شاركينا ...لو قابلك انسان اعمى وطلب منك ان تصفي له الدنيا كيف ستصيفيها؟

[pride&prejudice]

بقوله إن الدنيا حلوة فيها الزين وفيها الشين وأوصفله السما وكل شي وأحاول ألون الظلمة إلي يشوفها هذا أقل شي يمكن أقدر أسويه

شكرا للطرح المميز

 

[جنون العاطفه]

اوصف الشمس البحرر الورد الدنيا تشووفها بحساسك موو بعيونك

شكثر البنات كتبوا عن النظر بحساسهم مووو بشووفهم

العمى عمى القلووب !!


الدنيا لووحه عاديه احناا نرسمهاا ونلوونها ونختار حياتنا بعد الله

بختصار اووصف له المكان الي نجلس فيه بحذافيره

 

[اخت خالد]

ليش كل الاجابات عن مفهوم الحياة من وجهات نظركم..
هي طلبت وصف للدنيا من ناحية نظريه لشخص مايشوف..
هو يحس فالشي اللي وصفتوه هو حاسه مو محتاجه..هو يبيك توصفين الشي اللي مو قادر يحسه..الشي اللي تشوفينه انتي..وهو مو قادر يشوفه..

..
انا راح اوصفله البحر..وكيف المويه والامواج..
راح اوصف الورد..والوانها..باحساسي انا..يعني مثلا بقوله وش شعورك وانت تحس بطفله صغيره وكلها برآءه..اللي تحسه يشبه اللون الوردي..وشعورك من الشمس وحرها هذا للون الاصفر..وهكذا..باحساسي انا..

وريحة الطين..هذا اللون البني..ببدا بالالوان..وشي بيجر شي..لين اصير وصفتله كل اللي اشوفه بالحياة..

الموضوع مرره حلوو..يسلمووو

ما شاء الله عليج نفس تفكيري أنا ما أحب التشاؤم

أقوله الدنيا حلوة وفيها ناس طيبين وأطفال حلوين وانت لو تشوف نفسك ما شاء الله عليك كامل والكامل الله.

يعني من هالكلام الحلو

ونصيحة حق كل وحدة ردت بتشاؤم غيروا تفكيركم ترى الواحد بيعيش مرة وحدة وراح ياثر على اللي حواليه في حياته سواء من اصدقاءه أو اخوانه أو عياله

حرام هالنظرة المتشائمة

وبس

 

[يــاغربـــالي]

بشعه على كثر حلاوتها ..

غدآره .. رغم ان احنا اللي نتحكم فيهآ ..

تغرك بشكلها ..

تخدعك بألوانها وبهرجتها ..

تخليك تحس انها كل شي .. وهي ولاا شي ..

مجرد محطه من محطآت الحيآة

 

[UK_Girl]

اسمحي لي صاحبةالموضوع ..انا الموضوع شادني وادش اقرا ردود البنات ..

شكولاتيه ..الرد من البعض "بان الدنيا مظلمه وسوده ومليانه حقد وبشعه" ..توريج منظار القلب والقالب ((نظرة )) للبنات للحياة ..
انا انصدمت بس ما علقت انتي شيشتيني اتكلم ههههههه

بنات مو تزعلون بس وايد متشائمين ونظرتكم سوداويه للحياه ...!المسكين بروحه الانسان أعمي اذا بيسمعكم بشقق ثيابه ((سواد بصر وبصيره ))هههههههههه

 

[مجروح ياقلبى]

اقوووله دنيا سووده والعمه نعمه وراحه من رب العالمين

 

[nandeny]

بقوله اول شي احسسسسسسسسسسسسسسسسسسسسسسن لك لاتشوفها لانها ماراح تيوزلك وان يازتلك الله يعينك على البشر اللي بتشوفهم

 

[Snow angel]

قبل أن أبدأ معه أقول له بعد السلام العمى عمى القلب والروح وليس العين
سأجعله يرى الدنيا ساحة خضراء مليئة بالأزهار الوردية بأيدينا أن نجعل الدنيا جميله رائعة وسعيدة نبحث عن طموحنا وسعادتنا ورضى الله سبحانه وتعالى سأجلعه يرى بقلبه ويحس بروحه

شكرا على الموضوع الجميل