شاركي بحمله صلاة الفجر

[آسيااا]

ياختي على ايش الكدر
والضيقه والهم والضجر
ابسألك يا صاحبي!!!
أمانه... صليت الفجر؟

نويتها قبل المنام
أو نيتك بس بالكلام؟
وقت المنبه... للصلاه؟
ولا على وقت الدوام؟؟

تخيل انك ماصحيت
الموت جالك وانتهيت
بتقابل الله بأي وجه
والا بتقول انك نسيت؟

الله عطاك اللي تبي!!
الى متى يا صاحبي؟
لا تامن الدنيا ترى..
من يامن الدنيا غبي

يا لاهي بلبس البشوت
وتفكر.. تعمر بيوت
سؤال واحد.. جاوبه
ماجا على بالك تموت؟

انت وانا نبغي الأجر
وقلوبنا ماهي حجر
يالله نتعاهد بالصلاه
من بكره مانخلي الفجر

شاركي في حملة "صلي الفجر"
وانشري
غيرك يصلي وانتي يوصلك الأجر




للأمانه منقول
عسى الله يعينا ويعينكم على طاعته
ودمتم سالمين

 

[آسيااا]

لاحول ولا قوه إلابالله
محد راضي يشارك بالحمله
يابنات صلاه الفجر نور في وجه من يصليها

الله يجمعنا واياكن على طاعته

 

[بناتي حبيباتي]

الله يجزيج ألف خير على حملتج الطيبه

جعلها الله في ميزان اعمالج الصالحه

والحمد لله اني مواضبه وبشكل منتظم على صلاة الفجر وفي وقتها

عسى الله لا يغير علي ولا عليكم

ربي يتقبل صلاتنا وقيامنا واخلاصنا في عبادته وحسن طاعته

 

[آسيااا]

اللهم اميـــــــــــــــــــــــــن

الله يتم عليج مواضبتج

وجزاج الله الجنه ماقصرتي

 

[ايام العمر]

جزاك الله خير

وربي الاسبوع اللي فات كنت انام متأخر شوي واقوم حوالي

ستة ونص بالضبط اصلي الفجر بس احس اني معصبة ومتضايقة مع اني من الحريصين على مواعيد الصلاة بوقتها

رغم احط المنبه بس للأسف مدري عن نفسي بغفوة النوم اقفله

المهم اقولكم اش سويت وربي قبل لا أنام بيني وبين نفسي اقول راح اقوم بدري وعلى الموعد وانا مبسوطة والحمد لله

فعلا لاني معطية عقلي الباطن هالتنبيه ورجعت كما كنت اصلي على الموعد


للفائدة حبيت اعلمكم وافيدكم أخواتي