شاركينا برأيك كيف كانت سنة 2009 بالنسة اليك؟

[كل الريم]

مع اقتراب نهاية عام 2009 نحاول من خلال هذا الموضوع ان نجمع ارائكم حول سنة 2009
برأيك كيف كانت سنة 2009 بالنسبة اليك؟ هل حققتي بها ما ما خططتي له ؟ كيف كانت احوالكم
العاطفية
الدراسة
العائلة
و الصحة؟
شاركونا برأيكم​

 

[كويتيهx5]

الحمدالله

يمكن ما حققت شىء فيه لكن ماكان فيها شىء سيء وعندي امل 2010 راح احقق الزواج والشغل ان شاء الله.
والحمدالله على الصحه والعافيه

بس قربت من ربي اكثر واييد

 

[hend6363]

العاطفية في اشياء وايد بانت لي و حدثت في هذا المجال
الدراسة في تاخر بالمستوي و احاول ارد كيف كنت
العائلة زواج اخوي شهر 5
الصحة الحمدالله رغم مرض الضغط الي عندي و اخاف منه بس عادي اللحمدالله

اجمالا بكل سنه اقول هالسنه احسن من السنه الي فاتت
وهالعام كمان هقول احسن لالن الانسان كلما كبر كلما زاد بيتعرف علي اشيا كتيره و تقع حاجات و تطورات في حياته
بس في الصغر لعب و ما نعرف حاجه اليوم مثل باجر

 

[kandora]

ازفت عام للاسفوالله يحقق اللي في بالي 2010 والحمدللة على كل حال

 

[كيكه حامضه]

مرحبااااااا كيفك يالحلوه............

بنسبه لي اخيس سنه مرت في حيااتي وودي مامريت فيها سنه احسها كئيه وكلها بجي وضييقه والله سنه كامله ابجي واحس فيني ضييقه والمشكله من سبب تااففه وخله نظرتي للحياااه سودااويه وانا انشاءالله متفائله بسنه 2010 واحس راح تقلب حيااتي فوق وتحت طبعا من الونااااااااااااااسه قوووووووووووووووووووووووووووولووو امييييييييييييييييييييييييين

 

[سـارهـ]

بالنسبه لي اول 3 اشهور حلوه بس بعدها لا صراااااااااحه اكئب سنه فقدت فيها اعز ناس بحياتي

 

[فاقده ابوهاااا]

الحمدالله كانت احلى سنه بحياتي لان ربي رزقني بياهل امينني وماخذ عقلي مع اني ولله الحمد عندي عيال غيره بس هذا غير عسل على قلبي

 

[فاقده ابوهاااا]

مرحبااااااا كيفك يالحلوه............

بنسبه لي اخيس سنه مرت في حيااتي وودي مامريت فيها سنه احسها كئيه وكلها بجي وضييقه والله سنه كامله ابجي واحس فيني ضييقه والمشكله من سبب تااففه وخله نظرتي للحياااه سودااويه وانا انشاءالله متفائله بسنه 2010 واحس راح تقلب حيااتي فوق وتحت طبعا من الونااااااااااااااسه قوووووووووووووووووووووووووووولووو امييييييييييييييييييييييييين

آمين والله ضيقتي خلقي الله يفرج همج وان شاء الله تكون سنة 2010 سنه حلوه عليج وعلى جميع المؤمنين

 

[الغدق]

امممممممممم بصرااااحة سنة سخيفة وتافهه لأن
بعيد الشر عنا وعنكم إن شاءالله
فقدت فيها ناس وايد
هذا على المستوى الاجتماعي والعائلي
أما الدراسة الحمدلله أحس حبيت تخصصي واااايد
والصحة الحمدلله والشكر بأحسن حال

 

[đηđΌoΌηą]

احسها كانت سنه كئيبه بالنسبالي ...

بس الحمدالله على كل حال

وانشالله تكون السنه الايايه احسن من 2009 يارب

ويتحقق كل اللي نتمنى ...

