شاركونا بأرقام المدرسين الخصوصيين ( اللي مجربتهم ) بالأمانه 2013 - 2014 نبي أرقام يدد

[تمره بحلاوتها]

السلام عليكم

وكل عام وانتم بخير

الحمدلله على جميع النعم اللي احنا فيها

هالموضوع مهم لكل ولية أمر

وان شاءالله الكل يفيد ويستفيد منه

بصراحه في موضوع مشابه ومثبت

بس للأسف قديم وأكثر الارقام تبدلت

المهم احنا عيال اليوم >>>> فررررش يعني 

2013 - 2014
​

واللي تبي رقم مدرسين خصوصيين ماعليج الا تكتبين طلبج

الماده + مدرس / ـة + المرحله الدراسيه

وان شاءالله البنات ماراح يقصرون

واللي جربت مدرس أو مدرسه كفؤ بأي ماده

ياريت تحطين الرقم عشان الكل يستفيد

والله يوفق عيالنا بالدراسه والحياه

​

 

[تمره بحلاوتها]

عن نفسي جربت أبله إيمان مصريه تأسيس عربي

شاااااااطره درست عيالي بأولى وبثالثه

اللي بأولى اسم الله عليه شطور

وولدي اللي بثالثه يتعلثم بالنطق وصعب يفهم

ولله الحمد بفضل من الله

وبفضلها تحسن حييييييل

هذا رقمها 97160681

سنتين تدرس عيالي

تاخذ عالساعه ٦ دنانير

طلبي​

أبي مدرسة انجليزي تأسيس تكون شاطره

وتدرس بضمير

لولدي اللي بيروح لرابع ان شاءالله

ابيها وسيعة صدر لأن ولدي

يتعلثم بالكلام ويالله يالله يستوعب

الحمدلله على خلقة الله والله يحفظه لي حبيبي*​

 

[تمره بحلاوتها]

تنبيه

للمدرسين الخصوصيين

بليييييييز مانبي دعايات مانبي دعاياااات

هذا منتدى كويتيات مو الوسيط

فرجاءً مانبي أي مدرسه تحط رقمها ---> مداح نفسه يبيله .....

موضوعنا مهم لعيالنا مو اعلانات

الأم اللي محتاجه مساعده وتبي رقم مدرس/ـه

كتبي اللي تبين

و الأم اللي جربت مدرس/ـه واستفادت منهم بكل صدق وبأمانه

تحط رقمهم وتكتب چم ياخذون بالساعه

نبي نحط فلوسنا بشي زين مو تجارب فاشله

كافي ان المدرسين بالمدارس الأغلبيه منهم مايدرسون بضمير

والله اللي بيحاسبهم

أبي تفاعلكم ياأمهات الأجيال القادمه

٢٠١٣ - ٢٠١٤

​

 

[مارون جلاسيه]

مشكووورره على الموضوع المفيد....
انا ابي مدرسة رياضيات شاطره حق رابعه ابتدائي

 

[الفيلة العصلة]

درباكم من مدرسة اسمها أم سارة وايه استغفر الله عندها فضول بكل شئ استغفر الله لدرجة خذت الجريدة وقعدت تقراي وقالتلي يله حلي وأنا أقراء بطت جبدي لأني كنت بروحي بالبيت وتهوشت معاها بعد اندرس جميع المراحل خذو الحذر منها

 

[بيت التوت]

ياااارب المشرفات مايدمجون الموضوع

الموضوع اللي طاف خلاااص انتهت صلاحيته من اسنين

وياكثر الدعايات فيه



هالموضوع للي مجربين بنفسهم

ولا اشفرق المنتدي عن الوسيط اللي لوع اجبودنا واحنا نطلب مدرسين وندفع فلوس واخرتها علي الطل

وحده لاعت جبدها من مدرسين الوسيط <<<<<<<<<<<<<<

 

[مارون جلاسيه]

فوق

 

[حورية بنت حواء]

