شاركوني .. نبي نضعف قروب من عشر بنات

[ReD&FoSHia]

قوة
هلا باحلى العضوات
شرايكم نبدي تجمع
اللي تبي تضعف من 10 لي 15 كيلوجرام
تعلن اهني اسمها
انا وحدة ابي 10 كيلوجرامات
منو بتساندني
طبعا نبي تصوير للاطباق اللي اعددتيها
و نوع الرجيم المستخدم

انا رجيمي ببدي فيه ان شاء الله
الريوق : توستتين مع تركي او لبنة معاهم مخلل خيار و زيتون اسود مه جاي بالاعشاب
الغدا شوربة اي نوع من كنور او شوربة خضار انا اسويها مع ستيك قطعتين لحم او دياي او صدر دياي او اربع قطع كباب ( كلهم بالفرن بالليمون و البهارات و معجون الطماط + طبق خضرا ورقية زيت زيتون و ليمون و لومي باودر و رشة بودرة نعناع و رشة فلفل اسود و ملح و سماق و بس
العشا : يوم روب و خيار مع نعناع و يوم نفس الروب والنعناع و الخيار مع همبرجر مشوي و يوم ثاني روب و نعناع و خيار مع توستة و لبنة او روب و نعناع و خيار مع بطاطا حلوة او عادية مفيوحة



هذا رجيمي منو بتبدي وياي

السناك كل يوم بين الريوق و الغدا عبارة عن 5 تمرات تنشد الظهر و الراس عجيبة
والعشا اخلييه مبجر عدل يعني 6 انا ماكلة و خالصة


يالله منو معاي

 

[ReD&FoSHia]

ساعدوني بعد انقي اسم للقروب
نبي اسم يفتت الصخر ههههه

 

[ReD&FoSHia]

اب اب

 

[ƒаℓℓзи ｡•]

آنآ آبيي ي
صصآرلي فترهه آبدي وآنزل 5 كيلو وعققبهآ
آككنسل وآرجعع آللي نزلتهه وزود
لسسىى ى مآفكرت بنظظآم رآح آتبعهه
# لككن آبي آكون ويآج ​

آمممم
وزني قبل سنهه كآن 94
نزلت وصصآر 76
ووقفت بدون تثبيت لمدةة 6 شهور تقريبآ
وآلحين رجع 81
ططولي 160​

 

[ReD&FoSHia]

حياج الله
تقريبا نفسي
انا طولي 155
و وزني الحين 68
ابي اوصل 58
يعني 10 كيلوجرامات
يالله معاي عضوة
باقيلنا 9 عضوات

 

[googoosh]

انا بعد وياكم
طولي 155
وزني 57 و ابي اوصل 50
لي الحين ما قررت شنو الرجيم اللي بسويه بس انا الحين بدايت كير و على ما اخلص راح ابدي اسوي رجيم عادي

 

[MISS_RIOOM]

انشالله انا معاكم بس نبي تشجيع
انا بتبع رجيم التخفيف
الطول ١٧٥
الوزن الحال ٦٠
الوزن المثالي ٥٥

 

[ReD&FoSHia]

^^^

مس ريوم
طولج جم ؟؟؟؟ !!!! كتبيه مرة ثانية

 

[MISS_RIOOM]

175

 

[ReD&FoSHia]

175 ؟؟؟؟ و وزنج 60 ؟؟؟

مافيج سمنة ليش تبين تضعفين ؟؟ ؟

 

[MISS_RIOOM]

الكل يقوولي بطة ابي اضعف. ٥كيلو معاكم

 

[د.راما]

اناااااا

161 الطول
66 الوزن
ابي اوصل 56 ع الاقل يعني 10 كيلو =)

رجيمي سهل ... اكل كل شي ماعدا النشويات رز و خبز و مكرونه و بسكويتات ،، البطاطا والذره و الكورن فلكس فيتنس تبع الرجيم بس بكميات خفيفه ،، طبعا لا مقليات ولا شبسات ولا حلويات

الاكل :
* لحوم بانواعه طبعا مطبوخ بطريقه صحيه يعني مو زيوت وقلي ..
* خضار بانواعه كلهااا ( كمية كبيره ع الغذا مع اللحم ) و سلطاااات ملح وصوص ايطالي خفيف ...
* اشرب لبن قليل دسم ، حليب خالي الدسم ، عصيرات طازجه بانواعها حتى كوكتيل ، كوفي بانواعه والشاي الاخضر وغيره بس سكر رجيم او بدون ...
* الاجبان فقط موزريلا اضيف احيان مع السلطه او الخضار المطبوخه وبكميه معتدله ..
* الشوكليت كل اسبوع ممكن واحد بس ساده بدون بسكويت او مكسرات وغيره ..

طبعا الرجيم من عندي خخخخ لاني عارفه وين مشكلتي اكثرها بالنشويات ،، و يارب مايخلص شهر 7 الا واحنا نازلين هال 10 كيلووووووووو

 

[ReD&FoSHia]

ان شاء الله
وحياج معانا

 

[د.راما]

اليوم

فطوري : كورن فليكس فيتنس مع حليب خالي الدسم
بين الوجبتين : كوب صغير لبن قليل الدسم
الغذا : صحن لحم مفروم بالبصل وشوووي صلصه + صحن كبير خضار بازلاء وقرنبيط وجزر مطبوخ ...
العصر : عنب اخضر + شاي اخضر
العشاء : ان شاء الله بيكون تفاحه وشاي اخضر .

=)​