 

[عاشقة الكاكاو]

سنة 2009 كانت سنة صعبه وااايد واااايد

اكتشفت فيها امور تعور القلب

مادري شقوول اخاف اتكلم امووت من البجي :0bee2e8d89::0bee2e8d89:

كل اللي اقدر اقوله اني انظلمت وايد في هالسنه

لي عودة

 

[CUTE ENGINEER]

هالسنة كانت تعللللللللللللل القلب مت من البجي فيها وتحطمت أعصابي لين قلت بسسسسس

اللي كل ما أقول برتاح من شي يطلع لي شي ثاني

نفسيتي كانت بالحضيض من أول السنة لي قبل شهر بس الحمد لله على كل حال

الصحة
الحمد لله سويت عملية بالقلب راح تريحني باجي عمري إن شالله
وطحت على ظهري طيحة عالدرج بس الله ستر وعدت على خير

العاطفية

مرت بعواااصف وأعاااااصييييير اللي طلعت عيوني والله بس الحمدلله عدت على خير

العائلية

أخوي ياله ولد يينننن نطوووووووع
وهذا أحلى شي صار هالسنة

أتمنى بسنة 2010

الله يجمعني باللي في بالي بالحلال

ويرزقنا الذرية الصالحة

اللهم آآآآآآمين

إن شاالله

 

[~.. المياسة ..~]

الحمد الله يارب

ع كل نعمه

اشكرج ع الموضوع

 

[{ عبره وهلت }]

سنة 2009 .. كانت جدآ صعبة ، بدآيتهآ تعب نفسي وجسدي ومرض وعلآج بالغربه بس هم كان فيها فرج والشفااء بعد هالعلاج
وبوسطهآ : صدمة حيآآتي ، صدمة حيآآتي صدمة حيآآتي ( حسبي الله ونعم الوكيل )
نزول مستواي الدراسي ، كسل من ناحية الدراسه ...
نهآيتها : الحين انتظر الفرج لان املي بربي كبير . ومتفائله جدا

بس لازم اتذكر اهم شي : اني تعلمت الصبر وتحمل الايام الصعبه وكسر الضييق ..
لاننسى ان ربي رغم كل اللي مرينا فيه مآجرنا ان شاء الله
ان الله مع عباده ومع الصابرين والذاكرين

ولاننسى قول صلى الله عليه وسلم رسولنا الحبيب " تفائلوا بالخير تجدوه "

وسنة 2010 ( اتوقع فيها الفرج والفرج والتفؤل )

ياااارب

يااارب

ياارب

يارب

عوضنا بهالسنه خير يارب ..

 

[أإلع ـشق دلع ـهـأإ]

؛


؛



آآآآآآآآآآآآآآآآآآآآآآآآآه أخيــس سنــه مرت علــي ..


كلهــأ بجي من أول السنــه لــين اخرهــأ ..


ضيقـه ورى ضيقـه ورى ضيـقه ..


صدمــه ورى صدمــه ورى صدمــه ..


مــت من القهــر فيهـأ ..


فقــدت اغــلى شخــص بحـيـأتي ..

إنصـدمت بنـأس ...

إنجرحــت حييييييييييييييييييييييييييييييييييييييييييييييييل ..


آآآآآآآآآآآآآآآآآآآآآآآآآآآآآآه وربـي تعبــت حييييييييييييييييييل بهالسنــه ..

بس الحمد لله ع كل شي ..


أهم شي الصحــه والعـأفيــه ..


إن شالله سنة 2010 خيــر علـي وعلــى كل منتدى كويتيـــأت ..


إن شالله كل بنــت يتحقق كل حلمهـأ فيهـأ ..

اللهم اميــــــــــــــــــن ..