درباكم من مدرسة اسمها أم سارة وايه استغفر الله عندها فضول بكل شئ استغفر الله لدرجة خذت الجريدة وقعدت تقراي وقالتلي يله حلي وأنا أقراء بطت جبدي لأني كنت بروحي بالبيت وتهوشت معاها بعد اندرس جميع المراحل خذو الحذر منها

منو اهيا اصلا وشنو ندرس

 

[بيت التوت]

استغفرالله العظيم واتوب اليه




اب

اب

 

[Q8_QT]

خوش موضوع
آنا ابي مدرس او مدرسة انجليزي ولدي ثانية ابتدائي
مشكلتي معاه ملول اسم الله عليه وحركي يبيله بال طويل اتمنى اللي يعرف يفيدني

 

[حنين الفرح]

بنات الي عيالها بمدرسه ثنائية اللغه تساعدني ابي مدرسه للانجليزي

 

[تمره بحلاوتها]

أب

أب

أب

الله يوفق عيالنا ويحفظهم بعينه التي لاتنام

 

[الجود112]

هلا اختي تمره بحلاوتها
انا عندي مركز وهذي المدرسه كانت عندي وطلعت عشان ظروف الزواج وللامانه حيل شاطره
٩٠٠١٦٥٣٧

 

[mahaty]

يعطيج العافيه
تمره حلاوتها
انشالله ابي اجرب مدرسة العربي ولدي بثالثة انشالله القا فايدة

 

[اجمل احساس ..!]

.,


السلام عليكم

انا ابي مدرسة انجليزي وعربي لاولى ابتدائي

ماعليكم امر

المواصات متوفره اذا تبي اوديها واردها لبيتها

يمال العافيه لكم

 

[تمره بحلاوتها]

ياااارب المشرفات مايدمجون الموضوع

الموضوع اللي طاف خلاااص انتهت صلاحيته من اسنين

وياكثر الدعايات فيه



هالموضوع للي مجربين بنفسهم

ولا اشفرق المنتدي عن الوسيط اللي لوع اجبودنا واحنا نطلب مدرسين وندفع فلوس واخرتها علي الطل

وحده لاعت جبدها من مدرسين الوسيط <<<<<<<<<<<<<<

يعطيج العافيه حبيبتي

وان شاءالله تلقين اللي تبين

الموضوع اللي طاف اكيد استفادوا منه وايد

بس للأسف محد كتب تجربته

ونهايته اعلانات موطبيعيه

ورفع

رفع

رفع​

 

[تمره بحلاوتها]

يعطيج العافيه
تمره حلاوتها
انشالله ابي اجرب مدرسة العربي ولدي بثالثة انشالله القا فايدة

هلا والله

ممتازه هالابله والله يجزاها خير وين ماراحت

اهي اللي علمت عيالي القراءه الصحيحه والكتابه

والقواعد

والله يوفق ولدج ويخليه لج​

 

[mahaty]

يسلمو تمره بحلاوتها

 

[برونزية رشيقة]

مع اني زعلانة من العضوااااااات لانه محد يرد على مواضيعي واستفساراتي وعيزت وانا اقولكم ابي حضانة زينة لعيالي وكل من حاقرني في قسم أولياء الأمور لكن قلت أصير أحسن منكم ..........!
وبحط لكم رقم مدرس عربي ومابي منكم إلا دعوة بظهر الغيب ان الله يوفق عيالي.

والله العظيم هالمدرس كلمة شاطر شوية عليه ويذبح نفسه بالشرح ويعطي نماذج امتحانات وأوراق عمل وهو متخصص بتدريس منهج "أولى وثانية وثالثة ابتدائي"
60754293 أستاذ محمد "مدرس عربي شاطر "




لا تنسون تدعون لعيالي بالتوفيق .

 

[ورودة]

السلام عليكم خواتي والله يوفق عيالنا

انا ابي مدرسه او مدرس يكون مخصص لبطئئ التعلم لاني وااايد قااعده اعااني مع بنوتي برابعه ابتدائئ مااتعرف لاتقرا ولا تكتب وااايد اهي تعبت نفسيتها لانها مااتعرف حتي كرهت الدراسه والله يوفق عيالنا يااارب