافية على التنبية

الله يعافيج حبيبتي وخصوصا وقت النومة لازم تسكرينة

[frame="1 50"]عاد انا اخليهم 24 ساعه يشتغلون ------------------خرعتين خلاص بطفيهم من الحين[/frame]

شدعوة 24 اهم شي وقت نومتكم اطفونة لايحترق وانتوا نايمين واذا بطلعين من البيت وخصوصا اذا عيالج في البيت خو الخدم ما يعرفون يتصرفون

الله يحفظنا ...مشكوره علي النصيحه

آمين ولو بنات ديرتي لازم انبهكم لان اكثر الحرايق بالكويت من الكهرباء وبعضها من المراوح التهوية وعلى فكره حلو النك

 

[music_teacher88]

يعطيج اللعافيه حبيبتي

صح في انواع مراوح تحتر بسرعه
وطبعا بالعمارات يحطون ارخص شي

والحذر واجب

 

[حب الكويت]

يعطيج العافيه...

مشكوره على التنبيه...

 

[*ستايل*]

مشكووووره على التنبيه زين نبهتيناا

 

[قهوة عربية]

مشكورة على التنبيه .....يزاج الله خير

وفعلا أكثر شي يسبب الحريق

الشفاط

وشاحن الموبايل

لابد تطفونهم بعد الاستخدام ....خصوصا بالليل ....

الله يكافينا ويكافيكم شر الحريق

 

[Suwi]

laa 7wl wala gwt ela bellah !


mshkoraa 3ala el tnbeeeeh

 

[*دنــيـQ8 ــا الوله*]

مشكوره عالتنبيه

 

[سلامات]

ما قصرتي يا الطيبة على النصيحة......................... والله يحفظ الجميع

 

[love love]

مشكووورة

 

[supermarket]

عدل كلامج

بنت خالتي احترق بيتها من شفاط الحمام تكرمون

بس الله ستر ما وعوا الا الدخنة داشة عليهم بالغرفة

 

[@غالية@]

جزاكم الله خير على الكلام الطيب وحياكم حبيباتي

 

[nonia]

مشكـــــــــــــــــــــــــــوره يالغاليـــــــــــــــــــــــــــه على النصيــــــــــــــــــحة.

 

[أغلى حبيبه]

[frame="8 50"]الحمدالله مااحب استخدمهم

عندي ابطل الشباك احسن وآمن

ومشكووووره على التنبيه[/frame]

 

[زيـنـه]

صح هالكلام .. اعرف ناس احترقت شقتهم بالكويت اهني و السبب الشفاط ..لان يتكون عليه دهون من الطبخ ..و مع الحراره و الاحتكاك تتكون شراره و يحترق ..ديروا بالكم .. و على طول سكروا الشفاطات سواء بالمطبخ او الحمام .. و الله يحفظكم و يحفظنا من كل شر .

مشكوره اختي على التنبيه .

 

[Dr.CarameLLa]

الحمد لله الله حفظهم
ديرو بالكم