؛


؛

 

[happy&single]

أيام ربي كلها حلوة
رب العالمين يعطي الكل على نيته وعلى ظنه بالله فكروا بكل شي سويتوه بهالسنه بتلاقون ان 100% من الله صار لكم من صنع ايدينكم انتوا اللي يبتوه لنفسكم ربي ما يظلم احد ولا يضر عباده ..
بتقولين ياني مرض برد عليج انتي راعيتي صحتج؟ كشفتي دوريا عالجتي بتقولين اي بقولج تصدقتي دعيتي ؟؟

" لا يرد القضاء الا الدعاء ولا يرد البلاء الا الصدقة "

معادلة بسيطة من رب العالمين الرحمن الرحيم مشيتوا عليها ؟؟
ما نجحتي ما اشتغلتي ؟؟ توكلتي على الله وسعيتي ودرستي وخذيتي شهادة وقدمتي بكذا مكان ؟؟

"الدنيا سلف ودين وكما تدين تدان"
في كل خطوة تسوينها تذكري انها بترد عليج بخير او بشر! ديري بالج خير او شر
ان ظلمتي الله بسلط عليج من يظلمج ان سعيتي للخير لاحد الله بسخر لج عبيده في كل مجالات حياتج

"وان شكرتم لأزيدنكم "
اشكروا الله على نعمته يزيدكم من خيره ونعمته هو الله الكريم الرحيم العادل لا يظلم عبده أبد

السنة هذي حلوة لأني بصحه وخير واهلي بخير وديرتي بخير ونعمه ،،
واللي قبلها واللي ياية ان شاءالله بتكون أحلى واحسن ،،

بنــــــــــــــــات تفـــــــــــــاءلوا وشوفــي النعمة اللي انتي فيها وحمدي الله عليها عسى الله يزيدكم من خيرة ويعطيكم ويرضيكم هالسنة وكل سنة يارب ،،
اللهم آمين

 

[صفاءء]

اللهم ارزقنا كل سنه الخير والبركه

 

[خـووخـه]

اممممممم ونااااسه .. صراحه صراحه اول مره ادخل هالقسم واستانست عسى هالسعاده ما تفارقكمم ..
اول شئ حالتي العاطفيه لا تحسدووني تهبللللل .. ولد عمتي بالاردن يدرس وصاير بينا مسجات ..
العائليه كمان حلووة بس باول ايام العيد هذا توفى جدي الله يرحمه بس صارت جمعتنا مرتين بالاسبوووع ..
شئ خططتله التخرج والحمدلله ما بقى شئ واتخرج بس الله ياخذ مادة ذابحتني ودي اجييب احد يمتحن بدالي لاني بقره فيهاا هاهاهاها ..
والحمدللله على كل حااال ..
وانشالله اتزوج ادعووولي سنه 2010 وجميع البنات يجيهم ولد الحلال اللي يسعدهم ..
والله يوفقنا اجمعيــــن ..

 

[احلى توتا]

يالللللللللللللللللللللله
هالسنه اتعس سنه بحياتي والله يجعلها تنذكر وما تنعاد
والله يجبر بخاطري انا وصديقاتي والي في المنتدى

ويارب تكون السنه الجديده سنه خير وسعاده وفرح
وان شالله نكون هالسنه لله أقرب
ويارب تتسهل امور زواجي فيها
واكمل دراسه
واعتمر انا وخطيبي الى انشالله بيكون زوجي
ان الله على كل شي قدير

ويارب اعطي كل وحده الي تتمناه قادر يا كريم يامن بيدك ملكوت كل شي
اعطني واعطي كل خواتي وصديقاتي والي بالمنتدى الي يتمنونه واسعدهم وفرج كربتهم واجبر بخاطرهم
واخر دعائي اللهم صلي وسلم على نبيك وحبيبك محمد عليه افضل الصلاة والتسليم

 

[كويتية و لكن]

الحمد الله هالسنة مثل كل سنة مرت علي وانا الحمدالله بصحة وعافية وخير ونعمة وهذا المهم

انا وعيالي واهلي الحمدالله بخير

والمهم ان كويتنا بخير وبامن وااااااااااااااما وهذا اهم شي بالدنيا

والسنة هذا الحمد الله واجد تقربت من الله سبحانة وتعالي واكثرت من العبادات ولله الحمد وصلت الرحم والشكر لله في كل الوقت

علي نعمة الاولاد والصحة والامان

مشكوووووووووورة